Qarasaasialerinerup iluani suliniutinik ataqatigiissaarinerup imaluunniit suliniutinik aqutsinerup iluani misilittagaqarlutillu piginnaasaqarpit? Nunat tamalaat akornanni mittarfiit nutaat atorneqalernissaannut piareersaanermik suliassarujussuarmi pingaarutilimmik suleqataasinnaanerit takorloorsinnaaviuk? Taava una takuuk!

 

Kalaallit Airports Holding A/S Nuummi Ilulissanilu nunat tamalaat akornanni mittarfinnik nutaanik sanaartornermi Qaqortumilu nunap immikkoortuani mittarfiup aallartisarnerani siuariangaatsiarsimavoq. Maanna immikkoortoq suliassap mittarfinnik ingerlatsinerup aallartinneqarnissaanut mittarfitsinnilu nutaani ilaasunut iluaqutaalerninssaanut pisariaqartup aallartinneqarfigisassaa sukkasuumik iserfigiartulerparput. Taamaattumik qarasaasialerinermi suliniutinut ataqatigiissaarisumik nukittuumik, mittarfinni nutaani pingasuni qarasaasiarsornikkut suliassanut pilersaarutinik suliaqaqataasussamik kiisalu suliffeqarfissuarmi mittarfiliornermillu suliniutini pingasuni qarasaasialerinermik suliassaqarfik tamaat akimorlugu suliniutinik ataqatigiissaarisussamik, pissarsiorpugut.

 

Atorfimmut nalinginnaasumik nassuiaat

Kalaallit Airports Holding A/S-imi qarasaasialerinermi suliniutinut ataqatigiissaarisutut suliffeqarfiup iluani qarasaasialerinermik aaqqissuussaanitsinnut ilaalissaatit, tassanilu suliassarpassuit qarasaasialerinermut attuumassutillit mittarfiliortiternermik suliniutinut ilaasut suliarineqartarput. Ulluinnarni it-supportimik (1st line) suliaqarneq ullumikkut qarasaasialerinermik suliffeqarfimmit najukkamiittumit avataanit isumagineqartarpoq, suliamullu tassunga akuliunneqarnissat naatsorsuutigineqanngilaq. Qarasaasialerinermi suliniutinut ataqatigiissaarisutut mittarfinni atortunik nutaanik qarasaasialerinikkut piareersaanermut atuilernissamullu atatillugu ingerlatanik attuumassutilinnik tamanik sammisaqassaatit, pilersaarusiussallutit ingerlatsissallutillu. Tamatuma saniatigut aamma suliassaqassaaq, suliffeqarfissuarmi qarasaasialerinermik suliaqarfimmik pioreersumik nutarterinissamik sammisaqarfiusunik.

 

Qullersaqarfipput Nuummi inissisimaffeqarpoq, tassanilu qarasaasialerinermi suliniutinut ataqatigiissaarisoq pingaarnertut suliffeqassaaq. Atorfimmut atatillugu angalangaatsiartarnissaq naatsorsuutigineqassaaq. Ulluinnarni qarasaasialerinermi pisortarput qullersarissavat.

 

Kalaallit Airports Holding A/S suliffeqarfiuvoq pisortanit pigineqartoq, Kalaallit Nunaanni mittarfinnik nutaanik suliniutinik pingasunik, Ilulissani, Nuummi Qaqortumilu, ingerlatsisuusoq. Suliniutit taakkua pisariussusaannit suliassat unammilligassanngortinneqarlutillu tamatigoortunngortinneqarsimapput. Ulluinnaat aaqqissuussaanermi siamasissumik suliassaqarfiillu akimorlugit suliffiusarput, tassanilu  suliniutinik suliaqarneq kiisalu ukiuni aggersuni mittarfinniktaakkuninnga ammaanissaq ingerlatsilernissarlu aamma annertusiartortumik isiginiarneqarlutik.

 

Suliassat pingaarnerit/ piginnaasat:

• Nuummi, Ilulissani Qaqortumilu mittarfiit illutaannut terminalinut ingerlatsinermik pilersitsinissamik suliniummut atatillugu isumalluutitut pingaarutilittut ilaaneq.
• Nuummi mittarfiup illutaani terminalini Qarasaasiarsornikkut aqutseriaatsinik pilersaarusiorneq, soorlu:
  • Checkin systeminik, wayfinding skærminik, tikittussanut aallartussanullu skærminik, suliffiup iluani allaffinni attaveqaatinik, attaveqaatinik silaannakkoortunik, attaveqaatinut allanut il.il. attaveqaatinik.
• Qarasaasialerinerup atuuffiillu allat, assersuutigalugu niuernerpalaartumik suliaqarfimmut, akornanni attavdeqaataaneq.
• Pisariaqartitanik qulaajaaneq, aaqqiissutissanik nassaarniarneq, aalajangiinissanut saqqummiussassanik suliaqarneq il.il..
• Qarasaasialerinermik suliaqarfimmik pioreersumik pisariillisaaneq/nutarterineq.

