Skip to main content
105

Dette jobopslag er udløbet

Brugseni Nuuk nerisassaarniarfimmi aqutsisussarsiorpoq

Aqutsisutut misilittagaqarpit, ulluinnarnilu akisussaaffeqarnissamut piumassuseqarluarpit?

Brugseni Nuuk nerisassaarniarfimmi aqutsisussarsiorput pisiniarfimmi immikkoortortanut pingasunut qullersatut akisussaasussamik.

 

Nerisassaarniarfimmi aqutsisutut inuussutissaarniarfimmi, nillataartitsiveqarfimmi qerititsiveqarfimmilu sulisunut pingaarnertut akisussaasuussaatit. Immikkoortortat taakku tamarmik immikkut tuniniaanermi aqutsisoqarput ilinnut nalunaaruteqartartussanik. Immikkoortortanik pingasuni tamani katillugit 40-t missaanniittunik sulisoqarpoq. Illit suliassarissavat suliassanik agguataarinissaq immikkoortortanilu aalajaatsumik nuannersumillu suliffiunissai. Brugseni Nuuk ukiumut 300 mio. kr.-inik kaaviiaartitaqarpoq nerisassanillu atortussanillu assigiinngitsorpassuarnik pisiassaateqarluni.

 

Tamatigoortumik ulluinnaqassaatit assigiinngitsorpassuarnik unamminiagassartalik, tamatumanilu pisariaqarpoq pilersaarusiorluarsinnaassuseqarnissaq suliassanillu agguaassillaqqissuunissaq. Sulisussarsiorpugut ulluinnarni ulapaarfiusuni eqqissisimasinnaasumik ataatsikkullu arlalinnik suliaqarsinnaasumik. Aammattaaq naatsorsuutigineqarpoq illit suleqativillu immikkut sullissiumatunissarsi pisiniallu pisiniarnerminnik nuannersumik misigisaqarnissaannik siuarsaaqataanissarsi.

 

Pisiniarfiup aqutsisoqatigiinnut ilaalissaatit taamalu sulisut peqatigiiffiusumik, sapiissuseqarfiusumik, tulluusimaarutigisinnaasamik akisussaassuseqarfiusumillu suliffiulluarnissaanik qulakkeeqataassallutit. Suliffeqarfittut pingaartipparput sulisut piginnaasanik ineriartortitsinissamik suleqatillu aqutsisullu akornanni tatigeqatigiinnissamik pingaartitsiffiusunik avatangiiseqartinnissaat. 

 

Soqutiginartikkukku tusarfiginissat qilanaaraarput.

 

Suliassat

  • Tuniniaanermi aqutsisunut sulisunullu aqutsineq
  • Pisiniarfiup tunisiffiunissaanut piareersaaneq
  • Suliassanik pilersaarusiorlunilu ataqatigiissaarineq
  • Nioqqutissanik inniminniineq
  • Toqqorsivimmiittunik aqutsineq
  • Pisinianik sullissineq

 

Illit piginnaasatit

  • Pisiniarfimmiutut ilinniarsimaneq imlt. sivikinnerpaamik ukiuni tallimani misilittagaqarneq
  • Sivikinnerpaamik ukiuni pingasuni aqutsisutut misilittagaqarneq
  • Timikkut nukittuvutit ullup annersaa nikorfaffiusarmat
  • Tuniniaallaqqipputit
  • Siulliullutit iliuuseqartarputit, pingaartumik piffissani ulapaarfiusuni
  • Aporfiusinnaasut pinnagit periarfissat isiginiarnerusarpatit

 

Ilinnut neqeroorutigisinnaavavut

  • Suliffik soqutiginartoq suliaqarfiulluartunillu ulluinnaqarfiusoq
  • Aqutsisutut piginnaasanik ineriartortitsineq
  • Suleqatit pitsaasut akornanni suliffik pitsaasoq
  • Atorfininnermi atukkat pitsaasut inissiamik neqeroorfigineqarnissamik periarfissaqarneq, pisataqartillugu imaluunniit pigisat nassiunneqarsinnaatillugit
  • Isumaqatigiissusiorsimatilluni atorfininnermut atatillugu suliffimmillu tunuarnermut atatillugu angalanernik akiliunneqarnissamut periarfissaqarneq
  • Piginnaasat naapertorlugit akissarsiaqarneq

 

Qinnuteqarnissamut killigititaq

Kingusinnerpaamik februaarip 10-at 2019, sioqqulluguluunniit.

Ingerlaavartumik oqaloqateqartoqartassaaq.

 

Qinnuteqaat HR-imut nassiunneqassaaq

ungaaq.abelsen@knb.gl

 

Paasissutissat allat

Sulilerfissaq: Sukkanerpaamik imaluunniit isumaqatigiissutigineqartoq naapertorlugu.

 

Nuuk pillugu

Nuuk Kalaallit Nunaanni illoqarfiit pingaarnersaraat 18.000-t missaanniittunik inoqarluni. Illoqarfik qanorluunniit ukiulinnut neqeroorutissaqarluarpoq. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni. Brugseni ullut tamaasa pisinianit 3.000-it 5.000-illu akornanniittunit alakkarneqartarpoq, taamaammat pisoqarfiulluartarpoq.

 

Atorfik pillugu apeqqutissaqaruit attavigikkit

Niuertarfimmi aqutsisoq Stefan Nelth, tlf. +299 34 98 01, mail nuuk@brugseni.gl

Imaluunniit tullersorti Kristian Pedersen, tlf. +299 34 98 03

Nittartagaq: www.brugseni.gl

Facebook: Kalaallit Nunaanni Brugseni