Suliniutinut aqutsineq kissalaarfigaajuk, Kalaallit Nunaannilu mittarfinnik pingasunik pilersitsinissaq suleqataaffigerusullugu? -  taamaappat imaalluarsinnaavoq illit tassaasutit Suliniutinut Aqutsisussarput.

Kalaallit Airports A/S 2016-imi pilersinneqarpoq siunertarpullu tassaavoq Nuummi, Ilulissani Qaqortumilu mittarfinnik sanaartornissaq, piginnittuunissaq aamma ingerlatsinissaq. Ineriartupiloorpugut aammalu suliassanik suliniutinillu amerlasuunik suliaqarluta. Taamaattumik suliniutinut Aqutsisumik, suleqatigiit akornanniilertussamik pisariaqartitsivugut. Allaffipput Nuup qeqqani inissisimavoq.

Ataatsimut isigalugu sullivimmut nassuiaat

Suliniutinut aqutsisoq suliniutinut pisortaatitatta ilaata ataaniissaaq, aammalu ingerlatsinerup siuariartornerata Kalaallit Airports A/S-ip (KAIR-ip) Nuummi, Ilulissani aamma Qaqortumi mittarfiliassatsinnut pisussanut takorluugai siunnerfiilu naapertorlugit ingerlanerani, suliffeqarfiup tamarmi akuutinneqarnissaanut qulakkeereqataassalluni. Tamanna ilaatigut illit suliniutinut pisortamut/suliffeqarfimmut ammasumik  attaveqaqateqarnissamik paasissutissiisarnissamillu pingaartitsinerni, pissaaq. Suliniutini suliaqarneq ataqatigiissaariviusoq inerneqartitsisorlu, tamanna pillugu siulersuisut aalajangiinerinut naapertuuttumik suliaqarnermut, sumiiffiini, teknikkikkut, aningaasaqarnikkut piffissalersuinikkullu killissaliussat atuutsinneqarnerisigut pissasoq naatsorsuutigineqarpoq.

 

Matuma siuliani allassimasut sanatitsisunut siunnersortinut, sanaartugassanik pilersaarusiortussanut siunnersortinut, oqartussanut kiisalu soqutigisaqartunut pingaarnernut allanut tunngatillugu, suliffeqarfiup iluani taamatullu avataani atuutissapput.

 

Suliassatit aalajangersimasut ilaatigut tassaapput:

• Mittarfinnut pingasunut tamaginnut illutassanut il.il. sanaartugassanut pilersaarusiornermut atatillugu sanatitsisutut inissisimaneq.
• Ingerlatseqatigiiffiup ingerlanneqarneranut ineriartortinneqarneranullu tunngatillugu siulersuisut ataatsimiinneranni aalajangiinerit pisortaatitat peqatigalugit malinnaaneq.
• Sanatitsisunut siunnersortimut immaqalu siunnersortinut allanut attaveqarnerni ataqatigiissaarineq aamma ulluinnarni attaveqaataaneq.
• Byggeweb suliniutini ingerlanneqartuni atorlugu – sanatitsisumi neqeroortitsinissamik piareersaanermit ingerlatsilerluni naggasiinissap tungaanut.
• Sanatitsisunut siunnersorti(t), suliniutinut siunnersortit, pilersuisut, aamma entreprenørit suliaqartuusut piffissaliussanut, annertussutsini/pitsaassutsini tunniussinerni aamma akigititani nikingassutaasut/allannguutit ilanngullugit isumaqatigiissuteqarnissanik qulakkeerineq malinnaanerlu. Taakkua pisortaatitanit akuersissuteqarnernut naapertuuttumik malinneqarnissaannik qulakkeerineq.
• Oqartussat akuersissutaannik atugassarititaasunik ilaqartunik pissarsinissamik qulakkeerineq malinnaanerlu, ilanngullugu qinnuteqaatinik, akuersissutinik aamma atugassarititaasunik qarasaasiami paasissutissaasivimmi aaqqissugaasumi suliaqarnikkut passunneqarnerat.

 

Illit ilisarnaatitit

Suliassanik aqutsinermi misilittagaqarluarnissaq pingaartinneqartorujuuvoq. Ilinniagaqarnikkut tunuliaqutatit tassaapput assersuutigalugu ingeniøri imaluunniit ilinniagartooq, tassani inuussutissarsiutigalugu suliniutinik aqutsineq sulinermi ilusiliussatut atorneqarsimassalluni.

Suliffeqarfiugatta aaqqissuussaanikkut annikitsoq, politikerinit taamatullu tamat tungaanniit naatsorsuutigineqarnerput annertulluni, avatangiisini assigiinngisitaartuniittuni ingerlalluarsinnaanissat sulisinnaanissallu aammalu paasinnilluarsinnaassuseqarlutit assigiinngissutsinik akuersaartuusinnaanissat isumaqatiginninniarnermillu paasisimasaqarnissat pingaaruteqarpoq. Taamatuttaaq pingaaruteqarpoq immikkut ittumik sulianut aqutsinermi piginnaasatit aallaavigalugit pisunik aaqqiissutissanillu siamasissumik eqqarsarsinnaassuseqarnissat. Naatsorsuutigaarput, ammallutit suleqatigiit akuleruffigissagitit.

Taassuma saniatigut naatsorsuutigaarput, illit:

• Issittumi sulianik annertuunik aqutsinermi misilittagaqarluassasutit
• Siunnersortinik avataaneersunik suleqateqarnermi annertuumik misilittagaqartutit, aammalu taakkununnga isornartorsiuisumik aalajangersimasumillu isummersinnaassuseqartutit
• Pitsaassutsinik qulakkeerinermik suliaqarnernut annertuumik misilittagaqartutit aammalu qaffasissumik pitsaassusilinnik uppernarsaateqartutit
• Ammasuunissat, pimoorussinissat, isumassarsianut nutaanut ammasuullutillu sungiussiasuunissat
• MS-office-mi ataatsimoortitanik aammalu IT atorlugu periaatsinik assingusunik ulluinnarni atuisuusutit
• Byggeweb ilisimasaqarfigissagit
• Paasissutissiinernik paasissutissanillu nalunaarsukkanik annertoorujussuarnik tulleriissaartumik sulisinnaasutit.
• Tuluttoorluarsinnaasutit

Neqeroorutigaarput: 

Aningaasarsiaqartitsineq atorfimmi piumasaqaatinut naapertuuttumik ataasiakkaanut atugassarititaasut tunngavigalugit pissaaq. Atorfimmut atatillugu inissaqartitsisoqanngilaq.

Sulinngiffeqarneq il.il. Kalaallit Nunaanni sulinngiffeqarnermut inatsit naapertorlugu katersuiffigineqassaaq ingerlanneqassallunilu.

Paasissutissat annertunerusut Pisortaanermut Steffen Ulrich-Lyngemut piniarneqarsinnaapput, uunga steffen@kair.gl, oqarasuaat angallattagaq: +299 554433.

Qinnuteqaatit ingerlaavartumik suliarineqassapput, taamaattumik qinnuteqaatit, CV soraarummeersimanermullu uppernarsaatit ilanngullugit uunga mailimut nassiuguk: steffen@kair.gl kingusinnerpaamik 21.01.2019 nalunaaqutaq 12.00.