Skip to main content
95

Dette jobopslag er udløbet

Akissarsialerivimmi siunnersorti

KNI A/S akissarsialerivimmi siunnersortimik namminersorluarsinnaasumik ulloq 15. august 2020 imaluunniit isumaqatigiissuteqarnikkut sulilersussamik pissarsiorpoq.

 

Akissarsialerivimmi siunnersortitut akissarsialerinermik tamakkiisumik ilisimasaqarlutit misilittagaqarluarlu-tillu akissarsialerivimmi suleqatigiit katillutik pingasuusut pulaffigissavatit.

 

Suliffeqarfik ineriartorfiusoq, suliffeqarfiup naleqartitaanik ukkassilluni sakkoqarlunilu eqaatsumik, tunniusimasumik minnerunngitsumillu akisussaaffeqartumut peqataalernissat qilanaarutigisinnaavat. 

 

Qaammammut akissarsisitsisarnerit ilutigalugit pingaarnertut makku suliassaraatit:

  • Nalunaaquttap akunnermusialinnut akissarsisitsineq
  • Akissarsianik nalunaarsuineq nakkutiginninnerlu
  • Akissarsianut tunngasunik naligiissaarineq naatsorsuuserinerlu
  • Napparsimasut ernereernermilu sulinngiffeqartut nalunaarsorneri
  • Sulinngiffeqarnersiutilerineq
  • Ingerlaavartumik akileraarutinik nalunaarsuineq ukiumullu naatsorsuutit

 

Akissarsialerivimmi siunnersortitut atorfinittussap makkua piginnaaneqarfigissagai piumasaqaatigaarput:

  • Tulluartumik allaffissornikkut ilinniagaqarsimasuunissat
  • Sullisserusussuseqartuunissat
  • Marluinnik oqaaseqartuunissat
  • Isumaqatigiissutinut ilisimasaqartuunissat
  • Suleqatikkuminartuunissat
  • Torersuunissat aalajaatsuunissallu

 

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq

 

Atorfik pillugu paasisaqarnerorusukkuit akissarsialeriviup ningiua Kista Kreutzmann attavigineqarsinnaavoq oqarasuaatikkut: 86 24 44, toqqaannartoq 86 24 43, imaluunniit mail-ikkut: kkr@kni.gl.


Qinnuteqaat
Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattuk-kanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 24. juli 2020.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartitttarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mit-tarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl -mut iserlutit paasisassarsiorsinnaavutit.