Skip to main content
139

Dette jobopslag er udløbet

Katuaq Teknikerissarsiorpoq

Katuaq teknikerissarsiorpoq, Katuami teknikerinut suleqatigiinnut Katuamut, Katuap sullitaanut suleqatigisaanullu suliassanik isumaginnittunut ilaasussamik. Tusarnaartitsinernut, isiginnaartitsinernut, ataatsimeersuarnernut, ataatsimiinnernut il.il. atatillugu nipilerineq ilaatigullu qullilerineq pingaarnertut suliassaapput. Ilutigitillugu aaqqissuussinernut ataatsimeersuarnernullu atatillugu internetsikkut aallakaatitsinerni teknikeritut aamma suliaqartassaaq.

 

Katuami teknikkimut immikkoortortamiissaatit, tassaniillutik teknikkimut pisortaq, teknikerit kiisalu teknikeritut ilinniartut. Tamaani sunut tamanut atuuffeqassaatit, ilaatigut nipilerinermik, qullilerinermik, isiginnaartitsivimmi teknikkimik, ataatsimeersuarnermi teknikkimik, internetsikkut aallakaatitsinermi teknikkimik kiisalu illumi ulluinnarni ingerlatsinermut atatillugu suliassanik suliaqarnissamut periarfissaqassallutit.

 

Pingaartipparput:

  • teknikeritut eventteknikeritulluunniit ilinniarsimanissat allatulluunniit suliassaqarfimmi misilittagaqarluarlutit.
  • tusarnaartitsinernik, ataatsimeersuarnernik isiginnaartitsinernillu il.il. misilittagaqarnissat.
  • filmiliornermik tv-liornermillu misilittagaqarnissat.
  • suliannik pingaartitsinissat immikkuualuttunullu misikkartullutit suliat pitsaasuunerannik takunnissinnaallutit.
  • suleqatiginnissinnaassuseqarnissat suliffiullu pitsaasuunissaanut peqataasinnaassuseqarlutit.
  • namminersuutigalugu sulisinnaanissat suliassannillu aaqqissuisinnaassuseqarlutit.

 

Piginnaasat naapertorlugit aningaasarsianut atorfeqarnermullu atugassarititaasut aalajangersarneqassapput. Atorfinitsitsineq 1. Januar 2023 sukkanerpaamilluunniit.


Soqutiginnittut attavigisinaavaat teknikkimut pisortaq Eigil Petersen oqarasuaammut 55 22 45-mut imaluunniit e-mailimut: eigil@katuaq.gl.

Qinnuteqaat, piginnaasat pillugit paasissutissat kiisalu imminik pilluni saaffigisassat ilanngullugit e-mailimut uunga nassiunneqassapput: thl@katuaq.gl.

Qinnuteqarnissamut killissarititaavoq ulloq 21. december 2022.

 

Katuaq pillugu
Katuaq inuussutissarsiutinik ingerlatsisutut aningaasaateqarfiuvoq, Kalaallit Nunaanni kulturip illorsua aallaavigalugu nunatsinni nunattalu avataani kulturikkut avitseqatigiittarneq suleqatigiinnerlu piorsarneratigut kalaallit kulturiannik nittarsaassinissamik suliaqartoq. Katuaq nammineq filmertarfimmik cafémillu ingerlataqarpoq, soorlu aamma ataatsimiittarfeqarlunilu ataatsimeersuartarfeqaroq nipilersortarfiullunilu. Katuaq kulturip silarsuaani peqatigiiffinnik, suliffeqarfinnik, kattuffinnik inunnillu ataasiakkaanik suleqaterpassuaqarpoq.