Skip to main content
158

Dette jobopslag er udløbet

Nuummi Sullissivimmi Sulisoqarnermut Attaveqatigiinnermullu immikkoortortami pisortassarsiorpugut

Inunnik suleqateqarneq, ineriartornermik attaveqatigiinnermillu suliaqarneq nuannarilluinnarpiuk? Sulisunullu pikkorissunut aamma sulisoqarnermi attaveqatigiinnermilu nutaanik soqutiginartunillu suliniuteqarnermi siuttuunissamut piumassuseqarpit? Taava illit immaqa suleqatissaraatsigit.

 

Kalaallit Nunaanni Brugseni suliffeqarfiuvoq ineriartorfiulluartoq. Ukiuni malittuinnarni pingasuni, 2019-imiit 2021-mut, ”Great Place to Work”-itut uppernarsaaserneqarpugut tamannalu sulisut suliatsigut piginnaasaannik pingaartitsiffiusunik ineriartornissamullu periarfissaqarfiusunik suliffimmi avatangiiserneqarnissaannik qulakkeerutaavoq.

 

Tamatuma saniatigut Kalaallit Nunaanni Brugseni Kalaallit Nunaanni nerisassanik nioqquteqarnermi siuttuuvoq illoqarfinnilu arfineq-pingasuni pisiniarfinni 17-ini 550-it missaanniittunik sulisoqarluni.

 

 

Suliffik akisussaaffigisassallu
Sulisoqarnermut Attaveqatigiinnermullu immikkoortortatsinni nutaajusumi pikkorissumik pisortassarsiorpugut immikkoortortami ingerlatassani siulersuisinnaasumik Sulisoqarnermullu periusissiatsinnik ineriartortitsisinnaasumik Sulisoqarnermi, Attaveqatigiinnermi Pilerisaarinermilu qullersaq Pilerisaarinermullu immikkoortortami pisortaq qanimut suleqatigalugit. Sulisoqarnermut immikkoortortaq Attaveqatigiinnermullu immikkoortortaq kattutitikkusuppavut ataatsimik akisussaasumik pisortaqalersillugit, sulisuvut ilaasortavullu qitiutillugit periusissatut suliniutinik naammassinnilluarnerullutalu atuutilersitsilluarneruniassagatta.

 

Pisortatut misilittagaqassaatit assingusumik akisussaaffeqarfigisamik, piumasaqaataanngilarli. Aamma immikkoortortami siuttuusinnaassaatit suliffeqarfiullu sulisoqarnermik attaveqatigiinnermillu suliarinneriaasianik pitsaanerulersitsisinnaassallutit. Suleqatigiinnut pingasunut ingerlatassani assigiinngitsuni siuttuussaatit.

 

Nuummi allaffimmi sullissivimmi, pisiniarfiutinik tamanik qitiusumik aqutsiviullunilu pisortaqarfiusumi, atorfinissaatit. Sullissivik peqatigiiffiup immikkoortuisa tamarmik pisariaqartitaannik sullissisarpoq saniatigullu aamma pisiniarfinnik siunersuisarluni pisiniarfinni suliaqarfiit tamarmik ulluinnarni ingerlalluartarniassammata. Taamaattumik pisiniarfinnut tikeraarnernut, ilinniakkanik nittarsaanernut, pikkorissartitsinernut il.il. tunngatillugu angalasarnissat naatsorsuutigissavat.

 

Sulisoqarnermut Attaveqatigiinnermullu immikkoortortat saniatigut Sullissivimmiipput Aningaasaqarnermut, Nioqqutinut Nassiussuinermullu, Tuniniaanermut Pilerisaarinermullu immikkoortortat. Immikkoortortani assigiinngitsuni sulisuusugut katilluta 21-uvugut.

 

 

Suliassat pingaarnerit

  • Immikkoortortami ingerlatsivinni pisortaaneq, ilaatigut ingerlaavartumik atorfinitsitsisarnermi suleriaasiliorneq, inerisaaneq aalajangersaanerlu, attavissanullu assigiinngitsunut pisariaqartumik attaveqaasiorneq
  • Suliffeqarfiup iluani ilinniakkanik pikkorissarnernillu naammassinninneq malittarinnittarnerlu
  • Ilinniakkanik suliffeqarfinnillu nittarsaassinerni peqataaneq taakkuninngalu pilersaarusiorneq
  • Naammagisimaarinninnermik suliffeqarfinnillu ingerlaavartumik misissuisitsisarneq
  • Suliffeqarfiup iluani avataanilu saqquminerulersitsineq sulisoqarnerlu pillugu attaveqatigiinneq
  • Aqutsisoqatinik allanik siunersiuineq Sulisoqarnermi Attaveqatigiinnermilu periusissaq pillugu

 

Naatsorsuutigaarput illit…

  • Pisortaanermi misilittagaqartutit naleqquttumillu ilinniagaqartutit
  • Sulisoqarnermik attaveqatigiinnermilu misilittagaqarninnik uppernarsaasinnaaneq
  • Sulisoqarnermut Attaveqatigiinnermullu immikkoortortat pingaartilluarneqarnissaannut sunniisinnaassuseqarneq
  • Isumassarsiullaqqipputit arlalinnillu suliaqallaqqillutit
  • Alapernaatsuuvutit apeqqusiillaqqillutillu
  • Sullissiumatuvutit

 

Ilinnut neqeroorutigaavut

  • Suliffeqarfimmi angisuumi sulisorpassualimmi ineriartortitsilluarnissamut periarfissaqarneq
  • Suliffik namminersungaatsiarluni suliffiusinnaasoq ikioqatigiilluartartunik suleqateqarluni
  • Sullissivimmi avatangiisit ineriartornartut
  • Suliaqarfinni assigiinngitsuniittunik piginnaasaqarluartunik pikkorissunillu suleqateqarneq
  • Piginnaasat naapertorlugit akissarsiaqarneq aamma tikinnermi aallarnermilu pigisat nuunnerannik akiliunneqarnissamut pisariaqartitarlu naapertorlugu inissaqartinneqarnissamut periarfissaqarneq

 

Nuuk pillugu
Nuuk Kalaallit Nunaanni illoqarfiit pingaarnersaraat 19.000-ingajannillu inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq sisorarnissamut, piniarnissamut, aalisarnissamut angalaarnissamullu periarfissaqarluarluni..

 

Paasissutissat amerlanerusut
Qinnuteqarnissamut killigititaq: 21. maj 2021

Ingerlaavartumik oqaloqateqartoqartassaaq.

 

Qinnuteqaatit nassiunneqassapput nittartakkatsigut: www.brugseni.gl/job (e-mailikkuunngitsoq).

 

Atorfik pillugu apeqqutissaqaruit attavigiuk
Sulisoqarnermi, Attaveqatigiinnermi Pilerisaarinermilu qullersaq
Benny Reffeldt Otte
T +299 36 35 07
M benny.otte@knbmarketing.gl

 

Nittartagaq: www.brugseni.gl
Facebook, LinkedIn: Kalaallit Nunaanni Brugseni