Skip to main content
132

Dette jobopslag er udløbet

KNI Engros-imi Ilulissani quersuup pisortaa

KNI Engros Ilulissat quersuarmut tunniusimasumik quersuup ittussaanik pissarsiorpoq ulloq 1. maj 2019 isumaqatigiissuteqarnikkulluunniit sulilersussamik.

Ilulissani quersuarmi pisortatut quersuaq angisooq akisussaaffigissavat illoqarfimmi pisiniartartunut immiaaqqanik, sodavandinik nerisassanillu pilersuiffiusoq. Taamaattumik quersuup akisussaaffiginissaani pisortanngortussaq quimiittuutinik aqutsillaqqissuulluni piginnaasaqarluassaaq, pisortatut sulillaqqissuulluni, suleqatiginnillaqqissuulluni kajumissaarillaqqissuullunilu.

Ilulissani quersuup pisortaatut aamma akisussaaqataaffigissavatit engros-imi kaaviaartitat annertuusarnisaat, tamatumalu pisisartunik sullissineq attaveqarnerlu pissusissaasuuginnartumik suliassaapput.

Quersuup pisortaata quersuartigut annertuukkaanik nioqquteqarnermi pisortaq Nuummiittoq qaninnertut pisortarissavaa.

 

Quersuup pisortaatut pingaarnertut suliassat makkuussapput:

  • Quersuup aaqqissuulluarsimanissaa, torerlunilu iluarsaassimanissaa qulakkeerlugu
  • Nioqqutissat quimiittut ullussaasa ullut tamaasa misissorneqartuarnissaat qulakkeerlugu
  • Quersuarmi sulisut tamarmik suliassatik ilisimaarissagaat suliarinissaannullu piginnaasaqarnissaat qulakkeerlugu
  • Nioqqutissanik piniartoqarnissaa, nioqqutissanik tikittoornermi tigooqqaaneq nakkutilliinerlu qulakkerlugu
  • Quersuup nillataartitsiviisa qerititsiviisalu ingerlanerinik atortunillu allanik nakkutilliineq qulakkeerlugu
  • Naliginnaasumik quersualerineq qulakkeerlugu kiisalu nassiussugalerinermi ingerlatsinermi nioqqutissaq tikinneraniik nassiunnissaanut malinnaaviginissaa
  • Killingusaami periusissiatta atuuttunngortinnissaa piviusunngortinnissaalu
    KNI-mi periuserineqartartut naleqartinneqartullu malinneqarnissaat qulakkeerlugu

 

Quersuup pisortaatut atorfik makkuninnga ilisimasalimmik inuttalerusupparput:

  • Suleqatikkuminarlunilu aqutsisuullaqqissoq
  • Suliassanik aaqqissuussilluartoq peqqissaartorlu
  • Ulapaarfiusumi ataatsimut isiginnissinnaasoq
  • Niuernermik paasisimasalik
  • IT-mik piginnaasalik, kiisalu Microsoft office-mik atuinissamik ilisimasalik
  • Suliassanik nutaanik isumaginninnissamik pisinnaasaqarlunilu piumassusilik
  • Piffissamik suliffiusussamik allanngorartitsinissanillu piumassusilik
  • Suliamut naleqquttumik tunuliaqutalik ilinniagalillu
  • Kalaallisut qallunaatullu oqalussinnaasoq

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq 
  • Nuunnermi angalanermi kiisalu pequtit angallannerannut akiliunneqarneq

 

Atorfik pillugu paasisaqarnerorusukkuit quersuartigut annertuukkaanik tuniniaanermi pisortaq Jens Bang attavigineqarsinnaavoq oqarasuaatikkut: 86 81 62 imaluunniit oqarasuaat angallattagaq: 53 07 23 imaluunniit mail-ikkut jbg@kni.gl.

 

Qinnuteqaat

Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaa-mik ulloq 23. april 2019.

 

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.