Skip to main content
126

Dette jobopslag er udløbet

Kommune Qeqertalik ataatsimik oqalutsissarsiorpoq / nutserisussarsiorpoq

Kommune Qeqertalik-up qullersaqarfia INUA ataatsimik oqalutsissarsiorpoq/nutserisussarsiorpoq 1. april 2019-imi imaluunniit isumaqatigiissuteqarnikkut atorfinittussamik.

 

Kommune Qeqertalik kommuniuvoq nutaaq 1. Januar 2018-imi atuutilersoq. Kommunip atuutilerneraniit aaqqissuussaaneq nutaaq atorlugu aaqqissuussisoqarpoq taaguutillu assigineqanngitsut takuneqanngisaannarsimasullu atorneqalerlutik. Taaguutinik ilaatigut unammillernarsinnaasunik atueqataalernissarnut sunneeqataalernissarlunullu massakkut periarfissaq atorlugu qinnuteqarnissarnut periarfissinneqarputit.

 

Suliassat:

  • Allattanik nutserineq oqaluttaaneq torrutiinnarlugulu
  • Naalakkersuinermik suliallit ataatsimiinnerini torrutiinnarlugu oqaluttaaneq
  • Illup iluani avataanilu ataatsimiinnerni, pingaarnertut kalaallisut qallunaatullu oqaatsit atorlugit torrutiinnarlugu oqaluttaasarnerit.
  • Qullersaqarfik suleqatigalugu suliassanik agguataarineq
  • Nutserussut TMS atorlugu nutserineq

 

Naatsorsuutigaarput:

  • nutserisutut/oqalutsitut ilinniagaqartutit imaluunniit tamatumuuna piginnaasaqarlutit uppernarsaateqartutit.
  • qarasaasiamik nalinginnaasumik aamma nutserussummik atuisinnaasutit.
  • allaffissornermik piginnaasaqartutit.
  • namminersorlutit sulisinnaasutit.
  • suliakkiutigineqartunik eqinnaatsumik sullissisinnaasutit.
  • suleqatikkuminartutit, ammasoq, suleqatinut qanilaartoq qiimasorlu.
  • Nutserissut TMS misilittagaqarfigigit.

 

Aamma makku pingaartippagut:

  •      avammut kiinnerluarsinnaasutit, isumassarsiorsinnaasutit, isumagissaartuusutillu
  •       torersaarluarsinnaassuseqartutit,
  •       namminersorsinnaassuseqartut piffissanilu ulapaarfiusuni sulianik malinnaalluarsinnaasutit,
  •       Suliffeqarfimmi immikkoortortaqarfiit tamaasa suleqateqarsinnaagitit.

 

Akissarsiat atorfeqarnermilu atugassarititaasut:

Atorfinninnerup nalaani Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit akissaateqartitsoqarlunilu atorfinitsitsisoqassaaq.

 

Atorfik inissaqartitsivoq. Maleruagassat atuuttut naapertorlugit qularnaveeqqutit/ineqarnermut akiliutit ilaalu ilanngullugit akilerneqartassapput. Malittarisassat atuuttut naapertorlugit atorfininnermi soraarnermilu angalanissaq pisattallu nassiunneri suliffeqarfimmit akilerneqassapput.

 

Paasissutissat:

Oqalutsit/nutserisut qullersaqarfimmi aqutsisumut Alida C. Rafaelsen Tlf. Nr. 387069 saaffiginnilluni paasissutissat piniarneqarsinnaapput, e-mail-ikkuulluunniit: alra@qeqertalik.gl

Qinnuteqaat “oqalutsi/nutserisoq“-imik nalunaaqqutserlugu, ilinniakkamut uppernarsaammik siornatigullu suliffigisimasamit oqaaseqaatinik ilalerlugu kingusinnerpaamik Aasianni sulisoqarnermut immikkoortortaqarfimmit tiguneqareersimassaaq 01. Marts 2019 uungalu nassiunneqassalluni: qeqertalik@qeqertalik.gl

 

Imaluunniit uunga:                                         

Kommune Qeqertalik
Niels Egedes Plads
Postboks 220
3950 Aasiaat