Skip to main content
105

Dette jobopslag er udløbet

Kalaallit Airports aningaasaqarnermik ilinniarsimasumik niuillaqqissumik pissarsiorpoq

Niuernermik piorsaanissaq uummateqarfigaajuk nunatsinnilu mittarfissat pingasut pilersinnissaannut suleqataallutit – taava sulisortaarisinnaassavatsigit

 

Kalaallit Airports A/S 2016-imi pilersinneqarpoq siunertaraalu Nuummi, Ilulissani Qaqortumilu mittarfinnik pingasunik sanaartornissaq, piginnittuulluni ingerlatsisuullunilu. Sukkasuumik ineriartorpugut suliassarpassuaqarluta suliniuterpassuaqarlutalu. Taamaattumik aningaasaqarnermik ilinniarsimasumik suleqateqartariaqarluta. Nuup qeqqani allaffeqarpugut.

 

Suliassat nalinginnaasut suuppat

Aningaasaqarnermik ilinniarsimasoq aqutsisoqatigiit aningaasaqarnermut pisortap ataaniittut ilagaat, qulakkeereqataaffigissavaalu Nuummi, Ilulissani Qaqortumilu mittarfiliornissamik suliniummi Kalaallit Airport A/S-ip takorluugaannut anguniagaannullu naleqquttumik ineriartortitsinissaq suliffeqarfik tamarmiusoq akuutillugu. Tamanna ilaatigut pissaaq ammasumik attaveqatigiinnikkut suliffeqarfimmullu paasissutissiisarlutit. Naatsorsuutigineqarpoq ataqatigiissaaraluni inerititaqartumillu sulineq teknikkikkut, aningaasaqarnikkut piffissalersuinikkullu atugassat siulersuisuni aalajangiunneqartut malillugit suliarineqassasoq.

 

Tamakku suliffeqarfiup iluani avataanilu sanaartortitsisup siunnersuisuinut, sulimiummi siunnersortinut, oqartussaasunut allanullu pingaarutilittut soqutigisaqartunut naapertuuttumik ingerlanneqassapput.

 

Suliassavit ilaat makkuupput:

  • Sanaartortitsisutut nalinginnaasutut ataavartumik aningaasaqarnermik aqutsineq aningaasaqarnermut pisortaq qanimut suleqatigalugu ataavartumillu siulersuisunut nalunaarusiortarluni
  • Ataavartumik aningaasaqarnermik nakkutilliineq taarsigassarsiffigisatsinnullu nalunaarusiorneq
  • Aqutsisoqatigiit suleqatigalugit ingerlatseqatigiiffiup ingerlanneqarneranut ineriartorneranullu atatillugu siulersuisuni ataatsimiinnerni aalajangikkanik malitseqartitsineq
  • Mittarfissat ingerlanneqalernissaannut piorsaaneq piareersaanerlu
  • Terminalini niuernernikkut ingerlatsinissamik (akitsuutitaqanngitsunik niuertarfiit il.il.) piorsaallunilu piareersaaneq
  • Nunat tamat akornanni timmisartuutileqatigiinnut mittarfissat ussassaarutiginerannut peqataanissaq
  • Missingersuusiorneq, aningaasat ingerlaarnerannik aqutsineq, sillimmasiinerit, IT il.il.

 

Kinaavit

Suliniutinik aqutsinermi misilittagaqarnissat pingaartinneqassaaq. Naatsorsuuserinermi HD-mik ilinniarsimasinnaavutit imaluunniit aningaasaqarnermi kandidatitut.

Suliffeqarfiugatta mikisoq naalakkersuinermik suliaqartunit innuttaasunillu annertuumik isumalluarfigineqarluta pingaartuuvoq avatangiisini tamatigoortuni sulisinnaanissat akuersaartuullutit isumaqatigiinniarsinnaassuseqarlutillu. Suliniummi aqutsisutut immikkut piginnaasaqarnernut ilanngullugu pissutsit ataqatigiinnerannik takusaqarsinnaallutillu aaqqiisinnaassuseqarnissat aamma pingaartuuvoq. Naatsorsuutigaarput ammalluarlutit suleqatigiinni akuunissat.

 

Taamaattumik makku aamma naatsorsuutigaavut:

  • Suliniutini anginerusuni aqutsinissamik sukumiisumik misilittagaqarnissat
  • Siunnersuisut avataaneersut suleqatiginissaannut sukumiisumik misilittagaqarnissaat taakkununngalu apeqqusiisinnaassuseqarlutillu aalajangiusimasaqarnissat
  • Pitsaassutsimik qulakkeerinissami qaffasissumik sulinermik uppernarsaasiornermillu sukumiisumik misilittagaqarnissat
  • Ammasuunissat, tunniusimallutit, eqaatsumik sulisinnaallutit isummanullu nutaanut ammasuullutit
  • Ulluinnarni MS-officeimik IT-milu assigisaannik atuisuunissat
  • Aaqqissuulluakkamik sulisinnaallutit paasissutissarpassuit atorlugit
  • Tuluit oqaasiinik atuilluarsinnaasutit

 

Neqeroorutigaarput:

Atorfimmi piumasarineqartut naapertorlugit immikkut ittumik akissaateqartitsisoqassaaq. Atorfimmi inissaqartitsisoqanngilaq.

 

Sulinngeqarnissaq Kalaallit Nunaanni sulinngiffeqarnissamut inatsit naapertorlugu ingerlanneqassaaq.

 

Annertunermik paasiniaasoqarsinnaavoq aningaasaqarnermut pisortamut Peter Wistoftimut, mail; peter@kair.gl , oqarasuaat +45 25 42 40 33.

 

Qinnuteqaatut ataavartumik nalilersorneqassapput, qinnuteqaatit CV-mik soraarummeernermullu uppernarsaatinik ilallugu uunga nassiussinnaavat: peter@kair.gl kingusinnerpaamik januaarip 21-ani 2019 nal. 12.0