Skip to main content
89

Dette jobopslag er udløbet

Suliniummik aqutsisoq – mittarfimmi illuliat nutaat

 

Suliniutinik aqutsinerup iluani piginnaasaqarluarpit? Sanaartornermi suliani sanatitsisutut sulinissaq pilerigeqaajuk – taamaappat suleqatissarigunarpatsigit

 

Kalaallit Airports Holding A/S-ip siunertaraa Nuummi, Ilulissani, Qaqortumilu nunanut assigiinngitsunut mittarfiit nutaat pilersaarusiornissaat, sanaartortinnissaat aamma ingerlannissaat. Suliat aallartilluareerput taamaammallu illulianik pilersaarusiornermi, suliarinnittussarsiuussinermi aamma sanatitsinermi sanatitsisutut sulisussamik, suliniummik aqutsisumik pissarsiorpugut.

 

Nalinginnaasumik suliassap allaaserineqarnera

Kalaallit Airports ingerlatseqatigiiffissuani suliniummik aqutsisutut suleqatigiinnut ilaassaatit, tassani mittarfinnut suliniutit pillugit suliassat assigiinngitsorpassuit, immikkut sammisaqartut aamma suliaqarfiit arlallit suliarineqartarput.

 

Kalaallit Airports Holding A/S suliffeqarfiuvoq minnerusoq, Kalaallit Nunaanni sanaartornermi suliniutit annersaanik suliaqartoq. Suliniutit katitigaanerisa kinguneraat, suliassat unammillernartuunerat aamma tamatigoornerat. Ulluinnarni suliaqarfiit arlallit suleqatigiinnerannik sammisassaqartitsivoq, siunnersuisut, pisortaqarfiit aamma suliassanik suliassinneqartartut eqqarsaatigalugit.

 

Suliassat/piginnaasat pingaarnerit:

  • Mittarfimmi illulianik pilersaarusiornermut, suliarinnittussarsiornermut aamma sanaartornermut atatillugu sanatitsisutut suliaqarneq,
  • siunnersuisut aamma suleqatigisat akornanni suliassanik ataqatigiissaarineq,
  • Det digitale byggerimik ilisimasaqarneq. Byggeweb suliniutini atorneqarpoq - pilersaarusiornermit tunniussinermut,
  • MS Officemik, titartakkanik misissuinermut programmimik assigisaanillu ilisimasaqarneq,
  • Pilersaarusiornerup ingerlasarneranik, suliarinnittussarsiuussinermi atortunik, missiliuutaagallartumik naatsorsukkanik, sanaartornermi aningaasatigut missingersuutinik assigisaanillu ilisimasaqarneq
  • Siunnersuisunik, pisiortorfinnik aamma suliassanik suliassinneqartartunik atsiornikkut isumaqatigiissutinik/isumaqatigiissutinik paasinninneq.

 

Illit piginnaasutsinnut piumasaqaatit

Suliniummik aqutsinermut aamma ingerlatsinermut misilittagaqarneq annertuumik pingaaruteqarpoq. Illit ilinniarnermi tunuliaqutit tassaavoq s. i. ingeniøri, teknikeri assigisaaluunniit, suliamik ilinniarsimasutut suliniummik aqutsisuuneq, sanaartornermi suliani suleriaatsitut atorneqarsimasoq.

Suliffeqarfiugatta minnerusoq, politikikkut ingerlataqartunit aamma inunnit amerlanernit annertuumik isumalluarfigineqartoq, avatangiisini tamatigoortuni ulluinnarni ulapiffiusuni iluarisimaarnissat aamma iluatsilluarsinnaanissat, pingaaruteqarpoq.

Suliffeqarfimmi ulluinnarni siunnersuisunik suleqateqarneq aamma suliaqarfinni arlalinni sulianik naammassisaqarniarneq annertuumik ilaasumi, tamaat ataatsimut isigisinnaassavat.

Allattarissanut pikkorissuussaatit, pissutigalugu suliap ilaa annertooq suleqatigisanut, qullersaqarfimmut aamma siulersuisunut nalunaaruteqarnermik, uppernarsaanermik paasissutissanillu ingerlatitseqqinnermik imaqarmat.

Taamaammat naatsorsuutigaarput illit:

  • Illulianik sanaartornermi, suliniummik aqutsinermut misilittagaqarluartutit,
  • sanatitsisunut siunnersortinik, siunnersortinik aamma suliassanik suliassinneqartartunik suleqateqarnermik misilittagaqarluartutit,
  • qaffasinnerpaamik pitsaassutsimik qulakkeerinninnermik aamma uppernarsaanermik misilittagaqarluartutit,
  • isummanut nutaanut soqutigisaliusutit, pimoorussisutit aamma ammasuusutit,
  • MS Officemik qarasaasialerinermi (it) systeminik assingusunik ulluinnarni atuisuusutit,
  • byggewebimik ilisimasaqartutit,
  • tuluttoorsinnaasutit.

Uagut neqeroorutigaarput:

Akissarsiat atorfimmi piumasaqaatinut naleqquttut, inunnut ataasiakkaanut atugassarititaasunut naaper-tuisut. Atorfik sulisunut inissalernagu inuttassarsiuussisoqarpoq.

Sulinngiffeqarneq il. il. katersorneqassapput aamma atorneqassapput Kalaallit Nunaanni sulinngiffeqar-nermut inatsit naapertorlugu.

Paasissutissat suli allat, Suliniummut pisortap tullia Aviaaja Karlshøj Knudsen saaffigalugu pissarsiari-neqarsinnaapput.

Qinnuteqaatit, CV-t aamma soraarummeernermi pappialat ilanngullugit uunga mailimut: aviaaja@kair.gl kingusinnerpaamik 15. novembari 2019 nassiutikkit.