Skip to main content
100

Dette jobopslag er udløbet

Aasiaat INUA Controllerinik marlunnik Kommune Qeqertalimmut pissarsiorpoq

Aasiaat INUA Controller-inik marlunnik Kommune Qeqertalimmut

Kommune Qeqertalik aningaasaqarnermut immikkoortortami ulloq 01. Februar 2021 isumaqatigiissuteqarnikkulluunniit sulilertussanik marlunnik pissarsiorpoq.

Pisortani ajutooratarsinnaanermut- aamma aningaasaqarnermut aqutsinermik sulinissamut piumassuseqarpiit aamma misissueqqissaarnermik pingaartitsisuuviit?

Aaqqissuussinermi nutaajusumi oqaatsip ”maani imannak iliuuseqakkajuppugut” atuutinngiffiani sulerusuppit?

Suliffeqarfik tamanik akuutsitsisoq ataqqeqatigiiffiusoq aamma imminut ikioqatigiiffiusoq nunannaraajuuk?

Apeqqutinut taakkununnga angeruit immaqa imaassinnaavoq illit controllerit marluusut INUA-mi aappaattut inissittutit.

 

Aningaasaqarnermut aqutsinermut, akissarsianik aqutsinermut, aamma aqutsisut paasissutissiinerannut Qiterisaqarfik aningaasaqarnikkut pissutsinut aamma missingersuusiornerit aqqutigalugit malitseqartitsinermik aamma tamakkiisumik takunnissinnaassuseqarnissamik kiisalu ataatsimiititalianut, aqutsisunut aamma missingersuutinut akisussaasunut nalunaarusiornermik suliaqartussaavoq.

Qiterisaqarfiup makkorpiaat akisussaaffigai:

  • Kommunimi ajutooratarsinnaanermut- aamma aningaasaqarnermut aqutsinermut aamma paasissutissat toqqammaviit pisariaqartut allaffissornikkut aqunneqarnissaanut suliaqarnissap aaqqissuunneqarnissaanik suliaqarneq
  • akissarsialerineq
  • missingersuutinik, missingersuutinik malitseqartitsinermik aamma naatsorsuutinik suliaqarneq
  • aningaasaqarnikkut misissueqqissaarnerit aamma periarfissanik ujartuinissamut kiisalu ajutooratarsinnaanermut- aamma aningaasaqarnikkut kinguneqaatissanik suliniuteqarnissamut siunnersuutinik ingerlatsineq

Naatsorsuusiornermut pisortaq kiisalu akissarsialerivik aamma qarasaasialerivik qanimut suleqatigalugu suliassaqarfinnik akimuisumik suliassanik suleqatissat suleqatigalugu suliaqassaatit.

INUA pilersinneqarpoq ataqatigiinnermik nukittuumik siuarsaanissaq aamma isumalluutinik atuinerup qaffassarnissaa siunertaralugu. Taamaattumik nutaatut pilersitatsinni Kommune Qeqertalimmi tamatumunnga tunniussaqarnissat naatsorsuutigaarput.

Ukiut tulliuttuni marlunni kommunimi aningaasaqarnermut periutsimik nutaamik pilersitsissaagut. Suliassamik tamatuminnga aqqissuussinerup aamma pilersaarusiornerup ingerlanneqarnissaa tassaavoq Qiterisaqarfiup suliassaasa annerit ilaat.

 

Kikkuuvugut?
Kommune Qeqertalimmi suliassat pissanganarlutillu amerlaqaat. Aningaasaqarnermut immikkoortortaqarfitsinni suliffeqarfiit/immikkoortortaqarfiit ataasiakkaat aamma kommuni tamarmiusoq isigalugu immikkut annertuumik aallutaralugit suliaqarpugut. Suleqatigiinneq pitsaasoq siammasissorlugu, ilumoorsaarfiungitsoq aamma ulluinnarni sulinermi atugarissaarneq qiimanerlu piungaartitaraarput.

 

Illit suliassatit ilaatigut makkuussapput:

  • Missingersuusiornernik, nakkutilliinernik aamma misissueqqissaarnernik ataqatigiissaarineq
  • Sunniutaasut anguneqarsimasut immikkut annertunerusumik aallunnerisigut missingersuutinik malitseqartitsinerup nukittorsarneqarnera, matumani pitsaanngorsaanissamut aamma qaffasaanissamut siunnersuutit suliarineqarnissaannut periarfissanik ujartuinerit ilanngullugit.
  • Suliassaqarfiit avatangiisaannut tapersersuisunut atortussanik pissarsiniarneq aamma ineriartortitsineq
  • Isumaginnittoqarfimmi suliniutit pitsaanerusumik aningaasaqarnikkut aqutsinermik aamma allaffissornikkut periutsit aamma suliassaqarfinni aalajangersimasuni suleriaatsinik pitsanngorsarneqarnissat immikkut aallutaralugu pilersaarusiorneq, aaqqissuussineq aamma ingerlatsineq.
  • Suliassaqarfiit assigiinngitsut akornanni ineriartortitsinermut aamma anningaasaqarnikut aqutsinermut atatillugu suleqataaneq
  • Attaveqaatinut akimuisunut akuuneq
  • Kommunit akornanni utertitsinerit, akigitinneqartunik naatsorsuineq
  • Naatsorsuutit pillugit nalunaarusiornernut, ukimoortumik naatsorsuutinut aamma missingersuusiornermut atatillugu takussutissiatigut kiisalu aningaasaqarnikkut ilisimasaqarnikkut tunniussisinnaaneq.
  • Bychef-inut aamma Suliassaqarfinni ataqatigiissaarisunut aningaasaqarnikkut ilitsersuineq aamma siunnersuineq
  • Suliniutinut peqataaneq – aamma INUA-mi aqutsisunit suliakkiutigineqartunik suliaqarneq

