Katuaq pisortassarsiorpoq, takorluugaqarluni periusissaminik pilersaarusiullaqqissumik.

Katuaq tassaavoq Kalaallit Nunaanni kulturip illorsua, inuussutissarsiorfittut aningaasaateqarfiuvoq imminullu pigisuulluni. Tusarnaartitsinerit, issiginnaartitsinerit, saqqummersitsinerit il.il. nalinginnaanerusut saniatigut Katuaq filmertarfeqarpoq caféqarlunilu, tamakkua saniatigut aamma Katuaq pitsaanerpaanik ataatsimiitarfeqarlunilu ataatsimeersuartarfeqarpoq.

Peqatigiiffiit, suliffeqarfiit, kattuffiit kulturilerisullu assigiinngitsut amerlaqisut Katuap suleqatigisarpai. Takkuttut kulturimut atatillugu pitsaasumik misigisaqartittarnissaat sullilluarneqarnissaallu, Katuami suleqatigiit pingaartinnerpaavaat.

Pisortanngortussap siulersuisut akisussaasut siunniussaat naapertorlugit sulinermini pisortatut akisussaaffeqassaaq, ukiumut 35 mio. kr. aningaasartuutissatut missingersuutaapput kiisalu 50-it miss. sulisoqarluni. Pingaarnertut suliassat tassaapput:

• 2024-miit atuuttussamik periusissatut pilersaarutip inaarsarneranut peqataanissaq, tamatumalu kingorna periusissatut pilersaarut naapertorlugu suliniutit pilersaarutigineqartut piviusunngortitsinissaq.
• Katuai ulluinnarni siuttuunissaq, pisortaaqatigiit sulisullu sinneri qanimut suleqatigalugit.
• Inuussutissarsiorfittut aningaasaateqarfiup Katuap siulersuisuisa kiffartuunnissaat nalunaarusiorfigisarnissaallu.
• Suliffeqarfimmi aaqqissuussat assigiinngitsut akisussaaffiginissaat (sulisunut tunngasut, paasissutissiisarneq, IT, aaqqissuussat il.il.).
• Ukiumut naatsorsuutit aningaasartuutissallu missingersornissaasa akisussaaffiginissaat.
• Pisortaaqatigiit peqatigalugit aningaasaateqarfinnut qinnuteqartarnissaq kiisalu sponsorissarsiortarnissaq.

Pisortatut piukkunneqartoq tassaassaaq, pisortatut misilittagalik, Katuami  ingerlatsivittut inissisimasumi politikkikkut aalajangersaariaatsinik paasinnilluarsinnaasoq kiisalu kalaallit kulturiannik ilisimaarinnilluartoq.

Tamakkua saniatigut aamma:

• Kalaallisut, qallunaatut tuluttullu allassinnaallunilu oqalussinnaassaaq.
• Pisortaanertut misilittakkat uppernarsaatitallit.
• Inuttut avatangiisinut malunnaatilimmik kulturip illorsuani pisortatut sassarsinnaasoq.
• Siulersuisut peqatigalugit periusissatut pilersaarutit naapertorlugit, siunniussat anguniarlugit suleriaaseqarsinnaassaaq.
• Misissueqqissaarnerit aallaavigalugit ataatsimut isiginnissinnaasoq ingerlaqqeriarnissmullu piginnaaneqarluartoq, taamatut periarfissat aaqqissutissallu naleqquttut qulakkeerneqarsinnaammata.
• Pisortaqarfinni suliffeqarfinnilu namminersortuni aalajangeeriaatsit pillugit politikkikkut periarfissanik ilisimaarinnillunilu paasinnilluarsinnaasoq – utaqqisaqarsinnaalluartoq, anguniakkallu sivisuumik anguniarneqarnissaannik merserinninngitsoq.
• Kattuffimmi sutigut tamatigut ammasumik suleqateqarusussinnaasoq.
• Eqqumiitsuliorneq, kulturi kiiaslu misigisassarsiortitsisarneq pillugu ilisimasaqarluartoq.
• Pitsaasunik attaveqaqatilik, aningaasaateqarfiit saaffigisarnissaannik misilittagaqarluartoq.
• Suliffeqarfiup aaqqissuussaanera naapertorlugu assigiinngiiaartut inissaqartissinnaaneri.
• Suliassanik tulleriiaallaqqissoq aalajangeeriallaqqissorlu.
• Katuami suleqatinut avataaneersunullu ammasuulluni auleqatiginnerusuttoq.
• Isumaqatiginninniarnerni malunnaatilimmik sunniuteqarsinnaasoq, Katuami suleqatinut avataaneersunullu atatillugu.
• Allattarissatigut oqaatsitigullu paasititsinaallaqqissoq.
• Tunniusimalluartoq. Suliassaminut nukissaqarluarluni sulerusussusilik.

Atorfimmi aallartiffisaq: 2023-imi Septembarimi

Qinnuteqaat uppernarsaatillu pisariallit uunga nassiunneqassapputl: siulersuisut@katuaq.gl Kingusinnerpaamik qinnuteqarfissaq: Juunip tallimaat 2023