Skip to main content
114

Dette jobopslag er udløbet

Brugseni Sisimiut ilinniarsimasumik neqaarniartussarsiorpoq

Brugsenimi Sisimiumiittumi noqqaassutigaarput illoqarfimmi pisiniarfigiumaneqarnerunissarput. Taamaattumik piginnaasaqarluartumik piumassuseqarluartumillu neqaarniarfitsinni neqaarniartussarsiorpugut. Sulisoqarusuppugut siuttooqataarusuttumik pisiniat immikkoortortaq orniginartittuaannarniassammassuk.

 

Suliassarissavat pisiassaatitsinnik qerisuunngitsunik aaqqissuineq agguinerlu aammattaaq pisinianik sullissillunilu siunnersuineq. Taamaattumik pingaaruteqarpoq pisinianik sullissilluarsinnaanissat.

 

Brugseni Sisimiut niuertarfissuuvoq nutaaliaasoq katillugit 60-inik sulisulik. Illoqarfimmi marlunnik immikkoortortaqarfeqarportaaq. Neqaarniarfik angivoq nutaaliaasunik maskiinaqarluni mamartuliorfillu aamma akisussaaffigalugu. Neqaarniat naalagaata saniatigut neqaarniaq sulisuuvoq aamma ikiorti taavalu mamartuliorfimmi sulisut sisamat.

 

Kalaallit Nunaanni Brugseni sinnerissami illoqarfinni arfineq pingasuni 500-t missaaniittunik sulisoqarpoq. Pingaartitat pitsaalluinnartut ilaasortatsinnit tusindilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu – malunnartumik iluaqutaarusunnerput kajumississutigalugu sulivugut. Tamanna ilutigalugu pisinianut attaveqarluartuarusuppugut. Pisiniartartuvut malunnartunik iluaqutissarsisarput uagutsinnullu niueriartortarlutik ilaatigut pitsaasunik neqerooruteqartaratta, aammali suliffeqarfimmut inuiaqatigiinnullu sunniuteqaqataasinnaagamik, namminneq illoqarfimminni nunalu tamakkerlugu.

 

Soqutiginartikkukku tusarfiginissat qilanaaraarput.

 

Suliassatit pingaarnerit:

  • Neqinik assigiinngitsunik agguineq
  • Poortuineq pisiassanillu ilioqqaaneq
  • Delikatessemi nerisassianik ineriikkanik piareersaaneq
  • Eqqiluisaassusermik nakkutilliineq eqqiluisaarnerlu
  • Pisiassanik inniminniillunilu tigusineq
  • Pisinianik sullissineq

 

Illit piginnaasatit:

  • Neqaarniatut ilinniarsimaneq
  • Akisussaassuseqarneq namminersorlunilu sulisinnaaneq
  • Sullissiumatuneq ammasuunerlu
  • Eqqiluisaarnermik pitsaassutsimillu ilisimaarinninneq
  • Allanik suleqateqarluarsinnaaneq qiimasuunerlu

 

Ilinnut neqeroorutigaavut:

  • Suliffeqarfik soqutiginartoq ineriartorfiusoq nerisassanillu Nunatsinneersunik pingaartitsiffiusoq
  • Suleqatit piumassuseqarluartut
  • Sulisutut akikilliliivigineqartarneq
  • Piginnaasat naapertorlugit akissarsiaqarneq atorfimmut atasumik inissiaqarnissamut aamma ukiumoortumik feriefrirejseqarnissamut periarfissaq
  • Isumaqatigiissusiornikkut pigisat nuunnerinik akiliutsinnissamut periarfissartalik aammalu atorfininnermut atatillugu suliffimmillu tunuarnermut atatillugu angalanernik akiliutsinneq

 

Qinnuteqarnissamut killigititaq

31. juli 2019, sioqqulluguluunniit.

Ingerlaavartumik oqaloqateqartassaagut.

Sulilerfissaq: 1. september 2019 isumaqatigiissutigisarluunniit naapertorlugu.

 

Qinnuteqaatit nassiunneqassapput nittartagarput aqqutigalugu www.brugseni.gl/job (e-mailikkuunngitsoq).

 

Sisimiut pillugu

Kalaallit Nunaanni illoqarfiit annersaasa aappaattut Sisimiut inissisimavoq, innuttaasoqarluni missingerlugu 5.500-inik, qaasuitsup killeqarfiata avannaata tungerpiaani illoqarfik inissisimavoq. Illoqarfik qanorluunniit ukiulinnut neqeroorutissaqarluarpoq. Illoqarfimmi sammisassaqarluarpoq pisiniarnissamut, caféliarnissamut filmeriarnissamullu periarfissaqarluarluni. Kalaallit Nunaata sineriaani allanisulli Sisimiut pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamut, qimussernissamut, snescooterernissamut il.il. periarfissaqarluarluni.

 

Atorfik pillugu apeqqutissaqaruit attavigikkit

Slagtermesteri Poul Thomsen, oqa. 86 17 05, mail 07680sla@brugseni.gl

Imlt. niuertarfimmi aqutsisoq Arnannguaq Lyberth, oqa. 86 17 01, mail arnannguaq.lyberth@brugseni.gl

Nittartagaq: www.brugseni.gl

Facebook: Kalaallit Nunaanni Brugseni

 

Qinnuteqarit

https://brugseni.gl/gl/job/?hr=show-job%2F45324%26locale%3Dkl_GL