Skip to main content
115

Dette jobopslag er udløbet

Kofoeds Skole Nuuk Isumaginninnermi siunnersortimik sulisussarsiorpoq

Nuummi inuit suliffissaaleqisut, angerlarsimaffeqanngitsut atugarliortullu sullikkusuppigit? Isumaginninnermi siunnersortimik pikkorissumik tunniusimasumillu pissarsiorpugut, Nuummi inuit ikiortariaqartut isumaginninnikkut iliuuseqarfiginissaannut tamakkiisumik isigaluni piorsaaqataasussamik.

 

Suleqatigiinnut nukittuunut ilaalerit
2016-imiilli Kofoeds Skole Nuuk innuttaasut atugarliortut tunaartaqartumik akuutillugillu sulisimavoq. Pisortaq suleqatigiillu tallimat peqatigalugit Kofoeds Skole Nuuk ingerlatseqataaffigissavat. Inoqatitit inissaqartippatit paasinnissinnaassuseqarlutillu, isumaginninnermi siunnersortitut assigiinngitsorpassuarnik misilittagaqarlutit, suleqatitit peqatigalugit atorusutannik.

 

Kofoeds Skole Nuuk tunngaviusumik ”Imminut ikiornissamut ikiuinermik” tunngaveqarpoq, sullinneqartunullu isumaginninnermi sulinitsinni Kommuneqarfik Sermersooq qanimut suleqatigalutigu.

 

Neqeroorutigaavut:

  • Isumaginninnermi siunnersuineq
  • Kajumissuseq tunngavigalugu inooqataalersitsineq
  • Isumassuineq
  • Sammisassat soorlu qisunnik sanalunneq, pinnersaasiorneq, saanernik qiperuineq, mersorneq, iganeq il.il.

 

Isumaginninnermi siunnersuineq Kofoeds Skole Nuummi  neqeroorutit tunngavigimmassuk, isumaginninnermi siunnersortit atuuffiat pingaartupilussuuvoq, neqeroorutit ilaqutassappata, pitsaasuullutik isumaqarlutillu, taamaattumillu ilinniarfimmi ilinniartut neqeroorutinik pissarsinissaannut tunngaviullutik pingaaruteqartut.

 

Kofoeds Skole Nuuk ingerlatsiviusoq imminut pigisoq arfineq marlunnik sulisoqartoq, inersimasunut isumaginninnikkut atugarliortunut imminut ikiornissamut ikiuinissamik neqerooruteqartoq. Inunnut pitsaanerusumik inuuneqalernissaminnut imminnut ikiorusuttunut neqeroorutaavugut. Inunnut suliffissaaleqisunut atugarliortunullu ataatsimoorfimmi tamanut inissaqartitsisumi peqataalernissamut ineriartorluni imigassartaqanngitsumillu attaveqatigiilernissamik neqerooruteqarpugut.

 

Ilinniarsimasat
Eqaatsumik, tunaartaqartumik angusaqarnissarlu siunertaralugu sulisinnaasutit kissaatigaarput, ilinniartut pisariaqartitaannik paasinnissinnaallutit, naliliisinnaallutit naatsorsuisinnaallutillu.

 

Isumaginninnerup suliffissaqartitsinerullu iluani inatsisit atuuttut ilisimavatit, inunnillu atugarliortunik annertuumik misilittagaqarlugit. Suliassaqarfiup iluani ilisimasavit nutartertuarnissaannut piumassuseqarputit.

 

Isumaginninnermi siunnersortitut ilinniarsimasutut isumaginninnermi siunnersorti suleqatigisat peqatigalugu ilinniartunut isumannaatsumik pitsaasumillu tunngavilersorluakkamillu siunnersuinissaq neqeroorutigaat, ilaatigut ilinniartut kommunimi allanilu suleqatigisani oqaloqatigineqarnissamut piareersaqatigalugit, illersuisitut peqataallutit malitseqartitsillutillu.

 

Suliassat aaqqissuunnissaannik naliliisinnaasariaqarputit, tulleriiaaralutit suliamullu tunngatillugu naliliillutit.

 

Inuttut piginnaasat pisariaqartut

  • Kalaallit oqaasiinik kulturiannillu sukumiisumik ilisimasaqarnissaat iluaqutaassaqaaq
  • Inulerineq uummateqarfigilluarpat
  • Inuuvutit akuersaartoq periarfissanik takunnissinnasoq
  • Sulininni eqqissisimasinnaassuseqarputit, aaqqissuussillaqqissuullutit.

 

Neqeroorutigaarput
Suliffeqarfik Suleqatigiit ingerlalluartuunissaannik pingaartitsisoq, taamaattumillu sulisut sulisoriinnarnissaannut piorsarnissaannullu ilungersuuteqartoq.

Sullivinni avatangiisitsinni najoqqutarisatta ilagaat tatiginninneq, suleqatigiinneq sulinerullu nuannersuunissaa kissaatigalutigu.

 

Annerusumik paasisaqarusukkuit
Kofoeds Skole Nuup Facebookia takuuk.

 

Atorfik pillugu sukumiinerusumik paasisaqarusukkuit pisortaq Gujo Thorsteinsson attavigisinnaavat, oqar. (+299) 58 02 26, (juulip 19-aniit aggustip 6-anut sulinngiffeqarneq) atorfininnermilu atugassat pillugit apeqqutissaqaruit, Kofoeds Skolemi sulisoqarnermut pisortaq Bente Fasmer attavigisinnaavat, oqar. +45 41 73 32 69 atorlugu (sapaatit akunnerini 27, 28 aamma 29-mi suliffinngeqarneq).

 

Atorfininnermi atugassat assigisaallu
Oktobarip 1-ani 2021-mi atorfinittoqassaaq, imaluunniit isumaqatigiissuteqarneq tunngavigalugu. Agguaqatigiissillugu sapaatit akunneranut akunnerni 40-ni atorfiuvoq. Atorfininneq pissaaq Naalakkersuisut aamma AK-p isumaginninnermut siunnersortit sullissisullu Namminersorlutik Oqartussat kommunillu ataani sulisut pillugit isumaqatigiissutit naapertorlugit.

 

Inissaq
Ajoraluartumik atorfininnermut atatillugu inissaqartitsisoqanngilaq.

 

Qinnuteqarnissaq
Qinnuteqarnissamut tallimanngorneq aggustip13-at 2021 nal. 12.00 killigitinneqarpoq.

 

Qinnuteqaatit cv-mik soraarummeernermullu allagartat ilanngullugit nassiunneqassaaq uunga: jobmailKSN@kofoedsskole.gl

 

Naatsorsuutigaarput atorfinitsitsinissamut oqaloqateqarnerit aggustip 18-ani 19-anilu 2021 ingerlanneqassasut.

 

Sulisut katitigaanerisa inuiaqatigiinnut akuuffigisanut assingunissaa anguniarparput. Taamaattumik soqutiginnittut tamaasa – sumit kingoqqisuuneq, upperisaq, suiaassuseq ukiulluunniit  apeqqutaatinnagit – atorfimmut qinnuteqarnissaannik kajumissaarpavut.