Skip to main content
90

Dette jobopslag er udløbet

Brugseni Ilulissani pisiniarfittaami niuertarfimmi aqutsisussarsiorpoq

Kalaallit Nunaanni Brugseni Ilulissani pisiniarfimmik sanaartorneqaqqammersumik nutaaliaasumillu ammaaqqammerpoq. Tamatumunnga atatillugu niuertussarsiorpugut aqutsisut illoqarfimmilu siulersuisuusut suleqatigalugit niuertarfimmik aalaakkaasumik pilersitsisinnaasumik.  

Pisiniarfik nutaaq kusanarlunilu nutaaliaasoq katillugit 5.800 m2-inik initussuseqarpoq. Pisiniafik pisiniarfiutitta annersaat ilaraat. Pisiniarfimmi init tuniniaaffiusussat 1.600 m2-iupput.

 

Niuertarfimmi aqutsisumik misilittagalimmik piumassusilimmillu, illoqarfimmi Kalaallit Nunaanni takornariaqarnerpaami niuertuulluarusuttumik pissarsiorpugut. Pingaaruteqarpoq pisinianik paaseqatiginnissuseqarusunnissat sullissilluarsinnaanissallu – aamma pissutsit ulapaarfiutillugit.

 

Suleqatigiinnut 40-t missaanniittunut, ilinnit siulersorneqarlutik Brugsenip Ilulissaniittup siunissami iluatsilluarnissaanik qulakkeerisussanut, siuttuussaatit. Taamaattumik pingaaruteqarpoq pisortatut piginnaaneqarluarnissat. Maani niuertarfimmi aqutsisutut suliffimmi avatangiisit pikkorissaarfiunissaannik sulisullu piginnaasaminnik ineriartortitsinissaannik pingaartitsiffiunissaani qulakkeereqataassaatit.

 

Suliassat pingaarnerit makkuupput

  • Pisiniarfiup kusanartumik piareeqanissaa – ullut tamarluinnaasa
  • Pisinianik pingaartitsinissaq tikilluaqqusaasutut misiginiassammata aggeqqikkusunniassammatalu
  • Suliassaqarluartitsiuarneq
  • Ullormut ingerlatsinermut missingersuutinillu eqqortitsinissamut akisussaasuuneq
  • Niuertuulluarneq pingaartillugu pisiniarfimmut erseqqissunik anguniagassiineq
  • Avatangiisini ammasuni pitsaasunillu suleqatinnik kajumissisitsineq ilinniartitsinerlu
  • Ilulissani suliniutissanik illoqarfimmi siulersuisunik qanimut suleqateqarneq
  • Tuniniaanermi pisortamik qanimut siunersiueqateqartarneq

 

Illit piginnaasatit

  • Pisiniarfimmi annermik ingerlatsinermik misilittagaqarluarneq
  • Ingerlatsinermi pisortaanermilu angusanik uppernarsaasinnaaneq
  • Tuniniaalluarsinnaaneq pisinianullu attaveqarluarsinnaaneq
  • Pisortatut siulersuillaqqipputit allanillu kajumissisitsisinnaallutit, suleqatillu sulilluarnerat tuniniaarusussuseqarnerallu iluaqutigalugit angusaqarluarsinnaallutit
  • Piumassuseqarluarputit isumaqatigiissutinillu eqqortitsisarlutit
  • Ulluinnarni ulapaarfiusuni qiimasinnaavutit
  • Niuertutut pikkorillutillu aaqqissuussilluarsinnaavutit

 

Ilinnut neqeroorutigaavut

  • Piginnaanerit naapertorlugit akissarsiaqarneq atorfininnermullu atatillugu inissiamik neqeroorfigineqarsinnaaneq nuunnermilu pequtit nassiunnerinik akiliutsinneqarsinnaaneq aammattaaq ukiumoortumik feriefrirejseqarneq. Isumaqatigiissusioreersimatilluni tikinnermi aallarnermilu angalanernik akiliutsinnissamut periarfissaqarneq.
  • Pisiniarfik ammarneqaqqammersoq nutaaliaasoq
  • Suliffik namminersorfiullunilu ineriartorfiusoq soqutiginartorpassuarnik unamminartulik
  • Pisiniarfimmi ingerlatsinermik tuniniaanermillu ineriartortitsinermi iluatsilluarnissamut periarfissarpassuaqarneq
  • Inuttut piginnaasatigullu ineriartorsinnaaneq

 

 

Qinnuteqarnissamut killigititaq

Juunip 1-at 2019

Ingerlaavartumik oqaloqateqartoqartassaaq.

Juulip 1-anni atorfininneq isumaqatigiissutigineqartorluunniit naapertorlugu.

 

Qinnuteqaatit nassiunneqartassaapput nittartakkatsigut www.brugseni.gl/job (e-mailikkuunngitsoq).

 

Ilulissat pillugu

Ilulissat Kalaallit Nunaanni illoqarfiit takornariarfiusartut annersaraat 4.500-t missaanniittunik inulik. Illoqarfiup pinngortitarsuarmit alianaatsorsuarmit ilulissanillu kusanartorsuarni avatangerneqaqqanini ilisimaneqaatigaa. Inunnut qanorluunniit ukiulinnut sammisassanik neqeroorutissaqarluarpoq illoqarfimmilu pisiniarnissamut, neriartornissamut caféniinnissamullu periarfissaqarluarluni. Kalaallit Nunaanni sumiiffinni allanisulli Ilulissani piniarnissamut, aalisarnissamut angalaarnissamullu periarfissaqarluarpoq.

 

Atorfik pillugu apeqqutissaqaruit attavigikkit
Tuniniaanermi pisortaq Jes Nyborg, tlf.: +299 94 77 01, mail jes.nyborg@knb.gl
Tuniniaanermi pisortaq Mark Kobberrød, tlf.: +299 36 35 02, mail mark.kobberroed@knb.gl
Nittartagaq: www.brugseni.gl
Facebook: Kalaallit Nunaanni Brugseni

 

Atorfimmut qinnuteqarit
https://brugseni.gl/gl/job/?hr=show-job%2F43700%26locale%3Dkl_GL