Skip to main content
142

Dette jobopslag er udløbet

Brugseni Natalie tullersortissarsiorpoq

Brugseni Nataliemi pikkorissumik toraagalimmillu pisortatut piginnaaneqarluartumik tullersortissarsiorput.

 

Pisiniarfimmi pisortaqatigiinnut ilaalissaatit pisortatullu suliassanik assigiinngitsunik misileraanissamut periarfissaqassallutit. Tullersortitut sulinermut ilaapput pisiniarfimmi ullormut suliassat, siulersuineq pisinianillu sullissineq.

 

Pisiniarfimmi suleqatitit peqatigalugit qulakkiissavat pisiniat pisiniarfimmut kusanartumut, pisiassanik nutaanik ulikkaartumut sullissiumatuunillu sulisulimmut, isertuarnissaat. Suliassaqarfinnik ulapaarfiusunillu assigiinngiiaartunik ulluinnaqarneq kajumississutigissavat. Piumassuseqarlutit suliassanik naammassinnittarneq pikkoriffigivat.

 

Brugseni Natalie 2019-imi januaarimi ammarneqarpoq pisiniarfiullunilu 300 m2-isut missaanni initutigisoq 20-t missaanni sulisulik. Niuertarfimmi aqutsisoq peqatigalugu pingaarnerpaatut suliassarissavat sulisut ikiornissaat sapinngisaminnik pitsaanerpaamik suleqataanissaat.

Kalaallit Nunaanni Brugseni Great Place to Work-imik uppernarsaasigaavoq sulisunillu pingaartitsingaarfiulluni. Maani pisortatut qulakkeereqataassaatit suliffimmi avatangiisit pikkorissaarfiunissaat ataatsimoornermillu, sapiissusermillu, tulluusimaarnermillu akisussaassuseqarnermillu pingaartitsiffiunissaat.

 

Suliassat

  • Niuertarfimmi aqutsisup ikiortaa sinniisaalu
  • Pisiniarfimmik tamarmik saqqummiussinermut akisussaaqataaneq
  • Sulisunut pisortaaneq
  • Suliassanik pisiassanillu il.il. aalajangiisarneq inniminniinerlu

 

Illit piginnaasatit

  • Pisiniarfimmi sulisutut ilinniarsimasuussaatit sivikinnerpaamilluunniit ukiuni pingasuni misilittagaqarlutit
  • Sivikinnerpaamik ukiumi ataatsimi pisortatut misilittagaqarputit
  • Pilersaarusiullaqqillutillu suliassanik agguaassillaqqipputit
  • Namminersorlutit sulisinnaavutit allanillu suleqateqallaqqillutit

 

Ilinnut neqeroorutigisinnaavavut

  • Pisiniarfittaami nutaaliaasumi sunniuteqaqataanissamut periarfissaqarneq
  • Suliffik soqutiginartoq ulluinnaallu pisoqarfiulluartut
  • Pisortatut piginnaasanik ineriartortitsisinnaaneq
  • Suleqatit pitsaasut akornanni avatangiisigissaarluni suliffeqarneq
  • Sulisutut akikilliliivigineqartarneq
  • Piginnaasat naapertorlugit akissarsiaqarneq

 

Qinnuteqarnissamut killigititaq

Apriilip 22-at 2019, sioqqulluguluunniit.

Ingerlaavartumik oqaloqateqartoqartassaaq.

Qinnuteqaatit nassiunneqassapput nittartagarput aqqutigalugu www.brugseni.gl/job (e-mailikkuunngitsoq).

 

Paasissutissat allat

Atorfinitsitaaneq: Sukkanerpaamik isumaqatigiissutigineqartorluunniit naapertorlugu.

 

Atorfik pillugu apeqqutissaqaruit attavigiuk

Niuertarfimmi aqutsisoq Jørgen Hammond, tlf. +299 38 25 51, mail 07620@brugseni.gl

Nittartagaq: www.brugseni.gl

Facebook: @Brugseni