Skip to main content
173

Dette jobopslag er udløbet

Kofoeds Skole Nuuk sammisaqartitsisussamik sulisussarsiorpoq

Nuummi inuit suliffissaaleqisut, angerlarsimaffeqanngitsut atugarliortullu sullikkusuppigit? Kofoeds Skole Nuummut sammisassaqartitsisussamik tunniusimalluartumik sulisussarsiorpugut.

 

Suleqatigiinnut nukittuunut ilaalerit
2016-imiilli Kofoeds Skole Nuuk innuttaasut atugarliortut tunaartaqartumik akuutillugillu sullissisimavoq. Pisortaq suleqatigiillu tallimat peqatigalugit Kofoeds Skole Nuuk ingerlatseqataaffigissavat. Inoqatitit inissaqartippatit paasinnissinnaassuseqarlutillu, sullinneqartut atugarliortut assigiinngitsunik isumaginninnikkut tarnikkullu ilungersuuteqartut sullinnerannik misilittagaqarlutit.

 

Suliassaraarput akuulluarluni inooqataalernissamut aqqutissiuussinissaq, suliffeqaqqilernissaq pineqarpat imaluunniit ulluinnarni inuuneq imaqarnerulersinniarlugu.

 

Neqeroorutigaavut:
Sammisassat assigiinngitsut neqeroorutigaavut, soorlu qisunnik sanalunneq, pinnersaasiorneq, saanermik qiperuineq, mersorneq, iganeq il.il. Naluttarfiliartarpugut asimilu angalaarluta. Erinarsoqatigeeqarpugut nipilersorneq erinarsornerlu nuannaralutigu.

 

Sammisassaqartitsisussamik sulisussarsiorpugut, isumaginninnermi perorsaanermik misilittagaqartumik ”imminullu ikiornissamut ikiuinissaq” tunngavigalugu sullitatsinnik sullisseqataasinnaasumik. Pinartoqartillugu eqqissisimasinnaassuseqassaatit eqqissisaasinnaallutillu.

 

Kofoeds Skole Nuuk ingerlatsiviusoq imminut pigisoq, inersimasunut isumaginninnikkut atugarliortunut imminut ikiornissamut ikiuinissamik neqerooruteqartoq. Inunnut pitsaanerusumik inuuneqalernissaminnut imminnut ikiorusuttunut neqeroorutaavugut. Inunnut suliffissaaleqisunut atugarliortunullu ataatsimoorfimmi tamanut inissaqartitsisumi peqataalernissamut ineriartorluni imigassartaqanngitsumillu attaveqatigiilernissamik neqerooruteqarpugut.

 

 

Suliassat ilaatigut makkuupput:

  • Sammisassanik suliniutinillu pilersaarusiorlunilu ingerlatsinissaq, ilaatigut asiarnernik
  • Atassuteqalernissamik suliaqarneq
  • Pisariaqartitsineq naapertorlugu ilinniartunut illersuisi
  • Kaammattuutaasumik oqaloqateqarnerit sammisaqartitsinerillu
  • Suleqatitit peqatigalugit assassorluni allatigullu sammisassanik suliniutinillu pilersaarusiorlutillu ingerlatsillutit, ilaatigut angalaaqatigiinnernik.
  • Nammineq suliassarsiorneq
  • Illumi ataatsimiinnerit

Sulilersussaq – misilittakkat

  • Sammisassanik pilersaarusiornermi ingerlatsinermilu misilittagaqarpugit
  • Inunnik ikiortarialinnik perorsaanermik misilittagaqarneq

 

Sulilersussaq – ilinniarsimasat

  • Isumaginninnermi perorsaasutut imaluunniit suliassamut tulluartumik ilinniarsimasoq
  • Ajornanngippat biilernermut allagartaq

 

Inuttut piginnaasat pisariaqartut

  • Kalaallisut/qallunaatut marluinnik oqaaseqarnissaq pitsaassaaq
  • Pinartoqartillugu eqqissisimasinnaavutit eqqissisaallutillu
  • Namminersorlutit aaqqissuussamillu sulisinnaasariaqarputit, suliffimmilu suliatigut ineriartortitseqataanissamut kajumissuseqarlutit
  • Sullitatsinnut, suleqatigiinnut suleqatigisatsinnullu pitsaasumik suleqatigiinnermik pilersitsisinnaallutillu attassisinnaallutit.
  • Attaveqaqatigiinnermut pikkorissuullutit
  • Tarnikkut nukittuuvutit

 

Neqeroorutigaarput
Suliffeqarfiuvugut Suleqatigiit ingerlalluartuunissaannik pingaartitsisoq, taamaattumillu sulisut sulisoriinnarnissaannut piorsarnissaannullu ilungersuuteqartoq.

Sullivinni avatangiisitsinni najoqqutarisatta ilagaat tatiginninneq, suleqatigiinneq sulinerullu nuannersuunissaa.

 

Annerusumik paasisaqarusukkuit
Atorfik pillugu sukumiinerusumik paasisaqarusukkuit pisortaq Gujo Thorsteinsson attavigisinnaavat, oqar. (+299) 58 02 26, atorfininnermilu atugassat pillugit apeqqutissaqaruit, Kofoeds Skolemi sulisoqarnermut pisortaq Bente Fasmer attavigisinnaavat, oqar. +45 41 73 32 69.

 

Atorfininnermi atugassat assigisaallu
Apriilip 1-ani 2022-mi atorfinittoqassaaq. Agguaqatigiissillugu sapaatit akunneranut akunnerni 40-ni atorfiuvoq. Atorfininneq pissaaq Naalakkersuisut aamma AK-p Namminersorlutik Oqartussat kommunillu ataani sulisut pillugit isumaqatigiissutaat naapertorlugit.

 

Qinnuteqaat
Qinnuteqarfissaq kingulleq tassaavoq sisamanngorneq februaarip 10-at 2022 nal. 12.00. 

 

Qinnuteqaatit cv-mik soraarummeernermullu allagartat ilanngullugit nassiunneqassaaq uunga: jobmailKSN@kofoedsskole.gl

 

Naatsorsuutigaarput atorfinitsitsinissamut oqaloqateqarnerit februaarip 22-ani 24-anilu 2022-mi ingerlanneqassasut.