Skip to main content
98

Dette jobopslag er udløbet

Kommune Qeqertalimmi Aningaasaqarnermut Pisortaq

Aqutsisut allat peqatigalugit kommunimi periusissanik aamma suleriaatsinik aallartinneqartunik ingerlatitseqqinnermi kiisalu nukittorsaanermi aqutsisussamik Kommune Qeqertalik anguniagaqarusussusilimmik piumassuseqarluartumillu Aningaasaqarnermut pisortassarsiorpoq. Atorfik Aasiaanni inissisimavoq aamma aningaasaqarnermut pisortaq pisortaanermut tullersortaajutigaluni pisortaaneq qullersaraa.

 

Qaasuitsup Kommuniata 2017-imi kommunitut avinneqarnerani Kommune Qeqertalik pilersinneqarpoq katillugu 85.280 km2-itut angissuseqarluni kiisalu illoqarfinnut sisamanut aamma nunaqarfinnut arfineq pingasunut agguarneqartunut 6.340-it missaannik innuttaqarluni.

Aasiaat Qeqertarsuup Tunuata kujataatungaani qeqertami inissisimavoq. Qeqertartaa ikkarloqarfimmi inissisimavoq, taamaattumillu ”nunamik tusindinik qeqertalimmik taaneqartarluni”. Illoqarfik 3.100-it missaannik inoqarpoq taamaalillunilu Klaallit Nunaanni illoqarfiit annersaasa tallimaralugu. Pinngortitaq immikuullarilluinnartoq aallaavigalugu Kommune Qeqertalik kulturikkut- sunngiffimmilu immikkuullarilluinnartunik neqeroorutissaqarluni Kommune Qeqertalik nittarsaassinnaavoq, aammalumi ukiut tamaasa takornarissanit nunanit allaneersunit kommune ullumikkumut tikeraarneqartalereerpoq.

 

Aaqqissuussaanerup pissanganartup nutaap ineriartortitsineqarneranut aamma pilersinneqarneranut Aningaasaqarnermut pisortaq nutaaq ilaassaaq kiisalu kommunip aningaasaqarnikkut aqunneqarneranut pingaarnertut akisussaaffeqassalluni. Kommunimi ilaatigut maannakkut inuussutissarsiornikkut suliffeqarfiit pioreersut aamma nutaat inuussutissarsiutitigut ineriartornerisa nukittorsarneqarnissaat sakkortuumik naalakkersuinikkut kissaatigineqarpoq. Taamaattumik inuussutissarsiutinik siuarsaanermik ingerlatseqatigiiffik suliassanik tamakkuninngarpiaq suliaqartussaq pilersinneqarpoq. Ingerlatseqatigiiffimmi tassani suleqatigiilluarneq Aningaasaqarnermut pisortanngortup qulakkiissavaa.

 

Borgmesterip aamma kommunalbestyrelsip eqqortumik siunnersorneqarnissaat taamaalillutillu aningaasaqarnikkut aalajangernissamut pitsaasumik qaffasissulimmik tunngavissiinisssaq Aningaasaqarnermut pisortap pingaarnertut suliassaraa. Aammattaaq makku ilaapput:

§  Aningaasaarnikkut aqutsisoqarfimmut, akissarsialerivimmut, aqutsisut paasissutissiisarfiannut aamma isumalluutinut aqutsisoqarfimmut qullersatut pisortaq

§  Aningasaqarnikkut suleriaatsit tamarmik paasiuminartumik suliarineqarnissaat immikkut aallutaralugu, taamaalilluni kukkunerit aamma kinguaattoornerit minnerpaaffianiitinneqassammata tamannalu inerlatsinermi sulisorisanik annertuumik akuutitsinikkut pissaaq

§  Aaqqissuussaanermi suliassaqarfiit assigiinngitsut annertunerujartortumik namminersulernissaat ineriartortillugu aamma tapersersorlugu

§  Aqutsinermi suliassanik aaqqiissutissanik tamatigoortunik suliaqarneq, aamma oqaloqatigiinnerit oqinnerusut aqqutigalugit kiisalu attaveqaatinik ineriartortitsineq ilanngullugu

§  Aqutsineq patajaatsoq aamma tapersersuisuusoq aqqutigalugu ineriartornermut aallartinneqarsimasumut suleqataasunik peqataatitsineq – tassani aningaasaqarnermut pisortaq nutaaq avammut ammasumik aamma ilummut isigisumik aqutsisuussaaq

 

 

 

Qinnuteqartussaq piumaneqarnerusaq ingerlaqqiffiusumik ilinniagaqarsimassaaq kandidatitut qaffasissulimmik - assersuutigalugu cand.merc.-itut, cand.merc.aud.-itut imaluunniit HD-itut (R) ilinniagaqarsimassaaq – kiisalu ajornanngippat minnerpaamik oqaatsit pingasut atorsinnaallugit: Kalaallisut, danskisut aamma tuluttut. Tassunga atasumik makku ilaapput:

