Skip to main content
103

Dette jobopslag er udløbet

Kommune Qeqertalik-mmi naatsorsuuserivimmi pisortaq

Akisussaassuseqarneq, paasiuminartuuneq ammasuunerlu pisortat suliffeqarfiutaanni naleqartitatut aalajangiisuulluinnartartutut illit aamma isigivigit?

Nutaanik pilersitseqataarusussuseqarpit?

Kommune Qeqertalik-up naatsorsuutai siulliit illit suliarerusuppigit?

 

Taamaappat uani periarfissaqarputit. Immikkoortortami pisortaq/ naatsorsuuserisut pisortaat pikkorissoq peratarsinnaasut aningaasaqarnermullu aqutsiveqarfiup, akissarsialeriviup aqutsisullu paasissutissiisarfiata qullersaqarfiani, INUA-ta ataaniittussaq ujartorparput augustip 01.-ianiit imaluunniit isumaqatigiinnikkut.

 

Aningaasarsialerisut aningaasaqarnermullu aqutsiveqarfiup qullersaqarfiata aningaasaqarnermi pissutsit tamakkerlugit takuneqarsinnaalernissaat missingersuutinik malinnaasarluni kiisalu ataatsimiititalianut, aqutsisooqatigiinnut missingersuusiornermullu akisussaasunut nalunaarusiortarneq atorlugit paasiuminartuunissaat suliassaraa.

 

Qullersaqarfiup akisussaaffii erseqqissarlugit makkuupput:

  • Kommunimi peratarsinnaasut aningaasaqarnermillu aqutsineq aaqqissuutissallugu kiisalu paasissutissat pinngitsoorneqarsinnaanngitsut aallaavigalugit allafffissorneq
  • Aningaasarsianik aqutsineq
  • Missingersuusiorneq, missingersuutinik naatsorsuutinillu malinnaanerit
  • Aningaasaqarnermik aamma periarfissat allattaaviinnik misissueqqissaarnerit kiisalu suliniutissatut siunnersuutit peratarsinnaanernut aningaasaqarnermullu sunniutissaannik misissueqqissaarnerit
  • Akissarsialerinermi atortorissaarutinik nutaanik atuilernissamut peqataaneq

Illit naatsorsuuserinermut pisortatut allaffissornermi suleriaatitsitta inerisarneqarneranut pingaaruteqartutut inissisimassaatit, taakkua atuisunit atoruminarsarnissaannik eqaallisarneqarnissaannillu ingerlaavartumik suliaqartarpugut.   Naatsorsuuseriviup ingerlanneqarnera illit qulakkeertassavat, tassani inuit arfineq-pingasut ullumikkut sulipput. Akissarsialeriffik aamma tapersersortassavat, taanna tallimanik sulisoqarpoq.  

 

Kikkuuvugut?

Kommunimi nutaami aallarterlaami suliassat pissanganartuupput amerlallutillu. Aningaasaqarnermut suliaqarfitsinni paaqqinnittarfiit/ suliaqarfiit ataasiakkaat sammisorujussuullugit inissaqartitsisoqarpoq soorlu aamma kommunimi suliassat ataatsimut isigalugit taama inissaqartitsisartugut. Ataatsimoorluni siammasissumik suleqatigilluarneq pingaartipparput, uatsinnut pingaartorsiorpaluttuunngitsumik attaveqaqatigiittarluta, ilorrisimaarneq qiimasuunerlu ulluinnarni pingaaruteqarluinnartunik suliaqarnitsinni pingaartippagut.

 

Naatsorsuuserinermut pisortaq misilittagalik ujartorparput, sapiissusilik, aaqqissuussaasumik peqqissaartumillu suleriaasilik.

 

Suliassat:

Naatsorsuuseriviup naatsorsuutaasa pitsaassussaat pitsanngorsarneqartuartut aqutsisunut paasissutissiissutigineqartarneri ineriartortissallugit qulakkeerinnittassaatit. Naatsorsuuserinermi aaqqissuussamut nalunaarsukkat pitsaassuunissaannik aamma piumasaqaateqarpoq. Naatsorsuuserivimmi aaqqissuussamit paasissutissat tunngavigalugit suliniutit nutaat piviusunngortinniarneqartarneri qulakkeerneqartassapput, taamaalilluni Kommune Qeqertalik-mmi tamarmi ineriartortitsineq aalajangiussimaneqassaaq. Tamanna kommunip illoqarfiini nunaqarfiinilu tamanut atuutissaaq. Naatsorsuuserivimmi pisortatut naatsorsuutit qaammammoortut suliarisassavatit aamma ukiup naanerata kinguninngua ukiumoortumik nalunaarusiaq tamarmiusoq piareersimatissallugu qulakkeerinnittartussaassaatit.

