Find job
Dette jobopslag er udløbet
3 Socialhjælperit AKO Narsarmiutaq-mut
AKO Narsarmiutaq Socialhjælperitut ilinniarsimasunik pingasunik pissarsiorpoq
AKO Narsarmiutaq atuareernerup kingorna ornittagaq Socialhjælperitut ilinniarsimasumik pissarsiorpoq martsip aallaqqaataani imaluunniit isumaqatigiissuteqarnikkut atorfinittussamik. Atorfik piffissaq tamakkiisumik suliffiuvoq, AKO Narsarmiutaq-mi aqutsisut qaninnertut suleqatigissallugit, Meeqqanut atuarfeqarnermullu ingerlatsivik.
AKO Narsarmiutaq 0-3.klassinut sullissiffiuvoq meeqqanut 150-nut inissaqarluni.
AKO Narsarmiutaq Ukaliusap atuarfia qanimut suleqatigivaa. Illutaa fitness.gl-mut iffiorfimmullu atavoq, meeqqat ininut tallimanut agguataagaapput aaliangersimasumik inimiiffigisaqartarlutik, silataani aneertarfeqarpoq meeqqanut timimik aalataartitsinermik inissaqarluartumik.
AKO Narsarmiutaq ammasarpoq nal. 7.00-miit 17.00-mut.
Meeqqanut atuarfeqarnermullu ingerlatsivimmi annerusumik paasisaqarsinnaavutit.
AKO Narsarmiutami naleqartitavut makkuupput:
Akuersaartumik perorsaanilerineq
Sulisutut piginnaasagut pisinnaasagullu assigiinngitsut inissaqartissallugit.
Suliagut suleqatigiissutiginissaat.
Neqeroorutigisinnaasavut:
- Suliffeqarfik akisussaassuseqarfigisinnaasat sunniuteqarfigisinnaasallu.
- Suliffeqarfik pisoqarfiusoq ineriartorfiusorlu.
Naatsorsuutigaarput:
- Socialhjælperitut ilinniarsimasuusutit
- Akuersaatuuneq meeqqanut, suleqatinut angajoqqaanut tapersersortinullu
- Aalajaatsuuneq, suliassanullu tamanut eqqummaarissoq
Annertunerusumik paasisaqarusukkuit:
Annertunerusumik paasisaqarusukkuit pisortaq Ivalo Thorin attavigisinnaavat uunga oqarasuaat 366713 imaluunniit e-mail-imut uunga: ivat@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Qaammatini pingasuni misiliummik atorfinitsitsisoqarsinnaavoq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 376-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: juunip 12.-at, 2023