§  Kommunit aningaasaqarnikkut aqunneqarnerannik misilittagaqarneq

§  Kommunimi ingerlatsinikkut aamma naalakkersuinikkut suleriaatsinik suliaqarnermik misilittagaqarneq

§  Qaffasilluinnartumik pitsaassusulimmik naalakkersuinikkut sullissinermik misilittagalik

§  Tatiginassusilimmik aqutsisutut misilittagaqarneq

§  Pilersaarusiorluakkanik ullormut oqaluuserisassanik saqqummiussisinnaassusilik kiisalu naalakkersuinikkut suliaqartunik aamma aqutsisunik suleqatiginnissinnaaneq – aamma aaqqissutinik nammassisanik tunniussisinnaasoq

§  Oqaloqatiginninnissamut aamma attaveqatigiinnissamut piginnaasat nukittuut

§  Suliffimmi ineriartortitsinermik aamma takorluugalimmik suliaqartumiinnermik nuannarisaqarneq

§  Kommunimi ineriartortitsinermi periarfissanut tappiffiginninneq aamma pitsaasunik attaveqarneq

 

Kommunimi qullersaasut aqutsineranni kommunimi pilersinneqarlaami pissanganartumik aaqqissussaasumi Pisortaanermut qanimut suleqateqartussamik qitiusumik aqutsisutut atorfimmik Kommune Qeqertalik neqeroorpoq:

  • Aalajangernissanut aqqut naatsoq
  • Atorfimmi annertuumik ineriartortumi namminersorluni sulineq – kiisalu inuussutissarsiutit pillugit siunnersuisooqatigiinni pilersinneqarlaami siuttutut inissisimaffik
  • Suliassaqarfimmi annertuumik akuutinneqarneq aamma akisussaaffeqarneq ulluinnaralugit sulineq
  • Suleqatit pimoorussisut aamma pikkorissut

 

Aasiaat avannaani ilinniartitaanikkut qitiuvoq ilaatigut ilinniarnertuungorniarfeqarluni (gymnasium), inuussutissarsiutitigut ilinniarfeqarluni aamma immikkuullarissumik sammivilimmik atuarfeqarluni (specialskole). Aasianni assigiinngitsorpassuarnik niuertarfeqarpoq, ilaatigut soorlu ulluinnarni nioqqutissanik- aamma atisanik pisiniarfiit, kiisalu ”Kalaalimineerniarfik”, piniartut aamma aalisartut ullormut pisarisartakkaminnik tuniniaasarfiat. Qimmit qimuttut angallannermut pissusissamisuuginnartumik ilaapput aamma umiarsualivik eqqaalu ulapaarfiusorujussuaq iluliarsuit angisuut eqqaanni umiatsiaararpassuit aalisarsinnarlutik tularartarfiat.

 

Akissarsiat- aamma atorfininnermi atugassarititaasut, matumani atorfininnermut aamma sorarnermut atatillugu angallanneqarnermut kiisalu pisattat angallanneqarnerinut pisinnaatitaaffiit ilanngullugit atorfininnerup nalaani Kalaallit Nunaanni Namminersorlutik Oqartussat aamma suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaq. Aningaasaqarnermut pisortatut atorfik akissarsiat inissisimaffianni qaffasissuseq (løntrin) 39-40 naapertorlugu akissaaserneqassaaq. Kommunimi pisortatut akissaatit pillugit isumaqatigiissutinut akissaatit malinnaapput. Aammattaaq ukiunut aalajangersimasunut atuuffilimmik atorfik inuttalerneqarsinnaavoq.

Atorfimmut atatillugu malittarisassat sukkulluunniit atuuttut naapertorlugit inimik pisatsersorneqanngitsumik innersuussisoqarsinnaavoq.

 

Aningaasaqarnermi pisortassamik nutaamik pissarsiornermini Kommune Qeqertalik Pointer A/S-imik suleqateqarnissamik isumaqatigiissuteqarpoq. Taamaattumik Poiner A/S-imi pisortamik Inger Marie Ingvardsen-mik itinerusumik paasissutissanik pissarsiniarnissami uani oqarasuaammut +45 29 36 86 36-mut   saaffiginninnissamut tikilluaqqusaavutit. Saaffiginnissutit tamarmik nipangiussisussaatitaanerup aqqani suliarineqassapput.

 

Qinnuteqaat piaarnerpaamik kiisalu kingusinnerpaamik ulloq 22. december 2020 uunga imi@pointersearch.dk.-imut nassiunneqassaaq.