Skip to main content
95

Dette jobopslag er udløbet

Brugseni Ilulissani sullissinermi aqutsisussarsiorpoq

Pisiniarfimmi nutaarluinnarmi aqutsisoqatigiinnut ilaanissat pilerinartippiuk? Ilulissani pisiniarfittaatsinni kusanartumi aalajaatsumik sullissinermi aqutsisussarsiorpugut.

 

Ilulissani Brugsenip sullissinermi aqutsisutut pingaarnertut akisussaaffigissavat ullut tamaasa immikkoortortami tuniniaanissamut piareersimanissaq. Immikkoortortaqarfigissavatit karsit pisiniarfigisartakkat aamma kioski bakeoff-ilik. Aqutsisutut akisussaaffigissavatit sulisut aqqaneq marluk missaanniittut, suliassarissavallu suleqatigiit taakku pitsaanerpaamik pisinianik sullissinissamut kajumissisinnissaat. Pingaaruteqarpoq nuannaartuullutillu ammasuunissat pisinianillu sullissinermik misilittagaqarnissat, ulluinnavit annersaanni pisiniarfimmiittassagavit.

Naatsorsuutigineqarpoq pisiniarfik tamarmi 45-t missaanniittunik sulisoqarnissaa.

 

Tamatigoortumik ulluinnaqassaatit assigiinngitsorpassuarnik unamminiagassartalik, tamatumanilu pisariaqarpoq pilersaarusiorluarsinnaassuseqarnissaq suliassanillu agguaassillaqqissuunissaq. Sulisussarsiorpugut ulluinnarni ulapaarfiusuni eqqissisimasinnaasumik ataatsikkullu arlalinnik suliaqarsinnaasumik. Immikkoortortaqarfigisassatit pisiniarfimmi pisinianut attaveqarfiunersaapput taamaattumillu pisiniat pingaarnerpaajuaannassallutik. Naatsorsuutigineqarpoq illit suleqatitillu sullissiumatulluinnarnissarsi pisinianillu pisiniarneranni pitsaasunik misigisaqarnissaannut ikiuinissarsi.

 

Suliffeqarfittut tulluusimaarutigaarput Ilulissani pisiniarfimmik nutaamik kusanartumillu ammaasinnaagatta. Pisiniarfittaaqqinnitsigut Kalaallit Nunaanni illoqarfinni arfineq pingasuni pisiniarfeqalerpugut. Maanna pisiniarfitsinni sulisut katillutik 500-t missaanniipput, ukiup nutaap periarfissarpassuarnik unamminiagassanillu soqutiginartunik ulikkaartup iserfiginissaa qilanaaraarput.

 

Soqutiginartikkukku tusarfiginissat qilanaaraarput.

 

Suliassat

  • Sulisunut aqutsineq
  • Suliartorfissanik pilersaarusiorneq taakkuninngalu akuersineq
  • Immikkoortortami tuniniaanissamut piareersaaneq
  • Nioqqutissanik inniminniineq
  • Tunisat allagartaannik akuerinninneq
  • Pisiniarfimmi aqutsisoqatigiinnut suleqataaneq
  • Egenkontrolimut akisussaasuuneq

 

Illit piginnaasatit

  • Pisiniarfimmiutut ilinniarsimaneq imlt. sivikinnerpaamik ukiuni pingasuni misilittagaqarneq
  • Sivikinnerpaamik ukiumi ataatsimi aqutsisutut misilittagaqarneq
  • Sullissiumatuneq namminersorlunilu sulisinnaaneq
  • Suleqateqallaqqinneq
  • Pilersaarusiullaqqinneq suliassanillu agguaassillaqqinneq
  • Suliassanik naammassinnissinnaaneq

 

Ilinnut neqeroorutigisinnaasavut

  • Atorfinitsitaanermi atukkat pitsaasut, piginnaasat naapertorlugit akissarsiaqarneq, inissiamik neqeroorfigineqarnissamut ilaatigut atorfininnermut atatillugu suliffimmillu tunuarnermut atatillugu angalanernik akiliunneqarnissamut pigisallu nassiunnerinik akiliunneqarnissamut periarfissaqarneq
  • Pisiniarfittaami suliffik soqutiginartoq ineriartornartorlu pisiassat pitsaassusii pisinianillu sullissinermik pingaartitsiffiusoq
  • Pisiniarfimmi sulinermi ineriartornissamut angusaqarluarnissamullu periarfissaqarneq  

 

Qinnuteqarnissamut killigititaq

Januaarip 20-at 2019, sioqqulluguluunniit.

Ingerlaavartumik oqaloqateqartassaagut.

 

 

Qinnuteqaat nassiunneqassaaq HR-imut

ungaaq.abelsen@knb.gl

 

Paasissutissat allat

Sulilerfissaq: Apriilip 1-iat 2019 isumaqatigiissutigineqartorluunniit naapertorlugu.

Pisiniarfiup maajip 1-iani 2019-imi ammarnissaa naatsorsuutigineqarpoq.

 

Atorfik pillugu apeqqutissaqaruit tuniniaanermi pisortaq attavigiuk

Jes Nyborg, tlf. +299 48 34 22, mail jes.nyborg@knb.gl (feeriarnerminit utissaaq januaarip 6-anni)

Nittartagaq: www.brugseni.gl

Facebook: Kalaallit Nunaanni Brugseni                   

 

Ilulissat pillugu

Ilulissat Kalaallit Nunaanni illoqarfiit takornariarfiusartut annersaraat 4.500-t missaanniittunik inulik. Illoqarfiup pinngortitarsuarmit alianaatsorsuarmit ilulissanillu kusanartorsuarni avatangerneqaqqanini ilisimaneqaatigaa. Inunnut qanorluunniit ukiulinnut sammisassanik neqeroorutissaqarluarpoq illoqarfimmilu pisiniarnissamut, neriartornissamut caféniinnissamullu periarfissaqarluarluni. Kalaallit Nunaanni sumiiffinni allanisulli Ilulissani piniarnissamut, aalisarnissamut angalaarnissamullu periarfissaqarluarpoq.