Skip to main content
169

Dette jobopslag er udløbet

Brugsenip allaffeqarfiani Nuummiittumi allaffimmiussarsiorput

Aningaasanik suliaqarneq pikkoriffigaajuk inunnillu pitsaanerpaamik sullissinissannut piumassuseqarpit? Aningaasaqarnermut immikkoortortatsinnut/ilaasortanik sullissivitsinnut allaffimmiussarsiorpugut.

 

Allaffimmiutut ilaatigut suliassarissavatit fakturalerineq taakkuninngalu akiliineq aamma ilaasortanik debitorinillu sullissineq. Nuummi allaffeqarfitsinni suliffeqassaatit pitsaasunik suleqaterpaaloqassallutit.

 

Allaffeqarfimmi pisiniarfiutivut sinnerlugit allaffissornikkut suliassat isumagisassarissavatit. Ulluinnavit ilarujussuarissavaa ilaasortanik, sullitatsinnik pisiniarfitsinnillu sullissineq. Taamaattumik sullissiumatunissat periaaserillutillu sukkasuumillu suliassanik naammassinninniarlutit iliuuseqangaatsiarnissamut piumassuseqarnissat pingaaruteqarpoq.

 

Kalaallit Nunaanni Brugseni suliffeqarfiuvoq 100 %-imik kalaallinit pigineqartoq sulisuttalu piginnaasaannik ineriartortitsinissamik pingaartitsiffiusoq. Sulisutut sungiussisimalluartunik illillu piginnaasannik pingaartitsiffiusunik ineriartornissamullu periarfissaqarfiusunik avatangiiserneqarnissat qulakkeeqqavoq. Kalaallit Nunaanni niuertarfeqarfiit annersaraatigut Kalaallit Nunaannilu illoqarfiit arfineq marlunni suliffeqarfiuteqarpugut. 2019-imi pisiniarfiutivut amerlissapput Ilulissani pisiniarfimmik nutaamik ammaassagatta.

 

Soqutiginartikkukkit qinnuteqaativit tigunissaa qilanaaraarput.

 

Suliassat

  • Fakturalerineq
  • Fakturanik akiliineq allattuinerlu
  • Debitorinik sullissineq
  • Naligiissaarineq
  • Ilaasortanik sullissineq
  • Akissarsialerineq

 

Illit piginnaasatit

  • Allaffimmiutut ilinniarsimaneq imlt. atorfimmi assingusumi sivikinnerpaamik ukiuni pingasuni misilittagaqarneq
  • Sullissiumatuneq
  • Office-imik, ingammik Excel-imik atuinermik misilittagaqarneq
  • Marlunnik oqaaseqartuuneq (kalaallisut aamma danskisut)
  • Akissarsialerinermik misilittagaqarneq iluaqutaassaaq

 

Ilinnut neqeroorutigisinnaavavut

  • Suleqatigiinni ikioqatigiiffiusuni namminersorluni sulisinnaaneq
  • Suliatigut inuttullu ineriartussaatit
  • Suleqatigiinneq pitsaasoq suleqatillu pikkorissut
  • Sulisutut akikilliliivigineqartarneq
  • Piginnaasat naapertorlugit akissarsiaqarneq

 

Qinnuteqarnissamut killigititaq

Kingusinnerpaamik februarip 28-at 2019

Sioqqulluguluunniit, ingerlaavartumik oqaloqateqartoqartassaaq.

 

Qinnuteqaat HR-imut nassiunneqassaaq uunga

ungaaq.abelsen@knb.gl

 

Paasissutissat suli allat

Sulilerfissaq: Sukkanerpaamik imaluunniit isumaqatigiissutigisaq naapertorlugu.

Atorfimmut atasumik inissiaqanngilaq.

 

Atorfik pillugu apeqqutissaqaruit attavigiuk

Aningaasaqarfimmi tullersorti Jacob Brøste, tlf. +299 36 35 14, mail jacob.broeste@knb.gl

Nittartagaq: www.brugseni.gl

Facebook: Kalaallit Nunaanni Brugseni