Skip to main content
152

Dette jobopslag er udløbet

Nuummi Brugsenip qullersaqarfia akissarsialerisussarsiorpoq

Akissarsiat aningaasaqarnerlu piginnaasaqarfigivigit pitsaanerpaamillu sullissinissat pingaartippiuk? Aningaasaqarnermik/ilaasortanik sullissinermik immikkoortortaqarfipput akissarsialerisussarsiorpoq.

 

Akissarsialerisutut suliassavit ilagissavaat sulisunik nutaanik pilersitsineq, akissarsiat allagartaat, akissarsianik suliarinninneq, akissarsisitsineq akissarsianillu naatsorsuutinut allattuineq. Tamatuma saniatigut suliassannut ilaapput fakturalerineq akiliineq kiisalu ilaasortanik debitorinillu sullissineq. Nuummi qullersaqarfitsinni suleqaterpassuit pitsaasut allaffeqatigissavatit.

 

Qullersaqarfimmi pisiniarfiutivut sinnerlugit allaffissornikkut suliassat amerlanerpaartaat suliarineqartarput. Ulluinnarissavat ilaasortatsinnik, pisiniartartutsinnik pisiniarfiutitsinnillu sullissineq. Taamaattumik illit sullissiumatunissat suliassanillu ajornanngitsumik naammassinninnissamut pisariaqartup saniatigut iliuuseqarnissamut piumassuseqarnissat pingaaruteqarpoq.

 

Kalaallit Nunaanni Brugseni suliffeqarfiuvoq 100 %-imik kalaallinit pigineqartoq sulisuttalu piginnaasaannik ineriartortitsinissamik pingaartitsiffiusoq. Sulisutut sungiussisimalluartunik illillu piginnaasannik pingaartitsiffiusunik ineriartornissamullu periarfissaqarfiusunik avatangiiserneqarnissat qulakkeeqqavoq. Kalaallit Nunaanni niuertarfeqarfiit annersaat ilaraatigut Kalaallit Nunaannilu illoqarfiit arfineq marlunni suliffeqarfiuteqarpugut. 2019-imi pisiniarfiutivut amerlissapput Ilulissani pisiniarfimmik nutaamik ammaassagatta.

 

Soqutiginartikkukkit tusarfiginissat qilanaaraarput.

 

Suliassat

  • Akissarsialerineq
  • Fakturalerineq
  • Ilaasortanik debitorinillu sullissineq
  • Naligiissaarineq

 

Illit piginnaasatit

  • Allaffimmiutut ilinniarsimaneq imlt. atorfimmi assingusumi sivikinnerpaamik ukiuni pingasuni misilittagaqarneq
  • Akissarsialerinermik misilittagaqarneq
  • Sullissiumatuneq
  • Office-imik, ingammik Excel-imik, atuisutut misilittagaqarneq
  • Marluinnik oqaaseqartuuneq (kalaallisut qallunaatullu)

 

Ilinnut neqeroorutigisinnaavavut

  • Suliffik namminersorluarfiusinnaavoq suleqatigiittullu ikioqatigiiffiusoq
  • Suliatsigut inuttullu ineriartornissat
  • Suliffimmi avatangiisigissaarneq pitsaasunik suleqateqarluni
  • Sulisutut akikilliliivigineqartarneq
  • PIginnaasat naapertorlugit akissarsiaqarneq

 

Qinnuteqarnissamut killigititaq

Ingerlaavarpoq. Sukkanerpaamik atorfinitsitsisoqassaaq (isumaqatigiissutigisarluunniit naapertorlugu).

Ingerlaavartumik oqaloqateqartoqartassaaq.

 

Qinnuteqaatit nassiunneqassapput nittartagarput una aqqutigalugu www.brugseni.gl/job (e-mailikkuunngitsoq).

 

Paasissutissat allat

Atorfimmut atatillugu inissiamik innersuussisoqanngilaq.

 

Atorfik pillugu apeqqutissaqaruit attavigiuk

Tullersorti, aningaasaqarnermik immikkoortortaq Jacob Brøste, tlf. +299 36 35 14, mail jacob.broeste@knb.gl

Nittartagaq: www.brugseni.gl

Facebook: Kalaallit Nunaanni Brugseni