Skip to main content
84

Dette jobopslag er udløbet

Kalaallit Nunaanni Brugseni akissarsialerisussamik pissarsiorpoq

Aningaasaqarneq soqutigaajuk, aammalu ullut tamaasa kiffartuussinermik annertuumik suliaqarsinnaavit? Taamaappat pissarsiarerusutarput illiusinnaavoq.

Aningaasaqarnermut immikkoortortaqarfitsinni sulisussamik, pingaartumik ullut 14-ikkaarlugit akissarsiallit akissarsiassaannik naatsorsuuserisussamik, pingaannginnertullu akiligassaqarfinnik/akiitsulinnik aqutsisussamik, ilaasortanik kiffartuussisussamik suliassaalersunillu allanik pissanganartunik suliaqartussamik suleqatissarsiorpugut.

Ulluinnarni Nuummi kiffartuussinermut allaffitsinniit ilaasortanut, sulisunut aamma Brugsenimi suleqatitsinnut attaveqassaatit. Aningaasaqarnermut immikkoortortaqarfiup kujataani Nanortalimmiit avannaani Ilulissanut pisiniarfitsinni 17-iusuni allaffissornermi suliassat amerlanerpaat isumagisarai.

Pisiniarfiuvugut 100%-imik kalaallinit pigineqartoq, Kalaallit Nunaanni illoqarfinni arfineq pingasuni pisiniarfinni ingerlataqartoq. Ulluinnarni Coop Danmark nukittuumik suleqatigaarput, taammalu taakku tunuliaqutaannit IT-mullu atortuinit arlallit atugaralutigit.

Suliassat

  • Sulisut ullut 14-ikkaarlugit akissarsisartut akissarsiassaat
  • Akiligassaqarfinnik/akiitsulinnik aqutsineq
  • Ilaasortanik kiffartuussineq
  • Ingerlaavartumik nalimmassaanerit
  • Suliassaalersut assigiinngitsut

Suliatigut piginnaasaqarfiit

  • Allaffimmiutut ilinniarsimasoq imaluunniit atorfimmit assingusumit misilittagaqarluarneq
  • Office-pakken-imik ajornanngippallu Axapta lønsystem-imik kiisalu SAP-imik atuinissamik misilittagaqarneq
  • Marluinnik oqaaseqarneq

Inuttut piginnaasaqarfiit

  • Isumagissaartuuneq kissartuussinissamillu ilisimaarinninneq
  • Unneqqarissuuneq tusarnaarsinnaassuseqarnerlu
  • Isumaqatigiissutinik killiliussanillu eqquutsitsisarneq
  • Ilumoorussineq naapertuisuunerlu

Neqeroorutigaavut

  • Atorfik pissanganartoq unammilligassarpassualik
  • Suleqatit nuannersut
  • Sap. ak./nal. ak 40-t, isumaqatigiissuteqarneq malillugu piffissamik nikerartitsiviusinnaasoq
  • Piginnaasaqarfiit malillugit akissarsiaqartitsineq

Nuuk pillugu:

Nuuk Kalaallit Nunaanni illoqarfiit pingaarnersaraat, 19.000-it missaannik innuttaqartoq. Ilaqutariit sammisaqarnissaannut periarfissarpassuaqarpoq, kiisalu meeqqanut atuartunut atuarfiit pitsaasuullutik. Illoqarfik eqeersimaarluarpoq, pisiniarnissamut, kaffisoriarnissamut, filmeriarnissamut naluttarfiliarnissamullu periarfissaqarluarluni. Nuuk pinngortitamik alianaatsumik ungalusimaneqarpoq, qaqqani pisuttuarnissamut, ukiukkut sisorarnissamut, aasakkut Nuup eqqaani kangerloqarfimmi angisuumi alianaatsumilu aallaaniarnissamut, kiisalu aalisarnissamut imaatigullu angalanissamut periarfissaqarluarluni. Ukiuunerani aamma sisoraatinik ujakkaarnissamut sangusaarnissamullu periarfissaqarpoq.

Qinnuteqarnissamut killigititaasoq: 30. april 2021

Oqaloqatiginninnerit ingerlaavartumik ingerlanneqassapput.
1.6.2021-mi isumaqatigiissuteqarnikkulluunniit atorfinitsitsisoqassaaq.
 

Qinnuteqaatit nittartagarput www.brugseni.gl/job aqqutigalugu nassiunneqassapput (e-mail-ikkuunngitsoq)

Atorfik pillugu apeqqutissaqarnermi
Aningaasaqarnermut immikkoortortaqarfimmi pisortap tullia Jacob Brøste, tlf.: +299 36 35 14

Imaluunniit Tuniniaanermut Aningaasaqarnermullu pisortaq Jes Nyborg, tfl.: +299 48 34 22

Facebook & LinkedIn: Kalaallit Nunaanni Brugseni