Skip to main content
89

Dette jobopslag er udløbet

Nittartakkakkut allatsitsivissamut Pisisa.gl-imut ataqatigiissaarisussamik

KNI-p nittartakkakkut pisiniartarfia www.pisisa.gl qiimasuulluni nukissaqarluartumik, pisisartutsinnik pitsaanerpaamik kiffartuusserusuttumik pissarsiorpoq piaartumik imaluunniit isumaqatigiissuteqarnikkut sulilersussamik.

 

KNI-p pilersaarusiornikkut niuernermillu ingerlatsinermik misilittagai tunuliaqutaralugit, sumiiffinni assigiinngitsuni pissutsinik KNI-p ilisimasaqarluarnera aamma iluaqutigalugu Pisisa.gl Kalaallit Nunaannut naleqqussaqqissaagaavoq. Nioqqutissat nerisassaanngitsut pitsaasut amerlasuullu Pisisa.gl-ip neqeroorutigai. 

 

Pisisartut Nunatsinni tamaneersut oqarasuaatikkut oqaloqatigisassavatit, chatseqatigisassallugit maileqatigisassallugillu. Pisisartutta attavigitilluta assigiinngitsorpassuarnik apeqquteqarfigisarpaatigut. Pisisartuvut sapinngisamik pitsaanerpaamik ikiorusussavatit, kiisalu Nunatsinni pitsaanerpaamik kiffartuussissallutit.

 

Nioqqutissarsiniartarfippassuagut suleqatigisartagarpassuagullu oqaloqatigisassavatit, kiisalu nioqqutinut tunngasorpassuit ilisimaarilissallugit soorlu errorsivinniit qarasaasiakkut spil-inut.

 

Nittartakkakkut allatsitsivissamut ataqatigiissaarisutut akisussaaffigissavatit:

  • Nittartakkakkut allatsitsivissap Pisisa.gl-ip aaqqissuussivigiuarnissaa nutarsartarnissaalu
  • Nittartakkakkut pisiniartartunut ikiuineq
  • Nioqqutigineqartussanik ineriartortitsineq
  • Ataatsimoorullugu e-mailimut saaffiginnissutit akisarnissaat
  • Neqeroorutaasussanik pilersaarusiorneq
  • Assartuussinermi pitsanngorsaaneq
  • Pisisartunik suleqatigisartakkanillu pitsaasumik suleqatiginnerusussusilimmillu attaveqarneq
  • Pisariaqalersillugu suliassanngortartut
  • Killingusaami periusissiatta atuutsinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

 

Atorfik imaattumik inuttalerusupparput:

  • Angusaqarusuttoq, kiffartuussilluarusuttoq anguniagassanillu ilisimaarinnittoq
  • Aaqqissuulluakkamik ilusilerluakkamillu suleriusilik
  • Ulapaarfinni ataatsimut isiginnissinnaasoq

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqanngilaq
  • Piginnaanngorsaqqinnissamut periarfissat pitsaasut
  • Suliffik ulluni tamani assigiinngissitaarfiusoq, pissanganartoq unamminartorlu

 

Atorfik pillugu paasisaqarnerorusukkuit Logistikchef / Souschef Markus Falksen attavigineqarsinnaavoq oqarasuaatikkut: 86 23 27 mobil: 52 71 66 imaluunniit email-ikkut: mfa@kni.gl.

 

Qinnuteqaat

Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattuk-kanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigo-reersimassavarput kingusinnerpaamik ulloq 12. marts 2021.

 

Qinnuteqaat uunga nassiunneqassaaq:     

 

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.