Skip to main content
140

Dette jobopslag er udløbet

Nuummi Kofoeds Skolep pisortassaanik nutaamik pissarsiorpugut

Pisortamik takorluugaqarluartumik maannakkullu pisunik eqqumaffiginnittumik, Nuummi Kofoeds Skolemik isumaginninnikkut neqeroorutitut aalajangiusimannissinnaasumik ineriartortitsisinnaasumillu, pissarsiorpugut.

 

Suliffimmi kulturimik nukittuumik ataqatigiissumillu inunnik isumaginninnermi siunnersortinik, perorsaasunik sammisassaqartitsinermilu sulisunik tunniusimasunik akuulluartunillu inuttaqartoq isumagisinnaavat ineriartortissinnaallugulu.

 

Inunnik suliffissaaleqisunik inuunermi inooqatigiinnikkut, tarnikkut pisariusunillu unammilligassaqartunik sullitaqarnermit misilittakkatit atorlugit Nuummi Kofoeds Skolep assigiinngitsorpassuarnik imalimmik ilivitsuussutsimillu sammiveqartumik suliniuteqarnermik neqerooruteqartuunissaa qulakkiissavat.

 

Suliassat akisussaaffitillu ilaatigut makkuupput:

  • Atuarfimmi suliassanik tamarmiusunik suliamut tunngasutigut siulersuineq, tassunga ilanngullu atuarfimmi ukiumoortumik pilersaarutinik aalajangersaanerit, ineriartortitsinissamik suliniutit ilanngullugit, kiisalu perorsaarnikkut isumaginninnikkullu suliassamik pilersaarusiorneq.
  • Kommuneqarfik Sermersuumik suleqatinillu allanik suleqateqarnermut akisussaaffeqarneq.
  • Atuarfimmi atuartunut sammisassaqartitsinernut atuartitsinermullu akisussaaffeqarneq.
  • Sullivimmi avatangiisinik pitsaasunik, perorsaanikkut siunersiueqatigiittarnerup siunnersuisarnerullu sinaakkusersorneqarfigisimasaannik, qulakkeerinninneq.
  • Ulluinnarni sulinermik aaqqissuussineq, tassunga ilanngullugit allaffissornikkut aningaasaqarnikkullu malittarinneq, ineriartortitsineq nalunaarusiortarnerlu.
  • Aningaasaqarneq, atuartut inatsisitigut isumannaatsuunissaat sulisunillu allaffissornikkut aqutsineq eqqarsaatigalugit Københavnimi aqutsisut qanimut suleqatigineqarput.  

 

Ilisarnaat

Misilittakkat

  • Pisortanit, NGO-nit imaluunniit atorfimmit attuumassutilimmit allamit aqutsisutut misilittagaqarneq.
  • Suliniutinik aqutsisutut misilittagaqarneq
  • Aningaasaqarnermik aqutsinermik misilittagaqarneq
  • Uppernarsaasiornermik allattariarsornermillu misilittagaqarneq.
  • Sullitaqarnikkut siunnerfinnik imaluunniit isumaginninnikkut perorsaanikkullu sullitaqarnikkut siunnerfinnik attuumassutilinnik allanik misilittagaqarluarneq.
  • Tarnikkut nappaatinik, angerlarsimaffeqannginnermik atugarliornermillu sulinikkut misilittagaqarluarneq.
  • Isumaginninnikkut suliffissaqartitsinikkullu suliamit misilittagaqarneq, inatsisit atuuttut ilanngullugit.

 

Atuagarsorneq / ilinniarsimassuseq

  • Inunnik isumaginninnermi siunnersortitut, perorsaasutut ilinniakkamilluunniit attuumassutilimmik allamik ilinniagaqarsimaneq.
  • Aqutsisutut ilinniagaqarsimaneq.
  • Attuumassutilimmik allamik ilinniaqqissimaneq.

