Skip to main content
84

Suliniutinut aqutsisoq mittarfinnik ingerlatsinerup iluani teknikkikkut tunuliaqutaqartoq

 

Suliniutinut aqutsineq kissalaarfigaajuk? Mittarfinnik ingerlatsinerup iluani ilisimasaqarpit misilittagaqarlutillu, aammalu Kalaallit Nunaanni mittarfissanut nutaanut pingasunut teknikkikkut killissaliussanik inerisaanermi peqataarusuppit?  - taava tassaagunarputit suleqatitaassarput.

Kalaallit Airports A/S 2016-imi pilersinneqarpoq siunertarpullu tassaavoq Nuummi, Ilulissani Qaqortumilu mittarfinnik sanaartornissaq, piginnittuunissaq aamma ingerlatsinissaq. Ineriartupiloorpugut aammalu suliassanik suliniutinillu amerlasuunik suliaqarluta. Taamaattumik suliniutinut aqutsisumik, teknikkikkut atortit iluanni piginnaasaqartumik pisariaqartitsivugut. Allaffipput Nuup qeqqani inissisimavoq.

Ataatsimut isigalugu sullivimmut nassuiaat

Suliniutinut aqutsisoq suliniutinut pisortaatitatta ilaata ataaniissaaq, aammalu ingerlatsinerup siuariartornerata Kalaallit Airports A/S-ip (KAIR-ip) Nuummi, Ilulissani aamma Qaqortumi mittarfiliassatsinnut pisussanut takorluugai siunnerfiilu naapertorlugit ingerlanerani, suliffeqarfiup tamarmi akuutinneqarnissaanut qulakkeereqataassalluni. Tamanna ilaatigut illit suliniutinut pisortamut/suliffeqarfimmut ammasumik  attaveqaqateqarnissamik paasissutissiisarnissamillu pingaartitsinerni, pissaaq. Suliniutini suliaqarneq ataqatigiissaariviusoq inerneqartitsisorlu, tamanna pillugu siulersuisut aalajangiinerinut naapertuuttumik suliaqarnermut, sumiiffiini, teknikkikkut, aningaasaqarnikkut piffissalersuinikkullu killissaliussat atuutsinneqarnerisigut pissasoq naatsorsuutigineqarpoq.

 

Matuma siuliani allassimasut sanatitsisunut siunnersortinut, sanaartugassanik pilersaarusiortussanut siunnersortinut, oqartussanut kiisalu soqutigisaqartunut pingaarnernut allanut tunngatillugu, suliffeqarfiup iluani taamatullu avataani atuutissapput.

 

Suliassatit aalajangersimasut ilaatigut tassaapput:

  • Mittarfissanut teknikkikkut killissaliussanik inerisaaneq ineriartortitsinerlu.
  • Mittarfissanik ingerlatsinissamut atortut suut pisariaqarnersut pilersaarusiorneq aaqqissuussinerlu.
  • Ingerlatseqatigiiffiup ingerlanneqarnera ineriartortinneqarneralu pillugit siulersuisut ataatsimiinneranni aalajangiinerit pisortaatitat suleqatigalugit malinnaaffigalugit.
  • Byggeweb suliniutini assigiinngitsuni atorlugu.
  • Suliaqartuusunut avataaneersunut isumaqatigiissuteqarnissaq qulakkeerlugu malinnaaffigalugulu.
  • Oqartussat akuersissutaannik atugassarititaasunik ilaqartunik pissarsinissamik qulakkeerineq malinnaanerlu.

 

Illit ilisarnaatitit

Suliniutinut siulersuinermi aqutsinermilu misilittagaqarneq annertuumik pingaartinneqarpoq. Ilinniagaqarnikkut tunuliaquttatit assersuutigalugu tassaasinnaapput ingeniøri imaluunniit allatut teknikkimut ilinniagaqarneq, kisianni piumasaqaataanani. Pingaarneruvoq mittarfimmi sulinermik misilittagaqaruit, tassani inuussutissarsiutigalugu suliniutinut aqutsineq sulinerup ilusiligaanerani atorneqarsimassalluni.

Suliffeqarfiugatta aaqqissuussaanikkut annikitsoq, politikerinit taamatullu tamat tungaanniit naatsorsuutigineqarnerput annertulluni, avatangiisini assigiinngisitaartuniittuni ingerlalluarsinnaanissat sulisinnaanissallu aammalu paasinnilluarsinnaassuseqarlutit assigiinngissutsinik akuersaartuusinnaanissat isumaqatiginninniarnermillu paasisimasaqarnissat pingaaruteqarpoq. Taamatuttaaq pingaaruteqarpoq immikkut ittumik sulianut aqutsinermi piginnaasatit aallaavigalugit pisunik aaqqiissutissanillu siamasissumik eqqarsarsinnaassuseqarnissat. Naatsorsuutigaarput, ammallutit suleqatigiit akuleruffigissagitit.

Taassuma saniatigut naatsorsuutigaarput:

  • Suliassanik annertuunik aqutsinermi misilittagaqarluarnissaq
  • Siunnersortinik avataaneersunik suleqateqarnermi annertuumik misilittagaqartutit, aammalu taakkununnga isornartorsiuisumik aalajangersimasumillu isummersinnaassuseqartutit.
  • Pitsaassutsinik qulakkeerinermik suliaqarnernut annertuumik misilittagaqartutit aammalu qaffasissumik pitsaassusilinnik uppernarsaateqartutit.
  • Ammasuunissat,pimoorussinissat, isumassarsianullu ammasuullutillu sungiussiasuunissat.
  • MS-office-mi ataatsimoortitanik aammalu IT atorlugu periaatsinik assingusunik ulluinnarni atuisuusutit
  • Byggewebimut ilisimasaqarnissat.
  • Paasissutissiinernik paasissutissanillu nalunaarsukkanik annertoorujussuarnik tulleriissaartumik sulisinnaasutit.
  • Tuluttoorluarsinnaasutit.

Neqeroorutigaarput: 

Aningaasarsiaqartitsineq atorfimmi piumasaqaatinut naapertuuttumik ataasiakkaanut atugassarititaasut tunngavigalugit pissaaq. Atorfimmut atatillugu inissaqartitsisoqanngilaq.

Sulinngiffeqarneq il.il. Kalaallit Nunaanni sulinngiffeqarnermut inatsit naapertorlugu katersuiffigineqassaaq ingerlanneqassallunilu.

Paasissutissat annertunerusut Pisortaanermut Steffen Ulrich-Lyngemut piniarneqarsinnaapput, uunga steffen@kair.gl, oqarasuaat angallattagaq: +299 554433.

Qinnuteqaatit ingerlaavartumik suliarineqassapput, taamaattumik qinnuteqaatit, CV soraarummeersimanermullu uppernarsaatit ilanngullugit uunga mailimut nassiuguk: steffen@kair.gl kingusinnerpaamik 21.01.2019 nalunaaqutaq 12.00.