Skip to main content
153

Dette jobopslag er udløbet

Aningaasaqarnermut pisortaq

KNI A/S piginnaaneqarluartumik niuernermillu ingerlatsinermik paasisimasaqarluartumik, aqutsisutut sulisimanerminik takussutissaateqartumik, ajornanngippallu nioqquteqarluni ingerlataqarnermik misilittagalimmik, piaartumik isumaqatigiissuteqarnikkulluunniit atorfinissinnaasumik aningaasaqarnermut pisortassarsiorpoq.

 

Suliffeqarfissuup aningaasaqarneranik suliaqartut naatsorsuuserivimmilu sulisut katillugit 20-t pingaarnertut pisortaaffigilissavatit. Atorfimmi atorfinikkaanni suliffeqarfimmi tamarmi sulisut amerlasuut suliffeqarfiutigisallu arlallit attavigineqartassapput. Taamaattumik sulisut qanorluunniit suliaqaraluarpata attaveqaqatigilluarsinnaassagitit suleqatigisinnaassagitillu naatsorsuutigaarput.

 

Atorfimmik soqutiginartumik unammillernartumillu nammineerluarsinnaaffiusumik  atorfeqarnissannik matumuuna neqeroorfigaatsigit. Sulisut piginnaaneqarluartut tunniusimalluartullu persuarsiorfiuunngitsumi sulisut suleqatigilissavatit. Atorfik suliffeqarfiup Sisimiuni qitiusumik kiffartuussiviani inissisimavoq.

 

Atorfinittussap CFO qaninnertut pisortarissavaa.

 

Atorfimmi akisussaaffigisassat
CFO peqatigalugu pisortanut isumasioqatigineqartassaatit, aalajangiisoqassatillugulu aningaasaqarnermut immikkoortortaqarfiup tunngavigineqartussanik eqqortunik tunniussaqartarnissaa qulakkeertassallugu.

 

Suliassat taaneqarsinnaasut ilaat tassaapput:

  • Aqutsisunut siulersuisunullu nalunaarusiortarneq
  • Aqutsineq, tamatumani sulisut piginnaanerisassaannik inerisaaneq ilanngullugu
  • Suliffiup iluani suleriaatsinik suleriutsinillu nassuiaatissanik malinnaaviginninneq
  • Piffissami aalajangersimasumi naatsorsuutinik naammassinnittarnermik kingornalu nalunaarusiortarnermik misilittagaqarputit
  • Ukiumoortumik nalunaarusiornermi naammassinnittarnermik misilittagaqarputit, tamatumani kukkunersiuisunik qanimut oqaloqateqarsinnaaneq ilanngullugu
  • Missingersuusiortarnermik kingornalu ilimagisatut naatsorsuutigineqartunik malinnaaviginneqqittarnermik misilittagaqarputit
  • Aningaasat ingerlaarnerinik nalunaarusiortarneq uterfiginnittuartarnerlu
  • ERP systemitsinniit AX 4.0-miit Microsoft Dynamics 365-imut ikaarsaarluta nutarterinitsinnut peqataaneq
  • Aningaasalersuinitsinnut atatillugu nalunaarusiortarnitsinni ineriartortitsinitsinnut peqataaneq, tamatumani niuernermik ingerlatatsinnut nalunaarusiortariaatsitigut atortussaqartitsinermik ineriartortitsineq ilanngullugu.


Qanoq ittuunerit
Inuttut nukittuujuvutit sulianullu tamanut malinnaaneq iluarisimaartarlugu, tassami ulluinnarni ingerlatsinermut peqataarusuttaravit. Pisortatut alapernaatsuuvutit, kajumissaarisarlutit, tatiginninnermik pilersitsisarlutit sulisuillu tapersersornissaat paasisimasaqarfigalugu. Pitsanngorsaajuarnissaq siunertaralugu nutaanik siunnersuuteqartoqarnissaanut isumasioqatiginnittarnerlu ammaffigisuuatit.

Naggataatigut minnerunngitsumillu taama ittuutitsinissami nassuiarneqartut tigussaasunngortillugit atuuttunngortinnissaannut piginnaaneqarputit, piffissaatillugulu pitsaassusilinnik tunniussaqartarlutit. Suleriaaseq sukkasuumik ingerlanneqartarpoq, tunniussinissamullu killiliunneqartut eqquutsinneqarnissaat pingaartinneqarnersaavoq.

Piginnaaneqarfigisat
Takorloorparput atorfimmut qinnuteqartoq eqqortoq atorfimmi assingusumi misilittagaqassasoq, ilinniakkanik Cand. merc. aud, HD qaffaseqataanilluunniit assingusumik naammassinnissimasuussasoq. Qarasaasiamik atuinermik pikkoriffeqarluarputit nalinginnaasumillu ERP-systeminik paasisimasaqarluarlutit.

KNI-p neqeroorutigai:

  • Immikkut isumaqatigiissuteqarnikkut akissarsiassat atugassarititaasullu pitsaasut qinnuteqartumut piukkunnarluartumut naammaginartut
  • Atorfimmut atatillugu inissaqartitsisoqassaaq, tassungalu qularnaveeqqut ineqarnermullu akiliutissat inatsisit malillugit akilerneqartassapput
  • Piginnaasat ineriartortinnissaanni periarfissat pitsaasut
  • Suliffik ulluni tamani assigiinngitsuusuni allanngorarfiusoq, pissanganartoq unamminartorlu.

Atorfik pillugu paasisaqarnerorusukkuit aningaasaqarnermut pisortaq Jan H. Lynge-Pedersen (maannakkut pisortaanerugallartoq) attavigineqarsinnaavoq emailerfigalugu uunga jalp@kni.gl.

Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik  ulloq 31. maj 2021.

Qinnuteqaatit tamarmik anngigineqarlutik suliarineqassapput.

Qinnuteqaat uunga nassiunneqassaaq:     

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut. 

KNI pillugu paasisaqarnerorusukkuit www.kni.gl -imut iserlutit paasisassarsiorsinnaavutit.