Skip to main content
92

Dette jobopslag er udløbet

Qaqortumi pillorissaasutut atorfik avitaq

ALLAGARSIUTEQQITAQ

Imminut unammillernissat sapiuffiginngiliuk kiisalu suliassatigut aallutassarsiorpit, taava kujataani atorfik piaarnerpaamik inuttassarsiorneqarpoq. Kommune Kujalleq kiisalu Region Kujataa pillorissaasumik aveqatigiillutik atorfeqartitaqartarput Qaqortumilu inissisimatittarlugu, taannalu kommunimi illoqarfinnut nunaqarfinnullu allanut angalasarpoq.

Atorfimmi avitami pillorissaasuunerup saniatigut Kommune Kujallermi Timimik Sungiusaavik marlunnik timimik sungiusaasoqarpoq, aappaa pillorissaasut aqutsisoraat, aappaalu pillorissaasunut ikiortaavoq suliassanut assigiinngitsunut tapertaasarluni.

Qaqortup Napparsimaviani pillorissaavik marlunnik timikkut sungiusaasoqarpoq pillorissaasoqarlunilu atorfimmi tassani avitami.

Kommunip napparsimaveqarfiullu avitaanik atorfeqartutut Pillorissaaviup aqutsisua pisortarissavat.

Atorfimmi avitami pillorissaasutut pillorissaanermi ilisimasanik aallaaveqarneq pitsaassuserlu nukittorsaaqataaffigissavatit. Kommunimi suliat tassaapput meeqqat inersimasullu sanngiillitsaaliorniarlugit sungiusaasarneq, iluaqusersuutinik tunniussisarneq kiisalu angerlarsimaffinnik allanngortiterineq. Napparsimaveqarfimmi napparsimasut innartinneqarsimanngitsut napparsimavimmiittulllu qulaajaavigineqarnerat piginnaanngorsaqqinnerallu isumagissavatit.

Atorfimmut tunngatillugu ilaatigut suliassat:

  • Inuit piginnaanikillisimasut piginnaanngorsaqqissallugit.
  • Innuttaasunik misissuineq naliliinerlu
  • Piginnaasanik allanngutsaaliilluni sungiusarneq, ataasiakkaarilluni eqimattakkuutaarillunilu.
  • Qinnuteqaatinik suliaqarneq iluaqusersuutissanik aamma inigisami allannguutit
  • Iluaqusersuutinik pisiniarneq tunniussinerlu.
  • Isumaginnittoqarfimmi suliassalerisunik peqqissaqarfimmilu sulisunik suleqateqarneq.
  • Ilitsersuutit innuttaasunut, ilaqutaasunut, tapersersortinut kiisalu sulisunut atugassiat soorlu neriniarnermik ajornartorsiuteqarneq nikinniartarnerlu eqqarsaatigalugit.
  • Tassanngaannaq ajoqusersimasunik sungiusaaqqinneq
  • Timikkut nappaatilinnik qulaajaaneq katsorsaanerlu, soorlu neriniarnikkut ajornartorsiutinik misissuineq paasinnissinnaassutsimillu naliliineq

Pingaartipparput illit:

  • Piginnaanngorsaaqqinnermut soqutiginnillutillu misilittagaqartutit.
  • Namminersorlutit suliaqarsinnaanissat, suliffissannillu ilusilersuisinnaallutit pilersaarusiorsinnaassasutit.
  • Isumassarsiullaqqissuusutit, iliuuseqarusussuseqartoq suliatigullu inissilluarsimasutit. 
  • Kulturini assigiinngitsuniissinnaasutit 
  • Suleqatigiinnermik pingaartitsisuusutit, ilakkuminartutit ammasuullutillu.

 

 

Ilaatigut kommunip makku neqeroorutigai:

  • Sungiusartarfik, allaffik aamma iluaqusersuutaasivik. Sungiusarnermut atortut iluaqusersuutilluunniit allat pillugit kissaatit akuerineqarsinnaasarput.
  • Suliffik tamalaarpassuarnik suliassaqarfiusoq, inuttut suliatigullu ineriartornissamut periarfissalik 
  • Kommunip napparsimaveqarfiullu pillorissaasuisa suleqatigiilluarfigisaat. 
  • Kalaallit Nunaanni sumiiffinni allani pillorissaasunik isummersoqateqarnissamut attaveqartarnissamullu periarfissalik. 
  • Immikkut ilisimasalinnik, soorlu avataasalerisunik tikittoqaraangat peqataasarluni.
  • Isumaqatigiissutit naapertorlugit pikkorissarnissamut, ilinniarnissamut, akiliuteqarluni feeriarnissamut periarfissat.

·       Kujataani pinngortitaq immikkuullarissoq, naggorissoq kusarnatorlu alutornartunik kulturikkut oqaluttuassartalik inuillu ilakkuminartut.

·       Suleqatit pitsaasut suleqatissaminnik nutaamik naapitsinissaminnut qilanaartut.

Kommune Kujalleq aamma Kujataani Peqqinnissaqarfik marluullutik pujortarfiunngillat.

Pinerluuteqarsimannginnermut kiisalu meeqqanut pinerluuteqarsimannginnermut uppernarsaat:
Pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput. Inatsit najoqqutaralugu uppernarsaatit, qinnuteqartunik naliliinermi atorneqartussat, pisariaqartinneqartut kommunip pissarsiarereerpagit aatsaat atorfinitsitsisoqassaaq. 

Akissarsiat atorfinitsitaanermilu atugassarititaasut:
Naalakkersuisut aamma Pillorissaasut akornanni isumaqatigiissut qaqugukkulluunniit atuuttoq najoqqutaralugu pissaaq.

Inissiaq:
Atorfimmut atatillugu inissaqartitsineq neqeroorutigineqarsinnaavoq, matumanilu atorfinitsinneqartup malittarisassat qaqugukkulluunniit atuuttut najoqqutaralugit qularnaveeqqusiissut, ineqarnermut akiliut atuineq allallu nammineq akilissavai. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.

Malittarisassat atuuttut malillugit atorfininnermi angalanermut kiisalu pequtit assartorneqarnerat akiliussisoqassaaq, minnerpaamillu ukiuni pingasuni atorfeqareernermi malittarisassat qaqugukkulluunniit atuuttut malillugit soraarnermi angalanissamut pisattallu nassiunneqarnerannut akiliussisoqassalluni.

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput:

Pillorissaavimmi timimik sungiusaasut aqutsisuat:
Anja Mortensen, e-mail anmo@kujalleq.gl,  telefon + 299 64 13 50. 

Oqarasuaatikkut attaveqartoqarsinnaavoq Kalaallit Nunaata nalunaaqqutaa naapertorlugu 08:00 – 16:00 akornanni.

Qinnuteqaat suliarisimasanik, akuersissutinik ilanngussaajunnartunillu allanik ilallugit kommunimit tiguneqareersimassaapput kingusinnerpaamik 26. december 2021  nittartagarput aqqutigalugu.