 

Inuttut

  • Ammasumik pitsaasumillu attaveqaqatigiittarnermik suleriaaseqarputit sullitaqarnikkullu siunnerfigisatsinnut, suleqatinut suleqatigisartakkanullu suleqatigiinnikkut attaveqarneq pitsaasoq pilersissinnaallu attassinnaallugulu. 
  • Tusarnaartuuvutit, akuutitsisuullutit kiisalu ataqatigiinnermi sullivimmilu avatangiisinik pitsaasunik qulakkeerinnillutit.
  • Namminersorlutit aaqqissuulluagaasumillu sulisarputit, sumiiffimmilu suliaqarnikkut ineriartornermut tapersiissuteqarnissamut kajumissuseqarlutit. 
  • Pissutsini paatsiveerusimaarnarsinnaasuni tamakkiisumik takunnissinnaaneq, nukissaqarluarneq aaqqissuussilluarnerlu attassinnaavatit.
  • Oqaaseqatigiiliornermut attaveqaqatigiinnermullu pitsaasunik piginnaasaqarputit.

 

Neqeroorutigaavut

  • Suliffeqarfik ineriartortoq, ineriartornerup suleriaatsillu sunniuteqarfiginissaanut periarfissaqarluartoq.
  • Ulluinnarni aqutsisutut/pisortatut Kofoed Skole Nuup siulersuisunik qullersaqassaatit, taakkualu atuarfiup ingerlanneqarnera aningaasaqarneralu atuarfiup sinniisoqarfianut pisortanilu oqartussanut akisussaaffigaat.
  • Suliffeqarnerup sunngiffiullu akornanni oqimaaqatigiittoqarnissaa uagutsinnut pingaaruteqarpoq. Ilorrisimaarneq, ataatsimooqatigiinneq suliassanullu tunngasuni siunersiueqatigiinneq pingaartitaralugit sullivimmi avatangiisinik peqqinnartunik pingaartitsiviusumik aaqqissugaanissarput sulissutigiuaannarparput.
  • Suliffeqarnerit tamakkerlugu suliassanut tunngasutigut ineriartorusussuseqarnerit pitsaasutut isigissavarput, tamatumanilu tapersersussallutit.

 

Kofoeds Skole Nuuk sullissiviuvoq imminut pigisoq arfineq-marlunnik sulisoqartoq, inunnut isumaginninnikkut ajornartorsiuteqartunut imminut ikiorsinnaanngornissaq anguniarlugu ikiuunnissamik siunertaqartoq. Ukiumut 200-t missaannik atuartoqartarpugut. Siunnersuineq, atuartitsineq, sannavimmi ilinniarneq aamma inooqatigiinnikkut ataatsimoorfeqarneq allarpassuillu neqeroorutigisarpavut, aamma ”imminut ikiorsinnaalernissamut ikiuunneq” aamma ”ataatsimoorussat pingajuat” pillugit tunngavinnik piorsaasarluta sulissuteqartarlutalu. Atuarfik innuttaasuni siunnerfigineqartunut pisariusunik arlariissuarnillu ajornartorsiuteqarnermik ilisarnaateqartunut tamanut ammasuuvoq.

 

Atorfinitsitaanermut tunngasut il.il.
Atorfinitsitaaneq pissaaq 1. marts 2022-mi imaluunniit isumaqatigiissuteqarneq malillugu sulilerfiusumik piffissarlu suliffiusoq agguaqatigiissillugu sapaatip-akunneranut 40 tiiminik sivisissuseqartarpoq. Atorfinitsitaaneq pissaaq Naalakkersuisut kattuffiullu attuumassuteqartup akornanni isumaqatigiissut atuuttoq naapertorlugu. 

Ineqarneq
Atorfimmut atatillugu ajoraluartumik ineqartitsisoqarsinnaanngilaq. 

Attaveqarneq qinnuteqarnerlu
Kofoeds Skole aamma Kofoeds Skole Nuuk pillugit paasisaqarnerugit uani: www.kofoedsskole.dk. Atorfimmut tunngasunik apeqqutissaqaruit siulersuisut siulittaasuat Malik Hegelund Olsen, malikho@hotmail.com, tlf. +299 585757, attavigisinnaavat.

Qinnuteqarnissamut killigititaasoq tassaavoq 12. januar 2023 nalunaaqutaq 23.59.

2023-mi sapaatip-akunnerani 4-mi qinnuteqartunik oqaloqatiginninnissaq naatsorsuutigaarput.

Qinnuteqaat
Qinnuteqaatit cv-mik ilaqartinneqartoq e-rekrutteringssystemerput aqqutigalugu nassiunneqassaaq – ”søg stillingen” toorlugu.

Søg stillingen