Pilersaarusiorneq ataqatigiissaarinerlu nuannariviuk? Suliallu naammassinissaanut assigiinngitsut suleqatigisinnaallugit? Suliatit aaqqissorluartarpigit allallaqqillutillu? Taamaassappat immaqa illit Kalaallit Nunaanni Sisorartartut Kattuffiata (GSkiF) allattoqarfiani siunnersortissarput? 

Aaqqissuussilluarsinnaasumik siunnersortissarsiorpugut Sisorartartut Kattuffiata siulersuisui angusaqarusussuseqartut minnerunngitsumillu kattuffiup ataani ataatsimiititaliani ilaasortat aamma angusaqarusussuseqartut anguniagaasa piviusunngortinnissaannut. 

SULIASSAT

·      Pilersaarutit akuerisassanngorlugit allaaserilluarnissaat.

·      Suliassat pilersaarusiorluarnissaat aaqqissuulluarnissaat malittareqqinneqarnissaannillu isumagisaqartarneq.

·      Aaqqissuussami susassaqartut tamaasa paasisaqarluarnissaannik namminnerlu sulianik qanoq kivitsinissamik ilisimaarinninnikkut qulakkeerinnittarneq.

·      Suliat siuariartornerannik qulakkeerinnittarneq.

·      Social media atorlugu attaveqaatinik ingerlatsineq.

·      Klubbit tamarmik børneattesteqarnissaanik qulakkeerinnittarneq.

·      Sisorartartut Kattuffiata nittarsaalluarnissaa aningaasaliisunillu ujaarleqataaneq.

·      Aningaasanik aqutsilluarneq sulianullu tunngatillugu aningaasaqarnermut malinnaaneq.

·      Sisortartartut Kattuffianni ataatsimiititalianilu ilaasortat ataatsimiinnissaannut piareersaassineq ingerlatsinerlu.

PIGINNAASAT

Ilimagivarput:

·       Timersornermut peqatigiiffilerinermullu ilisimasaqarluartutit ingammik sulianik aqutsinermut.

·       Peqatigiiffilerineq ilisimasaqarfigigit inuiaqatigiit akornani namminerlu piumassutsimik sulisut akornanni periarfissat unammillernartullu aamma ilisimaarigitit.

·       Attaveqallaqqittuusutit oqalunnikkut allattariarsornermilu aallartisaasutullu misilittangaqareersutit.

·       Namminersorsinnaasutit, aaqqissuulluakkamik suleqatikkuminartutillu angusaqarusussuseqarluarlutit suleriaaseqartutit.

·       Nammineq suliassarsiorsinnaasutit suleqatigiinnissamullu ujartuisinnaallutit

·       Piumasaqaataavoq kalaallisut qallunaatullu allassinnaallutillu oqalussinnaassasutit.

·       Namminersorlutit sulisinnaanerit namminerlu anguniagassannut akisussaassuseqartumik inississinnaanerit.

·       Avatangiisinnut soqutigisaqatigiinnullu attaveqarluarsinnaasuusutit.

·       Pingaartikkit suliappit pitsaassusaasa qaffasinnissaanik qulakkeerinninnissaq.

 

AAQQISSUUSSINEQ

·       Takorloorparput 1. marts 2023 aallartiffigisinnaagit imal. Isumaqatigiissuteqarnikkut.

·       Allattoqarfimmi siunnersortitut aallaqqaataaniit Sisorartartut Kattuffiani akuulissaatit siulersuisut piumassuseqarluartut akornanni. Ulluinnarni kattuffiit allat siunnersortaat Elite Sport Greenland Timersoqatigiit Kattuffiallu issiaqatigissavatit.

NEQERRORUTIGIVARPUT

·       Sisorartartut Kattuffiani atorfik ilivitsoq imaluunniit ullup affaa atorfik Nuummi inissisimasoq.

·       Aningaasarsiat isumaqatigiinniarnikkut inissinneqassapput.

·       Suleqatit qeratanngitsut anguniagarusuttulli timersonerullu silarsuaani nuannarisaqartut akornanni aakuunissaq.

QINNUTEQARNISSAQ

Qinnuteqarfissaq kingulleq 20. februar 2023. Atorfininnissaq: 1. april 2023 imal siusinnerusukkut.

Qinnuteqarnissaq: e-mail nassiunneqassaaq Sisortartartut Kattuffiata siulittaasuanut Pâviâraq Heilmann-mut, paviaraq@hotmail.com, tassani ilanngunneqassalluni qinnuteqaat, CV ilinniarsimanermullu uppernarsaatit.

Immikkut eqqumaffiginiaqquneqartut:  Ualikkut unnukkullu ataatsimiinnerit suliassallu inissisimasinnaapput. Ilaatigut aamma sapaatip akunnerata naanerani aaqqissuussinerni sulisoqarnissaa ilimagineqarsinnaavoq.

Atorfimmut inissaqartitsisoqanngilaq.

Atorfimmut tunngatillugu apeqqutissaqaruit attavigiuk Sisorartartut Kattuffiani siulittaasoq Pâviâraq Heilmann, paviaraq@hotmail.com, imal. Ujakkaartartut Ataatsimiititaliaani siulittaasoq Marie Fleischer langrendsudvalg@gmail.com 

Sisorartartut Kattuffiat pillugu

Timersoqatigiit Kattuffiata ataani Sisorartartut Kattuffiat kattuffiit qulingiluaasut akornaniippoq. Ilaasortat GSkiF-mi 1.100 missaanniipput.

Sisorartartut Kattuffiata siunertariavaa Kalaallit Nunaanni aaqqissuussaasumik sisorarnerup soqutigineqarnerulernissaa ineriartortinneqarnissaalu. Sisorartartut Kattuffiat ilaasortat akornanni suleqatigiinneq qulakkeertarpaa avataani suleqatigineqarsinnaasullu ujartorlugit, maleruagassanik sananeq unammersuaarnernillu ingerlatsineq aamma isumagisarlugit. Ataatsimiititaliat pingasut aqqutigalugit kattuffiup timersuutit alpin, ujakkaarneq, snowboard freestyle ski ingerlappai.