Skip to main content
116

Dette jobopslag er udløbet

PISORTAQ

Kalaallit Nunaanni Aalisartut Piniartullu Kattuffiat, KNAPK, pisortassarsiorpoq ulloq 1. september 2021 imaluunniit immikkut isumaqatigiissuteqarnikkut atorfinittussamik.



Suliassat:
Pisortap KNAPK-mi siulersuisuunerit, ulluinnarni aqutsisut aammalu kattuffimmi siulittaasoq kiisalu allaffeqarfimmi suleqatit qanimut suleqatigalugit ilaasortat soqutigisaasa anguniarnissaat suliassaraa. 

 

Piumasaqaatit:
Pisortaq suliassat assigiinngisitaartut, ullormiillu ullormut allanngorarsinnaasartut, ilaasortat 2800 missaanniittut, nunatsinni nunanilu allani aalisarnikkut piniarnikkullu inuussutissarsiutitigut pissutsit qitianni ilisimaarinnilluarluni, akisussaassuseqartumik uumassuseqartumillu suleriaaseqartuussaaq.

 

Pisortaq allaffissornikkut aqutsinermik misilittagaqarlunilu piginnaasaqassaaq. Inatsisilerinermik naatsorsuutinillu atuaasinnaanermik ilisimasaqarneq qinnuteqaammut iluaqutassaaq.

 

Oqaatsitigut aamma allattagarsornikkut piginnaasaqarluartuussaaq kalaallit, danskit tuluillu oqaasii atorluarsinnaassallugit.


Atorfimmi atugassarititaasut:
KNAPK-mi ulluinnarni aqutsisut aamma atorfinitsinneqartussap akornanni akissaatitigut allatigullu atugassarititaasunik isumaqatigiissusiortoqassaaq.
 

Qinnuteqaat:
Qinnuteqaat KNAPK-p allaffeqarfianut nassiunneqassaaq. Qinnuteqaatip saniatigut sumi ilinniagaqarsimaneq sumi atorfeqarsimaneq, atorfigisimasamit oqaaseqaatit paasissutissallu allat KNAPK-p allaffeqarfiani tiguneqareersimassapput kingusinnerpaamik tallimanngorneq 30. juli 2021.
 

Annertunerusumik paasissutissanik perusukkuit, KNAPK-mi siulittaasoq, Henrik Sandgreen, oqarasuaatikkut attavigineqarsinnaavoq oqarasuaat 32 24 22 atorlugu.


Qinnuteqaat uunga nassiunneqassaaq:
 

KNAPK - Siulittaasumut
Boks 386, 3900 Nuuk      imlt. e-mail: henrik@knapk.gl