Skip to main content
147

Dette jobopslag er udløbet

Brugseni Ilulissat ilinniarsimasumik neqaarniartussarsiorpoq

Neqaarniamik pitsaassutsimik ilisimaarinnittumik pissarsiorpugut Ilulissani neqaarniarfittaatsinnut nutaamut. Suleqatigiit piumassuseqarluartut suleqatigilissavatit neqaarniarfimmik delikatesseerniarfimmillu isumaginneqataallutit malunnarsitseqataallutillu. Suleqatigiittut qulakkiissavarsi pisiniartartut pitsaanerpaanik qinigassaqarlutillu sullilluarneqarnerpaanissat aammattaaq nioqqutigisassi mamarunarlutillu pilerinarnissaat.

 

Tamalaanik suliaqarfiusumik ulluinnaqassaatit, suliassatillu pingaarnerpaat tassaassapput neqinik ooqanngitsunik agguineq, pitsanngorsaaneq, nioqqutissiorneq eqqiluisaarnerlu. Suliassavit ilagissavaat delikatesseerniarfimmi ikiuutaasarnissat suliannullu attuumassuteqartunut allanut tunngatillugu ikiuutaasarnissat.

 

Neqaarniarfik delikatesseerniarfillu ataatsimik slagtermestereqassaaq, marlunnik ilinniarsimasunik neqaarniaqassaaq pingasunillu delikatessemi sulisoqassalluni. Immikkoortortaq ammasuuvoq pisiniartitsivittalik. Pisiniarfimmut tamarmut isikkiveqarpoq taamaattumillu pisinianut attaveqarfiulluassalluni.

 

Pisiniarfik nutaarluinnaavoq 2019-imilu apriilip 30-anni ammarneqassalluni katillugit 50-it missaanniittunik sulisoqassalluni.

 

Suliffeqarfittut tulluusimaarutigaarput Ilulissani pisiniarfimmik nutaamik kusanartumillu ammaasinnaagatta. Pisiniarfimmik nutaamik ammaanitsigut maanna Kalaallit Nunaanni illoqarfinni arfineq pingasuni pisiniarfiuteqalerpugut. Maanna pisiniarfiutitsinni tamani 500-t missaanniittunik sulisoqalerpugut, ukiorlu nutaanik periarfissarpassuaqarfiullunilu soqutiginartunik unamminiagaqarfiusussaq qilanaaraarput.  

 

Soqutiginartikkukku tusarfiginissat qilanaaraarput.

 

Illit piginnaasatit

  • Neqaarniatut ilinniarsimasuuvutit
  • Pitsaassutsimik ilisimaarinnipputit akisussaassuseqarlutillu
  • Assut eqqiluisaartuuvutit
  • Inuttut ammasuuvutit suleqatiginnilluarsinnaallutillu qiimasuullutillu
  • Iluatsilluarnissamut piumassuseqarputit suleqateqassallutillu
  • Pisinianik aggersunik sullissilluartarputit

 

Ilinnut neqeroorutigisinnaasavut

  • Suliassamut pikkoriffiginninnerit takutissinnaavat ineriartortitsisinnaallutillu
  • Suliffik soqutiginarlunilu ineriartorfiusoq nuannersunik suleqateqarfissaasoq pisiniarfimmi pisiassat pitsaassusiinik pisinianillu sullissilluarnissamik pingaartitsiffiusumi
  • Nioqqutissanik nalinginnaasunik Nunatsinneersunillu suliaqarsinnaassaatit
  • Immikkoortortaq nutartigaq pisiniartitsivittalik
  • Piginnaasat naapertorlugit akissarsiat, ilaatigut atorfimmut atasumik sulisunut inissiamik neqeroorfigineqarsinnaassallutit ilaatigullu atorfininnermut atatillugu suliffimmillu tunuarnermut atatillugu angalanerit, pigisat nassiunnerinut tunngasut aaqqiivigineqassapput isumaqatigiissusiortoqarneratigut
  • Sulisutut pitsaasunik akikilliliivigineqarsinnaaneq

 

Qinnuteqarnissamut killigititaq

Apriilip 7-iat 2019, sioqqulluguluunniit.

Ingerlaavartumik oqaloqateqartassaagut.

Qinnuteqaat nittartagatsinniit nassiunneqassaaq www.brugseni.gl/job (e-mail atornagu).

 

Paasissutissat allat

Sulilerfissaq: Apriilip 15-iat 2019 isumaqatigiissutigineqartorluunniit naapertorlugu.

 

Atorfik pillugu apeqqutissaqaruit tuniniaanermi pisortaq attavigiuk

Mark Kobberrød, tlf. +299 36 35 02, mail mark.kobberroed@knb.gl

Nittartagaq: www.brugseni.gl

Facebook: Kalaallit Nunaanni Brugseni

 

Ilulissat pillugit

Ilulissat Kalaallit Nunaanni illoqarfiit takornariarfiusartut annersaraat 4.500-t missaanniittunik inulik. Illoqarfiup pinngortitarsuarmit alianaatsorsuarmit ilulissanillu kusanartorsuarni avatangerneqaqqanini ilisimaneqaatigaa. Inunnut qanorluunniit ukiulinnut sammisassanik neqeroorutissaqarluarpoq illoqarfimmilu pisiniarnissamut, neriartornissamut caféniinnissamullu periarfissaqarluarluni. Kalaallit Nunaanni sumiiffinni allanisulli Ilulissani piniarnissamut, aalisarnissamut angalaarnissamullu periarfissaqarluarpoq.