Nutaarsiassaqartitsivimmi ulapaarfiusumi ineriartorluarfiusumilu suleqataarusuppit? Taava maanna periarfissaqalerputit. KNR Radioaviisi sullerissumik nutserisuutigaluni atuaasussassiorpoq 1. maj 2023 isumaqatigiissuteqarnikkulluunniit sulilertussamik.

Pingaaruteqarpoq inuttut suleqatiginnissinnaanermik piginnaasaqassasutit, suleqatigiinneq annertuumik aallakaatitsivinni sulianilu assigiinngitsuni pingaartikkatsigu. Pingaaruteqarportaaq nikerarsinnaasumik, suliassanik ujartuisinnaanermik, akisussaassuseqartumik inuiaqatigiinnilu pisunik malinnaanermik soqutigisaqarnissat.

Naatsorsuutigaarput:

• Nutserisutut assigusumilluunniit ilinniagaqarnissat
• Toqqaannarluni aallakaatitsinermik
• Marluinnik oqaaseqartuunissat, kalaallisuumit qallunaatuummiillu allattarissanik oqaluinnarnermilu sukkasuumik nutserisinnaanissat
• Qiimasuullutit suleqatiginnilluarsinnaasuunissat

 

Radioaviisi suliffiuvoq ulapaarfiusoq tamatigoortorlu, ullormut suulluunniit suliareriaannaasarpavut. Nutserisutut pingaarnertut suliassatit tassaapput:

• Tusagassiortut ilanngutassiaat allataallu nutsissallugit, annermik qallunaatuumiit kalaallisuumut
• Aaqqissuisoqarfik peqatigalugu aaqqissuussineq toqqaannarluni aallakaatitsineq

 

Akissarsiat atorfeqarnermilu atugassaritaasut Naalakkersuisut Atorfillillu Kattuffianni /AK isumaqatigiissutaasut Namminersorluni oqartussani Kalaallit Nunaannilu kommuneqarfinni sulisunut atuuttut naapertorlugit suliarineqassapput. 

Atorfimmut atasumik sulisunut inissiamik pequteqanngitsumik innersuussisoqarsinnaavoq tamatumunnga malittarisassat qaqugumulluunniit atuuttut malillugit. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni.

Atorfininnermi suliunnaarnermilu angalanerni pisattallu assartorneqarnerini akiliunneqarluni nuussinnaatitaanernut tunngasut isumaqatigiissutit malillugit pissapput.

Paasisaqarnerorusukkuit Nutaasiassaqartitsivimmi pisortaq Alice Sørensen, +299 361567 imaluunniit mail als@nr.gl imaluunniit akisussalluni aaqqissuisoq Jens Thorin, +299 361501 imaluunniit jth@knr.gl saaffigisinnaavatit.

Qinnuteqaammi CV, ilinniarsimanermut suliffigisimasanullu uppernarsaatit ilanngunneqassapput.