Skip to main content
120

Dette jobopslag er udløbet

Brugseni Ilulissani pisiniarfittaamut pisortassarsiorpoq

Kalaallit Nunaanni Brugseni Ilulissani pisiniarfimmik nutaaliamik ammaassaaq niuertumillu siulersuisuunernik illoqarfimmilu siulersuisunik suleqateqarluni niuerluarsinnaasumik pisariaqartitsilluni.   

 

Pisiniarfimmi pisortassarsiorpugut misilittagalimmik aaqqissuussilluarsinnaasumillu Kalaallit Nunaanni illoqarfiit takornariarfiunerpaartaanni niuertuulluarnissamut sapiutinnginngitsumik. Pingaaruteqarpoq pisinianut inuppalaartuunissamut piumassuseqarnissat kiffartuussilluarsinnaanissallu – aamma ulapaarfiusuni.

 

Suleqatigiit 40-t missaanniittut siuttuuffigissavatit, taakkulu ilinnit siulersorneqarlutik Ilulissani Brugsenip siunissami iluatsilluarnissaanik qulakkiissapput. Taamaattumik pingaaruteqarpoq pisortatut piginnaaneqarluartuunissat. Maani pisiniarfiup pisortatut suliffimmi avatangiisit sungiussisimalluarfiunissaannik sulisullu suliatigut piginnaasaminnik ineriartortitsinissaannik pingaartitsiffiunissaannik qulakkeeqataassaatit.

 

Suliassat pingaarnerit makkuupput

  • Pisiniarfiup kusanarnissaa – ullut tamarluinnaasa
  • Pisinianik pingaartitsinissaq tikilluaqqusaasutut misiginiassammata aggeqqikkusunniassammatalu
  • Suliassaqarluartitsiuarneq
  • Ullormut ingerlatsinermut missingersuutinillu eqqortitsinissamut akisussaasuuneq
  • Niuertuulluarneq pingaartillugu pisiniarfimmut erseqqissunik anguniagassiineq
  • Avatangiisini ammasuni pitsaasunillu suleqatinnik kajumissisitsineq ilinniartitsinerlu
  • Illoqarfigisami iliuusissat pillugit illoqarfimmi siulersuisunik qanimut suleqateqarneq
  • Tuniniaanermi pisortamik qanimut siunersiueqateqartarneq

 

Inuttut piginnaasatit

  • Niuertarfissuarmik ingerlatsinermi misilittagaqarluarneq
  • Ingerlatsinermi pisortaanermilu angusanik uppernarsaasinnaaneq
  • Tuniniaalluarsinnaaneq pisinianullu attaveqarluarsinnaaneq
  • Pisortatut siulersuillaqqipputit allanillu kajumissisitsisinnaallutit, suleqatillu sulilluarnerat tuniniaarusussuseqarnerallu iluaqutigalugit angusaqarluarsinnaallutit
  • Piumassuseqarluarputit isumaqatigiissutinillu eqqortitsisarlutit
  • Ulluinnarni ulapaarfiusuni qiimasinnaavutit
  • Niuertutut pikkorillutillu aaqqissuussilluarsinnaavutit

 

Ilinnut neqeroorutigaavut

  • Pisiniarfik ammarneqaqqammersoq nutaaliaasoq
  • Suliffik namminersorfiullunilu ineriartorfiusoq soqutiginartorpassuarnik unamminartulik
  • Pisiniarfimmi ingerlatsinermik tuniniaanermillu ineriartortitsinermi iluatsilluarnissamut periarfissarpassuaqarneq
  • Piginnaanerit naapertorlugit akissarsiaqarneq atorfininnermullu atatillugu inissiamik neqeroorfigineqarsinnaaneq nuunnermilu pequtit nassiunnerinik akiliutsinneqarsinnaaneq aammattaaq ukiumoortumik feriefrirejseqarneq. Isumaqatigiissusioreersimatilluni tikinnermi aallarnermilu angalanernik akiliutsinnissamut periarfissaqarneq.

 

 

Qinnuteqarnissamut killigititaq

Kingusinnerpaamik februarip 15-at 2019, sioqqulluguluunniit.

Ingerlaavartumik oqaloqateqartoqartassaaq.

 

Qinnuteqaat HR-imut uunga nassiunneqassaaq

Ungaaq.abelsen@knb.gl

 

Ilulissat pillugu

Ilulissat Kalaallit Nunaanni illoqarfiit takornariarfiusartut annersaraat 4.500-t missaanniittunik inulik. Illoqarfiup pinngortitarsuarmit alianaatsorsuarmit ilulissanillu kusanartorsuarni avatangerneqaqqanini ilisimaneqaatigaa. Inunnut qanorluunniit ukiulinnut sammisassanik neqeroorutissaqarluarpoq illoqarfimmilu pisiniarnissamut, neriartornissamut caféniinnissamullu periarfissaqarluarluni. Kalaallit Nunaanni sumiiffinni allanisulli Ilulissani piniarnissamut, aalisarnissamut angalaarnissamullu periarfissaqarluarpoq.

 

Paasissutissat allat

Sulilerfissaq: Piaarnerpaamik imaluunniit isumaqatigiissutigisaq naapertorlugu.

 

Pisiniarfittaaq kusanartoq nutaaliaasorlu katillugit 5800 m2-inik initussusilik. Naatsorsuutigineqarpoq ammassasoq maajip aallaqqaataani 2019-imi maannamullu pisiniarfiutitta annersarilissallugu. Pisiniarfimmi tuniniaaviusussaq 1600 m2-nik initussuseqarpoq.

 

Atorfik pillugu apeqqutissaqaruit

Tuniniaanermi pisortaq Mark Kobberrød

Tlf.: +299 36 35 02

Mail: mark.kobberroed@knb.gl

Nittartagaq: www.brugseni.gl

Facebook: Kalaallit Nunaanni Brugseni