 

Inuttut ilisarnaatit

Qarasaasialerinerup iluani, ajornanngippallu silaannakkut angallannerup aamma suliniutinik ataqatigiissaarinerup/-aqutsinerup iluanni, misilittagaqarluarnissat pingaartinneqartorujussuussaaq. Ilinniagaqarsimanikkut/suliaqarnikkut tunuliaquttat taakkua iluanniissaaq – ajornanngippallu qarasaasialerinermi atuagarsornermik tunuliaqutaqassallutit. Mittarfinnik imaluunniit mittarfinnik ingerlatsinermik suliaqarnermik misilittagaqarneq piumasaqaataanngilaq, ersarissumilli nukittoqqutaassalluni.

 

Ulluinnarni aaqqissuussaanikkut suliffeqarfiarannguugatta politikkikkut innuttaasullu tungaannit qaffasissumik naatsorsuutigisaqarfiusoq, avatangiisini tamatigoortuni ulluinnarnilu ulapaarfiusuni soqutigisanik assigiinngitsorpassuarnik isumagineqartariaqartunik suliaqarfiusuni ilorrisimaarsinnaanissat sulisinnaanissallu pingaaruteqarpoq.

 

Suliffeqarfimmi suliaqarfiit akimorlugit annertuumik suleqatigiiffiusumi, soqutigisaqartut amerlasuut suleqatigineqarfigisassaanni, aammali isiginiarnearfigisassaanni, tamakkiisumik takunnissinnaassuseqarluassaatit.

Allattariarsornikkut nukittuujunerit erseqqissumik iluaqutaassaaq, suliassap ilangaatsiarsua tassaannat ilisimasanik avitseqatiginninneq, pilersaarusiorneq aamma suliniutini isumalluutinut, suleqatiut aqutsisunullu attaveqarneq.

 

Taamaattumik naatsorsuutigaarput:

• Qarasaasialerinerup suliniutinillu suliaqarnerup iluanni minnerpaamik ukiunik 3-5-inik misilittagaqartutit.
• Qarasaasialerinerup suliniutillu iluanni attuumassutilimmik/pisortatigoortumik ilinniagaqarsimasutit.
• Booking- aamma checkin systemit iluanni misilittagaqartutit.
• Atuisunut allattariarsornikkut oqaluttariarsornikkut attaveqarnermik misilittagaqartutit paasisimasaqarluartutillu.

Ø  Office (Excel, Word, PowerPoint, Projects il.il.) sungiusimalluaritit.

Ø  Aaqqissuulluagaasumik suleriaaseqartutit, pitsaassutsimik eqqumaffiginnittuusutit malartaatsuusutillu.

• Inuinnaat biiliinut (kategori B) biilersinnaanermut allagartaqartutit.
• Tuluttut aamma sapinngitsutit.

 

Neqeroorutigaagut: 

Suliassat pissanganartut ineriartornartullu. Suleqatit pitsaasut. Inuttut piumasaqaatit naapertorlugit akissarsiaqartitaaneq atorfimmi piumasaqaatinut naapertuuttumik. Sulinngiffeqarnerit il.il. sulinngiffeqartarnermut inatsit atuuttoq malillugit pissarsiarineqarlutillu ingerlanneqartassapput, tamatumanili uagut sapaatip-akunneranik ataatsimik immikkut sulinngiffeqartitsisassalluta.

 

Atorfinitsitaanissamut piumasaqaataavoq qarasaasialerinermi suliniutinut ataqatigiissaarisutut Namminersorlutik Oqartussanit isumannaallisaanermi qaffasissutsimut ”HEMMELIGT”-imut akuerineqarsinnaanissat kiisalu akuerisaanermik tamatuminnga atorfeqarnerit tamakkerlugu attassisinnaanissat. Akuerineqarneq pissaaq misissuineq Politiets Efterretningstjenestimik suliarineqartoq tunngavigalugu.

 

Paasissutissat sukumiinerusut pissarsiarineqarsinnaapput it-chef, Ole Lindhardt, mail olli@kair.gl aqqutigalugu.

 

Qinnuteqaatit CV ilanngullugu aamma soraarummeersimanermut uppernarsaatit/allagartat attuumassuteqarnerpaat ilanngullugit HR-eqarfimmut nassiuguk mail xtk@kair.gl aqqutigalugu sapaat 25. juni 2023 nallertinnagu – qinnuteqaatit oqaloqatiginninnerillu ingerlaavartumik isumagineqassapput.