Skip to main content
104

Dette jobopslag er udløbet

Brugseni Qaqortoq ilinniarsimasumik neqaarniartussarsiorpoq

Brugsenimi Qaqortumiittumi noqqaassutigaarput illoqarfimmi pisiniarfigiumaneqarnerunissarput. Taamaattumik piginnaasaqarluartumik piumassuseqarluartumillu neqaarniarfitsinni neqaarniartussarsiorpugut. Sulisoqarusuppugut siuttooqataarusuttumik pisiniat immikkoortortaq orniginartittuaannarniassammassuk.

 

Suliassarissavat pisiassaatitsinnik qerisuunngitsunik aaqqissuineq agguinerlu aammattaaq pisinianik sullissillunilu siunnersuineq. Taamaattumik pingaaruteqarpoq pisinianik sullissilluarsinnaanissat. Tamatuma saniatigut slagtermestererput feeriarnernut tunngatillugu taartaaffigisassavat.

 

Pisiniarfissuarmi 45-t missaanniittunik sulisoqarpoq. Neqaarniarfimmiipput slagtermesteri ataaseq, neqaarnianngorniaq ataaseq, iggavimmiut marluk sulisorlu ataaseq, tamarmik katillutik arfinillit.

Pisiniarfik immikkoortortaqarpoq qulit missaanniittunik sulisulimmik immikkoortortap illit suliffigisassavit pisiassanik aatsisarfissaa.

 

Kalaallit Nunaanni Brugseni sinnerissami illoqarfinni arfineq pingasuni 500-t missaaniittunik sulisoqarpoq. Pingaartitat pitsaalluinnartut ilaasortatsinnit tusindilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu – malunnartumik iluaqutaarusunnerput kajumississutigalugu sulivugut. Tamanna ilutigalugu pisinianut attaveqarluartuarusuppugut. Pisiniartartuvut malunnartunik iluaqutissarsisarput uagutsinnullu niueriartortarlutik ilaatigut pitsaasunik neqerooruteqartaratta, aammali suliffeqarfimmut inuiaqatigiinnullu sunniuteqaqataasinnaagamik, namminneq illoqarfimminni nunalu tamakkerlugu.

 

Soqutiginartikkukku tusarfiginissat qilanaaraarput.

 

Suliassatit pingaarnerit:

  • Neqinik assigiinngitsunik agguineq
  • Poortuineq pisiassanillu ilioqqaaneq
  • Delikatessemi nerisassianik ineriikkanik piareersaaneq
  • Eqqiluisaassusermik nakkutilliineq eqqiluisaarnerlu
  • Pisiassanik inniminniillunilu tigusineq
  • Pisinianik sullissineq

 

Illit piginnaasatit:

  • Neqaarniatut ilinniarsimaneq
  • Akisussaassuseqarneq namminersorlunilu sulisinnaaneq
  • Sullissiumatuneq ammasuunerlu
  • Eqqiluisaarnermik pitsaassutsimillu ilisimaarinninneq
  • Allanik suleqateqarluarsinnaaneq qiimasuunerlu

 

Ilinnut neqeroorutigaavut:

  • Suliffeqarfik soqutiginartoq ineriartorfiusoq nerisassanillu Nunatsinneersunik pingaartitsiffiusoq
  • Suleqatit piumassuseqarluartut
  • Sulisutut akikilliliivigineqartarneq
  • Piginnaasat naapertorlugit akissarsiaqarneq atorfimmut atasumik inissiaqarnissamut pigisallu nuunnerinik akiliutsinnissamut periarfissartalik. Isumaqatigiissusiornikkut atorfininnermut atatillugu suliffimmillu tunuarnermut atatillugu angalanernik akiliutsinneq

 

Qinnuteqarnissamut killigititaq

Apriilip 22-at 2019, sioqqulluguluunniit.

Ingerlaavartumik oqaloqateqartassaagut.

Qinnuteqaatit nassiunneqassapput nittartagarput aqqutigalugu www.brugseni.gl/job (e-mailikkuunngitsoq).

 

Paasissutissat allat

Sulilerfissaq: Sukkanerpaamik isumaqatigiissutigisarluunniit naapertorlugu.

 

Atorfik pillugu apeqqutissaqaruit attavigikkit

Slagtermesteri Pavia Andreassen, tlf. 64 55 18, mail 07640s@brugseni.gl

Imlt. niuertarfimmi aqutsisoq Søren Galgsgaard, tlf. 64 55 10, mail soeren.galsgaard@brugseni.gl                

Nittartagaq: www.brugseni.gl

Facebook: Kalaallit Nunaanni Brugseni