Skip to main content
94

Dette jobopslag er udløbet

Brugseni Ilulissat atortussaarniarfimmi aqutsisussarsiorpoq

Pisiniarfimmi nutaarluinnarmi aqutsisoqatigiinnut ilaanissat pilerinartippiuk? Ilulissani pisiniarfittaatsinni kusanartumi aalajaatsumik aqutsisussarsiorpugut.

 

Ilulissani Brugsenip atortussaarniarfittaani aqutsisutut pingaarnertut akisussaaffigissavat immikkoortortami ullut tamaasa tunisaqarnissamut piareersimanissaq. Atortussaarniarfimmi pisiassaapput annoraamernit, atisat, peqqissaatit isikkorissaatillu, atortussat elektronikkimullu tunngasut. Aqutsisutut akisussaaffigissavatit sulisut 4-5-t missaanniittut, suliassarissavallu suleqatigiit taakku pitsaanerpaamik sulinissamut kajumissisinnissaat. Pingaaruteqarpoq nuannaartuullutillu ammasuunissat pisinianillu sullissinermik misilittagaqarnissat, ulluinnavit annersaanni pisiniarfimmiittassagavit.

 

Tamatigoortumik ulluinnaqassaatit assigiinngitsorpassuarnik unamminiagassartalik, tamatumanilu pisariaqarpoq pilersaarusiorluarsinnaassuseqarnissaq suliassanillu agguaassillaqqissuunissaq. Sulisussarsiorpugut ulluinnarni ulapaarfiusuni eqqissisimasinnaasumik ataatsikkullu arlalinnik suliaqarsinnaasumik.

 

Suliffeqarfittut tulluusimaarutigaarput Ilulissani pisiniarfimmik nutaamik kusanartumillu ammaasinnaagatta. Pisiniarfittaaqqinnitsigut Kalaallit Nunaanni illoqarfinni arfineq pingasuni pisiniarfeqalerpugut. Maanna pisiniarfitsinni sulisut katillutik 500-t missaanniipput, ukiup nutaap periarfissarpassuarnik unamminiagassanillu soqutiginartunik ulikkaartup iserfiginissaa qilanaaraarput.

 

Soqutiginartikkukku tusarfiginissat qilanaaraarput.

 

Suliassat

  • Sulisunut aqutsineq
  • Suliartorfissanik pilersaarusiorneq taakkuninngalu akuersineq
  • Immikkoortortami tuniniaanissamut piareersaaneq pisiassanillu piffissamut naleqqussaaneq
  • Nioqqutissanik inniminniineq
  • Pisinianik sullissineq
  • Pisiniarfimmi aqutsisoqatigiinnut suleqataaneq

 

Illit piginnaasatit

  • Pisiniarfimmiutut ilinniarsimaneq imlt. sivikinnerpaamik ukiuni pingasuni misilittagaqarneq
  • Sivikinnerpaamik ukiumi ataatsimi aqutsisutut misilittagaqarneq
  • Sullissiumatuneq namminersorlunilu sulisinnaaneq
  • Suleqateqallaqqinneq
  • Pilersaarusiullaqqinneq suliassanillu agguaassillaqqinneq
  • Suliassanik naammassinnissinnaaneq

 

Ilinnut neqeroorutigisinnaasavut

  • Atorfinitsitaanermi atukkat pitsaasut, piginnaasat naapertorlugit akissarsiaqarneq, inissiamik neqeroorfigineqarnissamut ilaatigut atorfininnermut atatillugu suliffimmillu tunuarnermut atatillugu angalanernik akiliunneqarnissamut pigisallu nassiunnerinik akiliunneqarnissamut periarfissaqarneq
  • Pisiniarfittaami suliffik soqutiginartoq ineriartornartorlu pisiassat pitsaassusii pisinianillu sullissinermik pingaartitsiffiusoq
  • Pisiniarfimmi sulinermi ineriartornissamut angusaqarluarnissamullu periarfissaqarneq  

 

Qinnuteqarnissamut killigititaq

Januaarip 20-at 2019, sioqqulluguluunniit.

Ingerlaavartumik oqaloqateqartassaagut.

 

 

Qinnuteqaat nassiunneqassaaq HR-imut

ungaaq.abelsen@knb.gl

 

Paasissutissat allat

Sulilerfissaq: Apriilip 1-iat 2019 isumaqatigiissutigineqartorluunniit naapertorlugu.

Pisiniarfiup maajip 1-iani 2019-imi ammarnissaa naatsorsuutigineqarpoq.

 

Atorfik pillugu apeqqutissaqaruit tuniniaanermi pisortaq attavigiuk

Jes Nyborg, tlf. +299 48 34 22, mail jes.nyborg@knb.gl (feeriarnerminit utissaaq januaarip 6-anni)

Nittartagaq: www.brugseni.gl

Facebook: Kalaallit Nunaanni Brugseni

 

Ilulissat pillugu

Ilulissat Kalaallit Nunaanni illoqarfiit takornariarfiusartut annersaraat 4.500-t missaanniittunik inulik. Illoqarfiup pinngortitarsuarmit alianaatsorsuarmit ilulissanillu kusanartorsuarni avatangerneqaqqanini ilisimaneqaatigaa. Inunnut qanorluunniit ukiulinnut sammisassanik neqeroorutissaqarluarpoq illoqarfimmilu pisiniarnissamut, neriartornissamut caféniinnissamullu periarfissaqarluarluni. Kalaallit Nunaanni sumiiffinni allanisulli Ilulissani piniarnissamut, aalisarnissamut angalaarnissamullu periarfissaqarluarpoq.