Skip to main content
103

Brugseni Nuuk pikkorissumik niuertarfimmi aqutsisussarsiorpoq

Niuertutut piginnaasannik immikkorluinnaq ittumik atuilluarfigisinnaasannik iluatsilluarnissamut kisissaanngitsunik periarfissaqarfiusumik suliffissaaleqivit?  

 

Misilittagalimmik pimoorussisumillu Nunatsinnilu illoqarfiit annersaanni pingaarnersaannilu niuertarfimmi niuertuulluarnissamut piumassusilimmik aqutsisussarsiorpugut. Pisiniarfeqarfiuvugut 100 %-imik kalaallinit pigineqartoq Kalaallit Nunaannit illoqarfinni arfineq pingasuni pisiniarfiutilik. Ulluinnarni Coop Danmark suleqatigilluarparput systemiilu tunngaviusut IT-mullu atasut ilarpassui atortarlutigit.

 

Maani niuertarfimmi aqutsisutut qulakkeereqataassaatit suliffimmi avatangiisit sulisut piginnaasaannik pingaartitsiffiusut pikkorissaarfiunissaannik. Sulisut 175-it missaanniittut ilinnit siulersorneqarlutik Brugsenip Nuummiittup siunissami iluatsilluarnissaannik qulakkeerisussat siuttuuffigissavatit. Taamaattumik siuttutut aqutsisutullu piginnaasaqarluartariaqarputit.

 

Brugseni Nuuk illoqarfiup pisoqarfiunersaaniippoq tuniniaavittaa 4500 m2-iulluni, 2018-imilu pisiniarfik 300 millioninik kaaviiaartitaqalerpoq. Tuniniaaviup kusanartup saniatigut atortussaarniarfimmut angisuumut, iffiorfimmut, neqaarniarfimmut delikatesseerniarfimmullu akisussaaffeqalissaatit. Pisiniarfimmuttaaq ilaapput immikkoortortaq mikineq pisiniarfeerarlu Panduro Hobby.

 

Suliassavit siullersaannut ilaassaaq illoqarfimmi siulersuisunik qullersaqarfimmiittunillu suleqateqarneq pisiniarfiup pitsaassusianik atatitsiinnarnissaq ineriartortitsinissarlu pillugu ineriartornissamut tunngavissaqarluarneruniassammat.

 

Niuertarfimmi aqutsisutut suliffik iluatsilluarnissamut periarfissarpassuaqarpoq. Suliffeqarfik ineriartorfiujuartoq akuuffigilissavat aqutsisutullu piginnaasannik tamanik tamakkiisumik atuinissamut periarfissaqassallutit. Kalaallit Nunaat nuannersumik unammillernartumik sullisilissavat kulturinullu assigiinngitsunut misilittagarpassuaqalissutigissallugu. Soqutiginnikkuit qinnuteqaativit takunissaa qilanaaraarput.

 

 

Suliassat

  • Pisiniarfiup pitsaalluinnartumik ataqatigiilluarnissaanik tunisiffiunissaanillu isumaginninneq – ullut tamarluinnaasa
  • Pisinianik pingaartitsineq tikilluaqqusaasutut misiginiassammata aggeqqinniassammatalu
  • Pisiniarfimmi tamarmi suliassaqarluartitsiuarnissaq
  • Ullormut ingerlatsinermut missingersuutinillu eqqortitsinermut akisussaasuuneq
  • Pisiniarfimmut anguniakkat angunissaat niuertuulluarneq pingaartillugu
  • Suleqatitit kajumissisillugillu ilinniartillugit avatangiisini ammaffiusuni qiimaffiusunilu
  • Illoqarfimmi iliuusissat pillugit illoqarfimmi siulersuisunik qanimut suleqateqarneq
  • Tuniniaanermi pisortamik qanimut suleqateqarneq

 

Piginnaasat

  • Pisiniarfik assingusaanik aqutsisuunermi niuertutullu suliaqarnermi misilittagaqarluarneq
  • Ingerlatsinermi aqutsisuunermilu angusimasanik uppernarsaasinnaaneq
  • Pisiniarfimmiutut ilinniarsimaneq (Coop Danmark it-systeminik ilisimasaqarneq iluaqutaassaaq)
  • Tuniniaanermik pisinianullu attaveqarluarnermik piginnaasaqarneq
  • Aqutsisutut isumassarsiortitsillaqqinneq eqinnaatsuunerlu, suleqatit piumassusiat tuniniaarusussiallu aqqutigalugit angusarissaartitsisinnaasoq
  • Aalajaatsuuneq isumaqatigiissutinillu eqqortitsisarneq
  • Pisiassanik ilisimasaqarluarneq ilisimasaqalipallakkusunnerluunniit.
  • Sulisut piumassuseqarluarnissaannik ineriartornissaannillu pingaartitsineq
  • Ulluinnarni ulapaarfiusuni angusassarpassuaqarfiusunilu eqqissisimasinnaaneq.
  • Pisiniarfimmi sulisunut siuttuusinnaavutit aqqutissiuussisinnaallutillu.

 

Ilinnut neqeroorutigaavut

  • Aqutsisutut suliffik namminersorfiusoq ineriartorfiusorlu unammillernartorpassualik
  • Pisiniarfimmi ingerlatsinermik tuniniaanermillu sulisunullu aqutsisuunermik ineriartortitsinermi iluatsilluarnissamut periarfissarpassuit
  • Piginnaasat naapertorlugit akissarsiat, atorfimmut atasumik sulisunut inissiaqalernissamut pigisallu nassiunneqarnissaannut feriefrirejseqarnissamullu periarfissaqarluni neqeroorfigineqarsinnaassallutit
  • Isumaqatigiissusiornermi atorfininnermut atatillugu suliffimmillu tunuarnermut angalanernik akiliutsinnissamut periarfissaqarneq

 

Nuuk pillugu:

Nuuk Kalaallit Nunaanni illoqarfiit pingaarnersaraat 18.000-t missaanniittunik inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni. Ukiukkut aamma ujakkaarutinik sangusaarutinillu sisorarnissamut periarfissaqarluarpoq.

 

Qinnuteqarnissamut killigititaq: Novembarip 17-at.

Ingerlaavartumik oqaloqateqartoqartassaaq.

Sukkanerpaamik atorfininneq isumaqatigiissutigineqartorluunniit naapertorlugu.

Tulluartumik qinnuteqartoqarnissaata utaqqinissaanut piumassuseqarpugut.

 

Qinnuteqaatit nassiunneqassapput nittartakkatsigut: www.brugsei.gl/job

 (e-mailikkuunngitsoq)

 

Atorfik pillugu apeqqutissaqaruit attavigiuk
Tuniniaanermi pisortaq Mark Kobberrød, oqa.: +299 36 35 02, mail mark.kobberroed@knb.gl

 

Nittartagaq: www.brugseni.gl

Facebook & LinkedIn: Kalaallit Nunaanni Brugseni

 

Qinnuteqarit

http://brugseni.gl/gl/job/?hr=show-job%2F49905%26locale%3Dkl_GL