Skip to main content
132

Dette jobopslag er udløbet

Brugseni Nuummi iggavimmi nioqqutissiornermi aqutsisussarsiorpoq

Brugsenimi nioqqutissiornermi aqutsisutut sulinerni aqutsinermik akisussaaffik annertuumik imaqassaaq, nerisassat tungaasigut sulisullu tungaasigut. 

Nioqqutissiornermi piumasaqaatinik annertuunik malinnissinnaasumik pissarsiorpugut, saniatigullu iggavimmi sulisunut pitsaasumik suliffimmik atugassaqartitsisinnaasumik.

 

Ullutit assigiinngiiaassapput akisussaaffiillu marloqiusaapput, tassami nerisassat nillungasut kissartullu suliarineqartarmata, saniatigullu suliffeqarfiit aaliangersimasut sullitarivagut nerisassanik pilersorlugit.

Atorfik nioqqutissiornermi aqutsisuussagaanni pitsaasumik pilersaarusiorsinnaassuseqartariaqarpoq, tassami iggavimmit nerisassat Nuummi suliffeqarfinnut assigiinngitsorpassuarnut nerisassanik pajuttortarmat, saniatigullu pisiniarfiutitsinnut agguaassisarluni.

 

Nioqqutissiornermi aqutsisutut iggavimmi aqutsisoq qanimut suleqatigisussaavat, illillu iggavimmiunut pikkorissunut qulinut aqutsisutut inissisimalissallutit.

 

Nuummi Brugsenip aningaasat 300 mio. sinnerlugit ukiumut kaaviiaartittarpai, nerisassanik nerisassaanngitsunillu qinigassarpassuaqarpoq. Pisiniarfik 160-inik sulisoqarpoq, taakkunani ataaseq iggavimmi aqutsisuuvoq, igasoq ataaseq, tallimat catere / nerisassiornermut assistentit. Delikatessemi sulisut 30-it missaanniipput, tassanilu iggaveqarpoq, diskeq tuniniaavik, café, taassuma saniatigut immikkoortut marluk pisiniarfiup avataaniillutik.

Immikkoortoqarfik ammasuuvoq, pisiniarfimmullu ilaalluni, taamaammat ulluinnarni sullissineq ilaasupilussuuvoq.

 

Soqutiginnikkuit, tusarfiginissat qilanaarivarput.

 

Suliassat

  • Sulisunik aqutsineq
  • Suliassanik pilersaarusiorneq aamma suliassanik agguataarineq
  • Atuarfinni nerisassat suliarineranni agguataarineq
  • Sullitanik attaveqarnerit
  • Nioqqutissiornermi akisussaaneq, nioqqutissat kissartut nillungasullu nioqqutissiarineranni akisussaaneq

 

Illit

  • Iggavimmi ilinniagalik imaluunniit ukiuni arlalinni misilittagaqarnermut takussutissalik
  • Minnerpaamik ukiut marluk aqutsisutut misilittagaqarneq
  • Ulapaarfimmi suliassat ataatsikkoornerini iluarinnittarneq
  • Suleqateqarsinnaanermik sullissilluarsinnaanermillu siunnerfilik
  • Timikkut peqqissoq, atorfimmi timimut ilungersunartuuvoq
  • Piorsarsimassutsikkut assigiinngissutsinut paasinnittuuneq.

 

Neqeroorutigisinnaavagut

  • Atorfik pissanganartoq, periarfissaqassaatit piginnaasavit takutinnissaanut
  • Immikkoortortaqarfiup qinigassaataanik ineriartortitsinissamik sunneeqqataasinnaassaatit
  • Aqutsinermik piginnaasat ineriartorteqqinnissai
  • Suleqatit pikkorissut aamma suliffik pitsaasoq
  • Atorfininnissamut atugassarititaasut pitsaasut, atorfik aqqutigalugu najugaqartitaaneq, pisataqareersoq imaluunniit nutsernermi akiliutsinneq.
  • Atorfininnermi angalaneq aammalu isumaqatigiissutip naammassereernerani atorfiup qimannerani angerlamut akiliutsinneq,
  • Misilittakkat aallaavigalugit akissarsiaqarneq ilanngullugu soraarnerussutisiat
  • Ukiumut ataasiaq feriami angalaneq akiliunneqarneq

 

Qinnuteqarnissamut killigititaq

Ingerlaavartumik. Atorfininneq sukkanerpaamik (isumaqatigiissutigisarluunniit naapertorlugu).

Ingerlaavartumik oqaloqateqartoqartassaaq.

 

Qinnuteqaatit nassiunneqassapput nittartagarput una aqqutigalugu www.brugseni.gl/job (e-mailikkuunngitsoq).

 

Paasissutissat annertunerusut

Piffissaq suliffissaq ullaakkut aamma ullukkuuneruvoq taavalu sap. ak. naanera allorlugu sulinngiffeqarneq.

 

Nuuk pillugu

Nuuk Kalaallit Nunaata illoqarfinni pingaarnersaraat 18.000-it missaani innuttaqarluni. Illoqarfik sorpassuarnik qassinilluunniit ukiulinnut neqerooruteqarpoq. Ilaqutariinnut periarfissarpassuaqarpoq, meeqqanullu atuartunut ilinniarnissamut periarfissagissaarluni.

Illoqarfik eqeersimaartuuvoq pisiniarfilerinissamut periarfissarpassuaqarluni, cafet, filmertarfik naluttarfillu. Kalaallit Nunaata sinneratut Nuup pinngortitaa kusanaqaaq, pinialunnissamut periarfissarpassuaqarluni, aalisarnissamut periarfissagissaarluni aamma angalaarnissamut periarfissagissaarluni.

Ullut tamaasa sullitat 3.000 aamma 5.000 akornanni amerlassusillit Brugseni isertarpaat, taamaammat Brugsen iserlugu uummaarilluartuuvoq.

 

 

Atorfik pillugu apeqqutissaqaruit attaveqarfigiuk

Pisiniarfimmi aqutsisoq Stefan Nelth, tlf. +299 34 98 01, mail nuuk@brugseni.gl

Iggavimmi aqutsisoq Bo Hansen, tlf. +299 34 98 15

Nittartagaq: www.brugseni.gl

Facebook: Kalaallit Nunaanni Brugseni