Skip to main content
123

Dette jobopslag er udløbet

Inoqarfik Qeqertarsuaq teknikkeqarnermut sanaartukkanullu siunnersortimik pissarsiorpoq

Kommune Qeqertalik Qeqertarsuaq aalajaatsumik, piumassuseqarluartumik ineriartortitseqataarusuttumillu teknikkimut tunngasunik siunnersortimik pissarsiorpoq, 01. Maj 2022 imaluunniit isumaqatigiissuteqarnikkut atorfinittussamik.

Kommune Qeqertaliup aaqqissuussaanera pisortat suliffeqarfiutaaniit allanit allaanerusoq 1. Januar 2018 aallarnerfigalugu atuutilerpoq. Aaqqissuussaanermik allannguinermi siunertat ilagivaat innuttaasunut qanilaarnerusumik sullisinissaq aammalu eqaannerusumik allaffissornikkut ingerlatisineq.

Pingaartitaraarput suliffeqarfitta iluani, sumiiffiit akimorlugit aammalu avataani suleqatigut peqatigalugit suleqatigiinnerup pitsaasuunissaanik qulakkeerinninnissaq, innuttaasunut pitsaanerpaamik sullissinissarput qitiutillugu.

Taamaattumik sulisumik namminersorluarsinnaasumik, akisussaassusilimmik, suleqateqarluarsinnaasumillu pissarsiorpugut.

Atorfik pillugu paasissutissat:

Teknikkeqarnermut sanaartukkanullu siunnersorti Inoqarfik Qeqertarsuarmi allaffeqassaaq, qaninnertut pisortarissallugu Inoqarfimmi aqutsisoq.                                                                                                      

Kommune Qeqertaliup neqeroorutigaa suliffeqarfik ineriartortoq, suleqatit aalajaattut, suliassat siammasissut, sulinermi inuttullu piginnaasatigut ineriartornissamut periarfissiisut.

Atorfimmut atatillugu pingaaruteqarluinnarpoq inatsisinik maleruagassanillu atuuttunik malinninnissaq qulakkeerinnittarnissarlu.

Pingaarnertut suliassat:
·    Teknikkimut tunngassutilinnik siunnersuineq, piareersaaneq, ingerlatsineq ineriartortitseqataanerlu
·    Projektinik assigiinngitsunik piareersaaneq, ingerlatsineq ineriartortitseqataanerlu
·    Sanaartornermut tunngasunik suliaqarneq
·    Najoqqutassanik suleriutsinillu ineriartortitsineq atuutsitsinerlu
·    Ilisimasanik avitseqatiginninneq isumasioqatigiinneq suleqatit pisortarisallu akornanni
·    Suliassaqarfiit akimorlugit suleqataaneq
·    Avataani suleqatinik sullitanillu naapeqatiginnittarneq  
·    Ad hoc

Naatsorsuutigaarput:
·    Ingeniøritut, bygningskonstruktøritut imaluunniit assingusumik ilinniagaqarsimanissaq
·    Projektledelsemik (suliniutinik ingerlatsinermi) ilisimasaqarneq
·    Qarasaasiamik atuilluarsinnaaneq
·    Atorfimmi assingusumi misilittagaqarneq iluaqutaassooq, piumasaqaataananili
·    Attaveqarluarsinnaaneq
·    Ineriartorusussuseqarnissaq iliuuseqallaqqissuunissarlu
·    Namminersorluarsinnaaneq
·    Teamitut suleqataalluarsinnaaneq
·    Akisussaassuseqarneq

 

 

Akissarsiat atorfimmullu atungassarititaasut:
Akissarsiaqartitsineq atorfininnermullu tunngasut pissapput atorfininnermi isumaqatigiissutit atuuttut naapertorlugit.

Atorfimmut atatillugu inissaqartitsineq periarfissaavoq, inatsisit atuuttut malillugit, matumani sulisup nammineerluni akilissavaa iserternermi akiliut, ineqarnermut akiliut il.il.

Atorfeqarunnaarnermi inigisaq qimanneqassaaq.

Nuunnermut aammalu nutsernermut akiliussisoqarsinnaavoq malittarisassat atuuttut malillugit.

Imaaliussaatit:
Qinnuteqaat, CV, ilinniarsimanermut uppernarsaatit, uppernarsaatillu attuumassutillit allat nassiunneqassapput una iserfigalugu: https://www.qeqertalik.gl/ledige-stillinger?sc_lang=da

Imaluunniit Kommune Qeqertaliup nittartagaa aqqutigalugu.

Qinnuteqarnissamut killissaritititaq:
Ulloq 15. juni 2022.

Malugiuk: E-mail imaluunniit allakkerivik aqqutigalugu qinnuteqaatinik tigusineq ajorpugut.

Atorfik pillugu paasissutissat sukumiinerusut Inoqarfimmi aqutsisumut, Ajana Abelsenimut saaffiginninnikkut piniarneqarsinnaapput: ajab@qeqertalik.gl imaluunniit oqarasuaat: 70 19 00. 

Qinnuteqaativit tigunissaa qilanaaraarput.