Skip to main content
109

Allagarsiuteqqitaq- KNR-ip nutaarsiassaqartitsivianut tusagassiortoq

Nutaarsiassaqartitsivimmi ulapaarfioqisumi ineriartoqisumilu sulerusukkuit, taava maanna periarfissaqalerputit. KNR-ip nutaarsiassaqartitsivia tusagassiortumik pikkorissumik sulisussarsiorpoq decembaarip aallaqqaataaniit imaluunniit isumaqatigiissuteqarnikkut atorfinittussamik.

 

KNR-ip nutaarsiassaqartitsiviani TV, radio nittartagarlu ullormut nutaarsiassat qanimut suleqatigiissutigisarpaat. Siunissami tusagassiortut nutaarsiassalerivinnut arlalinnut tunniussisinnaassapput. Aamma tamatumunnga illit piareersimassaatit.

Aallaavittulli Radioaviisip qallunaatoortaanut nutaarsiassalerineq, toqqaannartulerineq tusagassiunerlu suliarineqassapput taassuminngalu aallakaatitsillutik suleqatigiit suleqatigineqassallutik. Taamaattumik eqqortumik qallunaatoorsinnaaneq pisariaqarpoq, marluinnilli oqaaseqarneq iluaqutaassaaq.   


Kalaallit Nunaanni nutaarsiassaqartitsivinni KNR suiarsimanerpaatut inissisimavoq. Ullaakkut arfineq marluniit unnukkut arferngup tungaanut radioaviisinik  aallakaatitsisarpugut, TV-kkullu ullormut nutaarsiassiisarluta ineriartoqisumillu nittartagaqarluta.

 

Innuttaasut 80 procentiisa tungaannut ullut tamaasa naalaarlutalu isiginnaartarpaatigut.

 

Nutaarsiassanik pitsaanerpaanik, pingaarnerpaanik eqqornerpaanillu innuttaasunut tunniusserusuppugut toqqaannartumillu tunniussineq nuannaraarput. Peqataarusukkuit ilinnnit naatsorsuutigaagut uku:

 

  • Tusagassiortutut ilinniarsimasuunissat imaluunniit assingusumik ilinniagaqartuunissat.
  • Pilertortumik eqqorluartumillu sulisarnissat.
  • Suleqatigiilluarsinnaassuseqarnissat, isumagissaartuunissat aammalu isorinnissinnaassuseqarnissat.

Akissarsiat:

Aningaasarsiassat atorfininnermilu atugassarititaasut Naalakkersuisut Tusagassiortut Peqatigiiffiatalu/ Dansk Journalistforbund-ilu akornanni isumaqatigiissutaasut atuupput. Aningaasarsiat atorfinitsinneqarnermullu atugassarititaasut, taakkunani atorfinitsinneqarnermi aammalu soraarnermi angalanermut pisattanillu nutsernermi atugassarititaasut Namminersorlutik Oqartussat aammalu aaqqissuussinermi inissisimanermi isumaqatiginninniartartut akornanni malittarisassat atuuttut malillugit pissapput.

Najugaqartitaaneq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu.

 

Atorfimmut atatillugu paasissutissat sukumiinerusut nutaarsiassaqartitsiviup aaqqissuisuanut Jens Thorin-imut, jth@knr.gl, imaluunniit aaqissuisoq Thomas Munk Veirum, thmv@knr.gl -imut saaffiginninnikkut pissarsiarineqarsinnaapput.

 

Qinnuteqaat nalunaaqutserneqassaaq “KNR-Nutaarsiassani tusagassiortoq” ilanngunneqassappullu ilinniagaqarnermik naammassinnissimanermut uppernarsaatit aamma siornatigut sulisitsisorisimasanit oqaaseqaatit.

 

Qinnuteqaat kingusinnerpaamik tigusimassavarput aggustip 29-ani, nassiunneqassallunilu uunga: KNR - Kalaallit Nunaata Radioa atorfik@knr.gl.