 

Naatsorsuutigaarput illit makkuninnga piginnaasaqartutit:

  • Tamakkununnga attuumassutilinnut ilinniagaqassuseq
  • Periutsimik ERP-imik misilittagaqarneq
  • Patajaatsuuneq aamma tunniusimaneq kiisalu imminut aqussinnaaneq
  • Iluittuussuseq annaangikkaluarlugu immikkuualuttunut tappiffeqarneq
  • Qiimasuuneq
  • Ataqatigiissutsip aqqani eqqarsarsinnaaneq, nutaamik eqqarsartuuvutit kiisalu suliassaqarfimmi aaqqiissutissanik suliaqarnermi nutaaliornernik takunnissinnaallutit
  • Aaqqiissuussaasumik sulisinnaaneq
  • Suleqatigiissinnaaneq – aamma suliassaqarfiit akimorlugit
  • Illit controlleritut allannguisinnaassusissannut tappiffeqarneq
  • Suliffeqarfimmi politikkikkut siulersorneqartumi sulinissamut pikkoriffeqarneq
  • Aaqqiissutinik attanneqarsinnaasunik ineriartortitsineq
  • Attaveqatigiinnermi piginnaasat pitsaasut, takunnissinnaaneq aamma misissueqqissaarnermut nukittuffeqarneq
  • Ataatsimoornermut peqataasinnaanermut pikkoriffeqarneq, tassani suleqatit allat peqatigalugit suliassat aamma unammilligassat naammassineqartarfianni

 

Makku neqeroorutigisinnaavagut:
Suliffik tamatigoortoq aamma neriartorfiusoq illit akuulluinnarlutit peqataaffiit. Ulluinnarni sulinermut suliassanik pilersaarusiornermut atatillugu illuatungeriilluni eqaatsumik suleriuseqarneq annertuumik pingaartitaraaput. Avatangiisitigut pissusilersuutit ilumoorsaarfiunngillat naallu ulapikkaluarluta suliartornissap nuannersuuinissa anguniagaraarput. Annertuumik sunniuteqarnissamut aamma inuttut ineriartornissamut periarfissaqarpoq.

 

Pinerluuteqarsimannginnermut uppernarsaat:
Una atorfik pinerluuteqarsimannginnermut uppernarsaammik pissarsiornissamut piumasaqaammik pisinnatitsissummik inatsisit ataanni inissisimavoq. Inatsit naapertorlugu atorfinitsinneqarneq aatsaat pisinnaavoq kommune pinerluuteqarsimannginnermut uppernarsaammik tigusaqarsimappat.

 

Akissarsiat aamma atorfininnermi atugassarititaasut:
Akissarsiat aamma atorfininnermi atugassarititaasut Kalaallit Nunaanni Namminersorlutik Oqartussat aamma suliniaqatigiiffiup attuumassutillip isumaqatigiinniartussaatitaasup akornanni isumaqatigiissut atuuttoq naapertorlugu pissaaq.

Atorfinitsitaaneq qaammatinik pingasunik misiligarneqarnermik atuuffeqartoq pissaaq.

Atorfimmut atatillugu sulisutut inissiamik innersuussisoqarsinnaavoq, tassani qularnaveeqqutit aamma ineqarnermut akiliisarneq kiisalu atuineq Namminersorlutik Oqartussat aamma kommunit Kalaallit Nunaanni illuutaanni ineqarnermut akiliuteqartarneq pillugu maleruagassat sukkulluunniit atuuttut naapertorlugit akiliisoqartassaaq. Atorfininnermi sulisutut inissiamik tunniussisoqarsinnaanngippat suleqataasunut utaqqiisaasumik inimik tunineqarsinnaatitaasunut utaqqiisaagallartumik inissiamik neqeroorfigineqarsinnaapput.

Malittarisassat atuuttut naapertorlugit atorfininnermut atatillugu angalanermut aamma pisattat angallanneqarnerannut akiliussisoqassaaq.

 

Qinnuteqarneq:
Qinnuteqaat Controller-imik nalunaaqutserlugu ilinniagaqarsimanermut aamma siornatigut sulerisimanermik paasissutissanik imaqartoq, sorarummeernermi uppernarsaatit ilanngullugit Sulisoqarnermut Isumalluuteqarnermullu Immikkoortortatqarfiup ulloq 25. januar 2021 tigoreersimassavai.

 

Ima qinnuteqassaatit:
Qinnuteqaatit qarasaasiakkut uunga www.qeqertalik.gl-imut qinnuteqaat aamma CV-i kakkiullugit nassiunneqarnissaat piumaneqarneruvoq. Atorfik pillugu apeqqutissaqaruit kommunaldirektør-iugallartoq Alida C. Rafaelsen saaffiginissaanut tikilluaqqusaavutit. Tamanna uani +299387099 imaluunniit alra@qeqertalik.gl atorlugit pisinnaavoq

 

Qinnuteqarnissamut killissarititaasoq: januaarip 26.-at, 2021

Atorfik una qinnuteqarfigiuk