KNI Sisimiuni kiffartuussivik naatsorsuuserivimmi (finans/debitor) immikkoortortaqarfia naatsorsuuserinermut ikiortimik pissarsiorpoq piaartumik imaluunniit isumaqatigiissuteqarnikkut sulilersussamik.

 

Naatsorsuuserinermi ikiortip qaninnertut pisortarissavaa teamlederi.

 

Naatsorsuuserinermi ikiortitut pingaarnertut suliassatit makkuussapput:

• Ulluinnarni naatsorsuuserinermik suliaqarneq
• Pisiniarfinni sulisunut attaveqarneq, nalunaarsuineq, naligiissaarineq il. il.
• Suleriutsinik ineriartortitsinermi peqataaneq pitsanngorsaaqataanerlu
• Suliassat suliareqquneqartut assigiinngitsut
• Akiligassalinnut tunngasut ullut tamaasa malinnaavigineri

Atorfinittussap makkua piginnaaneqarfigissagai piumasaqaatigaarput:
·       Naatsorsuuserivimmi sulinermik misilittagalik
·       Piffissamik nikerarsinnaasumi sulisinnaasoq ulapaarfimmilu sulilluarsinnaasoq
·       Ilinniartinneqareerluni nammineerluni sulisinnaasoq suleqatiginnillaqqissorlu
·       Ilinniartikkuminartoq
·       Qiimasoq pitsaasumillu kiffartuussilluarumasoq
· Oqaatsinik kalaallisut qallunaatullu atuisinnaasoq

 

Atorfinittussamut neqeroorutigaagut:

• Akissarsiat: Piginnaasat naapertorlugit isumaqatigiissuteqarnikkut akissaateqartitaaneq
• Atorfimmut atatillugu inissaqartitsisoqanngilaq
• Allaffimmi ammaannartumi sulisut nuannaartut tunniusimasullu peqatigalugit sulilissaatit.
• Piginnaasat naapertorlugit immikkut isumaqatigiissuteqarnikkut akissaateqartitaaneq

 

Atorfik pillugu paasisaqarnerorusukkuit regnskabschefi Jonna Petersen attavigineqarsinnaavoq oqarasuaatikkut: 86 24 53 imaluunniit mailikkut jnn@kni.gl.

 

Qinnuteqaat
Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattuk-kanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 25. juli 2022.

 

Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
Email: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatis-saqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.