Illit suliassatit soorlu makkuussinnaapput:

  • Paasissutissat pitsaassuujuarnissaat qulakkeerniarlugu suleriaatsinik sakkussanillu suliaqarneq.
  • Missingersuusiornermi aamma missingersuutinik malinnaanermi ikiuunneq
  • Aningaasaqarnerup pitsaanerusumik aqunneqarneranik ukkissineq kiisalu suliaqarfinni aalajangersimasuni allaffissornermi ileqqunik suleriaatsinillu eqaallisaaqataaneq.
  • Suliaqarfiit assigiinngitsut attaveqaqatigiinnerinut ilaaneq
  • Paaqqinnittarfiit naatsorsuutaasa nalunaarusiorneqarnerini aamma ukiumoortumut nalunaarusiornerini ikiuunneq
  • Illoqarfinni pisortat, suliaqarfinni ataqatigiissaarisut suliaqarfinnilu pisortat aningaasaqarneq pillugu aqqutissiuunneqarnerinik siunnersorneqarnerinillu ataqatigiissaarinninneq
  • Pilersaarusiornermi peqataaneq – INUA-ta qullersaannit piumaffigineqarneq malillugu suligasuartitani peqataaneq

Ukua pigissagitit aamma piginnaasaqarfigissatigit naatsorsuutigaarput:

  • Naatsorsuuserinermut attuumassutilimmik ilinniagaqartutit
  • Qajannaatsoq, soqutiginnittoq, nammineersinnaasoq
  • Suut tamarmik imminnut ataqatigiinnerinik takunnissinaanini annaanngikkaluarlugu immikkuualuttunut tappittoq
  • Qiimasoq
  • Kalaallisut danskisullu oqalussinnaasoq allallaqqissorlu
  • Suut tamat imminnut ataqatigiinnerinik eqqarsarsinnaasoq, nutaaliornermik eqqarsariaasilik aamma suliaqarfinni aaqqiissutaasinnaasunik ineriartuutaasunik takunnissinnaasoq
  • Aaqqissuulluakkamik suleriaasilik
  • Suleqateqarsinnaasoq – ilinniagaq aallaavigalugu suliaqarfiit assigiinngitsut killingisa iluanni aamma suleqataasinnaasoq
  • Illit naatsorsuuserivimmi pisortatut sutigut allannguisinnaanerit takusinnaassavat
  • Naalaakkersuinermik suliallit aqutaannik suliffeqarfimmi sulineq eqaaffigissavat
  • Aaqqiissutit atasinnaasut ineriartortissinnaassavatit
  • Attaveqaqatigeeriaatsit pitsaasuussaaq, sulianik tamanik takunnissinnaassaatit misissueqqissaarnermullu nukittuffeqassallutit
  • Ataatsimoortuni peqataalluarsinnaassaatit, suliassat unammillernartullu suleqatit allat paarlaasseqatigisarlugit aaqqiiffigineqartassapput

 

Uagut ukungannga neqeroorfigaatsigit:

Suliffik tamatigoortoq ineriartuutaasorlu, tassani illit iliuuseqartarlutit suleqataassaatit. Suliat pilersaarusiorneqarneri ullormilu suliffiusumi akaareqatigiittumik eqaassuseqarneq pingaartittorujussuuarput. Attaveqaqatigeeriaaseq pingaartorsiorpaluttuunngilaq aamma suliartortarnerup nuannersuusarnissaa ilorrisimaarnartuunissaalu anguniartarparput, naak ulapaaraluarluta. Sunniuteqartorujussuunissaq inuttullu ineriartornissaq periarfissaqartippagut.

 

Kommunip iluani illoqarfinnut nunaqarfinnullu assigiinngitsunut pissangartumik angalasarnerit.

 

Pineqaatissinneqarsimannginnermut uppernarsaatit:
Atorfik una pineqaatissinneqarsimannginnermik uppernarsaammik piniarnissamik inatsisit malillugit pisussaaffiliivoq. Inatsit naapertorlugu kommunip pineqaatissinneqarsimannginnermik uppernarsaat tigoreerpagu aatsaat atorfinititsisoqarsinnaavoq.

Akissarsiat aamma atorfeqarnermi atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinninniarsinnaatitaasup allap akornanni isumaqatigiissutaat naapertorlugu akissaateqartitsillunilu atorfeqarnermi atugassaqartitsisoqassaaq.

Atorfininnermi qaammatit pingasut misiliiffittut atorneqassapput.

Atorfeqarnermut atasumik ineqartitsisoqassaaq. Kalaallit Nunaanni Namminersorlutik Oqartussat aamma kommunip illuutaanni il.il. ineqarnermut akiliisarnermut malittarisassat qaqugukkulluunniit atuuttut naapertorlugit qularnaveeqqutit ineqarnermut, atuinermut il.il. akiliisoqartassaaq. Atorfeqarnermut atasumik inimik atorfinereernerup kinguninngua neqeroorfigineqarsinnaanngikkaanni initaarnissap tungaanut utaqqiisaagallartumik inimik sulisut najugaqarfissaminnik neqeroorfigineqarnissaminnut pisinnaatitaaffeqarput.

Atorfininnermi angalaneq kiisalu pisattat nuunneqarneri malittarisassat atuuttut naapertorlugit kommunip akilissavai.

Qinnuteqaat:
Qinnuteqaat naatsorsuuserivimmi pisortaq-mik ilisarnaaserlugu, ilinniakkap siusinnerusukkullu suliffigisimasat paasissutissartaannik, ilinniarnermut uppernarsaaserlugu il.il. Kommune Qeqertalimmut 27. juli 2019-imi tunniunneqareersimassaaq.

Ima qinnuteqassaatit:
Qinnuteqaatit qarasaasiatigut tigooqqarneqarnissaat piumaneruarput, taamaattumik qinnuteqaatit oqaaseqaatillu uunga ilanngullugit nassiutissavatit: qeqertalik@qeqertalik.gl. Atorfik pillugu apeqqutissaqaruit aningaasaqarnermut pisortamut Thomas Holm Jensen-imut attaveqarnissarnut tikilluaqqusaavutit, Uunga +299 222450 imaluunniit thj@qeqertalik.gl