Skip to main content
173

Dette jobopslag er udløbet

Brugseni Nuukullak ajunngitsunik naammassisassanik tapissumik aqutsisussarsiorpoq

Siuuttoorusuppit aallaqaataaniillu peqataarusuppit, Nuummi Brugsenimik nutaamik ammaanitsinni?

 

Pisiniarfimmi aqutsisussarsiorpugut aqutsilluarsinnaanermigut pisiniarfiup ajortuussangatinnanngitsumik angusarissaarluartumillu ingerlatsisinnaasumik. Manna periarfissatsialaavoq ilinnut takutitserusuttumut qanoq ilungersorluni sulinikkut, tunniusimanikkut aqutsilluarnikkullu angusarissaartoqarsinnaaneranik.

 

Pisiniarfik inissisimavoq illoqarfiup qeqqanut qanittuulluni 20-llu missaannik sulisoqassalluni. Pisiniarfik 550 m2 angissuseqartoq tassannga 300 m2 tuniniaaviusoq illoqarfiup immikkoortortaani ineriartupallattumi Nuukullammi pingaarutilimmik inissisimasussaavoq. Pisiniarfik pisiniartussarpassuaqarpoq tunisiffiulluartussaallunilu illoqarfiup immikkoortortaani kisiartaalluni ulluinnarni pisiassanik nioqquteqartussaagami.

 

Pisiniarfimmi aqutsisutut akisussaaffigissavat pisiniarfiup atuleqqaarnissaa suleqatigiiaanik pikkorissunik ilaqarlutit. Brugsenimi aqutsisutut pingaaruteqarpoq sulisutit pitsaasumik toqqissisimanartumillu suliffimminni atugaqarnissaannut qulakkeerinnissasutit, ulluinnarnilu sammisassaqartitsineq ineriartornerlu ukkataralugit. Suliffeqarfimmi aqutsisutut toqqammavissaraavut ataatsimoorneq, sapiissuseq, tulluusimaarneq akisussaassuseqarnerlu. Taakkua allagartaqartilernikuuaatigut ”Great Place To Work”-imi ukiuni kingullerni pingasuni tulleriinni pissarsiarisaratsigit. Naatsorsuutigaarput sulisutit pisiniartullu ukkatarissagitit, ataatsimoorlusilu pisiniarfiup nutaap angusarissaarnissaanik kivitseqatigiikkumaartusi.

 

 

Illit:

  • Pisiniarfimmi atorfimmik assingusumik atorfeqarnikuuvutit (Coop Danmark-ip IT-mut atortorissaarutaanik ilisimasaqaruit iluaqutaassaaq)
  • Suliffiginikuusanninngaanniit angusaqartarsimanitit takussusersinnaassavatit
  • Pisiniarfimmik uninngaannanngitsumik tuniniaanissamut piareersimajuartumik qaffasissumik pitsaassusilimmik pisinianillu ukkatarinninnissamik pingaartitsisuunissamik paasinnilluarsimasuussaatit.
  • Sulisut illillu qaffasissumik sulilluarnissassinnik aallussiumasuuvutit
  • Ammasuuffiusumi isumagissaarfiusumilu sulisut kajumitsinniarnissaannut ineriartortuarnissaannut suliinnarusunnissaannullu sunniuteqarnissannut pikkorissuuvutit
  • Anguniakkanik tappissuuvutit missingersuutinillu malinninnissamik ukkataqartuullutit
  • Niiverluarneq, iluatsitsilluarneq, ineriartorneq pimoorussinerlu oqariartuutigisaraatit
  • Attaveqatiginnilluarsinnaavutit tuniniaanermilu pisortamik suleqatiginnikkumassuseqarlutit
  • Sutigut tamatigut siuuttoorusussuseqarputit

 

Ilinnut neqeroorutigaavut

  • Illoqarfiit pingaarnersaanni pisiniarfik nutaami atorfik namminersorfiusoq unamminartulillu
  • Inuttut suliatigullu ineriartorfissamik periarfissaqarluartoq
  • Suliffiup avatangiisigissaarnissaannik sulisullu naammagisimaarinninnissaannik oqaluinnanngilagut malitsitsiniartuarpugulli
  • Akissarsiat piginnaasaq malillugu, sulinermut atatillugu ineqarsinnaaneq pequtinillu nutserunneqarsinnaaneq ukiumullu akiliunneqarluni sulinngiffimmi angalasinnaaneq periarfissaassapput
  • Atsioqatigiinnermut atatillugu suliffittaariartorluni aammali suliffimmit soraarnermi akiliutsilluni angalasinnaaneq periarfissaassaaq

 

 

Paasissutissat suli allat
Qinnuteqarnissamut ulloq killiliussaq: 28. januar 2022

Ingerlaavartumik oqaloqatiginnittassaagut

Ulloq atorfiniffissaq: Martsip aallaqqaataa, imaluunniit ullu alla isumaqatigiissutigineqartoq.

Piukkunnartumik utaqqisinnaassuseqarpugut.

 

Qinnuteqaatit nittartagarput www.brugseni.gl aqqutigalugu nassiunneqassapput

(e-mail-ikkuunngitsoq)

 

Suliffik pillugu paasiniaaniaruit
Tuniniaanermi Pisortaq
Jes Nyborg
T +299 36 35 02
jes.nyborg@knb.gl

 

Nittartagaq: www.brugseni.gl
Facebook, LinkedIn: Kalaallit Nunaanni Brugseni