Skip to main content
140

Dette jobopslag er udløbet

KNI Engros - Sektionsleder

KNI Engros Nuummi quersuarmut tunniusimasumik sektionslederimik pissarsiorpoq piaartumik imaluunniit isumaqatigiissuteqarnikkut sulilersussamik.

 

Nuummi quersuarmi sektionslederitut quersuarmi immikkoortortami (nillataartut qerisullu) akisussaaffigissavatit, illoqarfimmi pisiniartartunut immiaaqqanik, sodavandinik nerisassanillu pilersuiffiusoq. Taamaattumik quersuup akisussaaffiginissaani sektionslederinngortussaq aqutsillaqqissuunissa­mik piginnaasaqarluassaaq, pisortatut sulillaqqissuulluni, suleqatiginnillaqqissuulluni kajumissaaril­laqqissuullunilu.

 

Nuummi quersuarmi sektionslederitut quersuartigut tuniniaanermi siunnersortit quersuarmilu pisortaq peqatigalugit akisussaaqataaffigissavatit Nuummi quersuarmi kaaviaartitat annertusarnissaat, tama­tumanilu pisisartunik sullissineq attaveqarnerlu pissusissamisuuginnartumik suliassaapput.

 

Sektionslederip Nuummi quersuarnut pisortaq qaninnertut pisortarissavaa.

 

Sektionslederitut pingaarnertut suliassatit makkuussapput:

  • Quersuarmi sulisunik ulluinnarni aqutsisuuffiginninneq
  • Quersuarmi ullut tamaviisa aaqqissuussilluarsimanissaq, torisaarnissaq torersuutitsinerlu qulakkeerlugu
  • Quersuarmi uninngasut ullussaannik misissuiuartarnissaq qulakkeerlugu
  • Quersuarmi sulisut tamarmik suliassatik ilisimassagaat suliarinissaannullu piginnaaneqarnissaannik qulakkeerinninneq
  • Nioqqutissanik noqqaasoqartarnissaa, nioqqutissanik tikittunik suliaqartarnissamik nakkutilliinermillu qulakkeerinninneq
  • Quersuarmi nillataartitsiviit/qerititsiviit atortullu allat nakkutigineqarnissaat qulakkeerlugu
  • Quersuarmi nalinginnaasumik ingerlatsineq qulakkeerlugu - kiisalu nioqqutit tiguneriniit nassiunneqarnissaanut suliaqarneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

 

Atorfinittussap makkua piginnaaneqarfigissagai piumasaqaatigaarput:

  • Suleqatiginnillaqqissoq aqutsisuusinnaalluartorlu
  • Aaqqissuulluakkamik suleriuseqartoq torersuutitsisorlu
  • Ulapaarfinni aqutsilluarsinnaasoq
  • Niuertutut sulinermik paasisimasalik
  • Qarasaasiamik atuilluarsinnaasoq Officemillu ilisimasalik
  • Suliassanik nutaanik suliaqarsinnaasoq sapiutinngitsorlu
  • Piffissamik suliffissaasumik nikisitsilaarnissamik ajornartitsinngitsoq
  • Quersuarmi suliaqarnermi nerisassanillu tuniniaanermik naleqquttumik misilittagalik ilinnia­galillu
  • Kalaallisut qallunaatullu attaveqarsinnaalluartoq

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqanngilaq 
  • Piginnaanngorsaqqinnissamut periarfissat pitsaasut
  • Suliffik ulluni tamani assigiinngissitaarfiusoq, pissanganartoq unamminartorlu

 

Atorfik pillugu paasisaqarnerorusukkuit quersuarmi pisortaq Jan Kristian Olsen attavigineqarsinnaavoq oqarasuaat: 86 23 03 mobil: 55 11 79 imaluunniit mail: kjr@kni.gl.

 

Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 24. maj 2021.

 

Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.