Skip to main content
131

Dette jobopslag er udløbet

Attaveqaqatigiinnermut siunnersorti

 

Paasissutissiineq attaveqaqaqatigiinnerlu kissalaarfigaagit, paasinartumillu attaveqaqateqallaqqippit?                                                             Attaveqaqatigiilluarnermut isummertaaseqarpit, aammalu paasissutissiinerup attaveqaqateqarnerullu torersumik aammalu piffissaq eqqorlugu suliffeqarfiup iluani avataanilu apuunneqartarnissaannut pimoorussisinnaallutillu piginnaasaqarpit? Taamaappat immaqa illiuvoq Kalaallit Airports A/S-imi suleqatigiligassarput – suliffeqarfik ineriartupiloortoq

 

Kalaallit Airports A/S 2016-imi pilersinneqarpoq siunertarpullu tassaavoq Nuummi, Ilulissani Qaqortumilu mittarfinnik sanaartornissaq, piginnittuunissaq aamma ingerlatsinissaq. Aallaqqaataaniilli aallartilluarpugut, allaffimmilu piginnaasaqartut ilanissaat pisariaqartillugu.  

 

 

 

Ataatsimut isigalugu sullivimmut nassuiaat

Pikkorissumik namminersorsinnaassuseqarluartumillu attaveqaqatigiinnermut siunnersortimik, paasisimaarinnissinnaassuseqartumik aamma soqutiginnittunut tamaginnut pitsaasumik sioqqutaarisumillu attaveqaqatiginninnermik isumaginnissinnaasumik, sulisussarsiorpugut. Naatsorsuutigineqarpoq pisunik sioqqutaaralutit iliuuseqarsinnaasutit iluuseqartassasutillu, taamaalilluni paasissutissat pingaaruteqartut siulersuisunut piginnittunullu toqqissisimanartumik apuunneqartassallutik. Attaveqaqatigiinnermut siunnersortitut amerlasuunut attaveqartassaatit suliassallu assigiinngitsorpassuit suliarisassallugit, taamaattumik piffissamik suliassanillu pingaarnersiuisinnaanissat ingerlaavartumik pisariaqartinneqartussaavoq.

Suliffimmi pisut sukkasoorujummik ingerlasarput, suliallu pitsaassusaannut tunngatillugu annertuumik piumasaqaateqarfiuvoq, suliassanik naammassinninnissamut piffissaliussaq sivikissinnaasarluni, taamaattumik unammillernartunik nuannarisaqarnissat piffissarlu eqqorlugu naammassinnissinnaanissamut kajumissuseqarnissat pingaaruteqarpoq. Suliffeqarfeerannguugatta allanngorartuartoq, allanngortoqarnissaa piareersimaffigigukku, aammalu attaveqaqatigiinnermi ilusiliinernik sunniuteqarluartunik ingerlaavartumik pilersitsineq pingaartitarigukku, iluaqutaassaaq. 

Atorfik Pisortaanerup ataani inissisimavoq.

Akisussaaffik suliassallu:

  • Siulersuisunut, pisortaqatigiinnut aamma suliassani suliniutit pisortaannut attaveqaqatigiinnikkut ikiuullutit siunnersuineq, unammilligassaqartitsineq tunniussaqartarnerlu aamma oqaluttuassanik nuannersunik, ilanngullugit attaveqaqatigiinnermut pilersaarutinik, tusagassiuutitigut nalunaarutinik, nittartakkami allagarsiissutinik il.il. suliaqarneq.
  • Kair.gl ineriartortillugu, ataqatigiissarivigalugu soqutiginnittut tamarmik nittartakkap sunniuteqarluartuunissaanik naatsorsuutigisaqarnerannut naapertuuttumik.
  • Suliffeqarfiup siulersuisullu akimorlugit pitsaasumik attaveqaqatigiinnerit tapersersorlugit aqqutissiuullugillu – ilaatigut nutaarsiassanik ingerlaavartumik allaaserisaqarnikkut aaqqissuinikkullu
  • Innuttaasunik peqataatitsinermi pitsaasumik attaveqaqatigiinnissamut ineriartortitseqataaneq, ilanngullugu digitaliusumik
  • Allaffissornerup aammalu ulluinnarni suleqatigiinnerup aamma allaffimmi uumaarissuunerup nalinginnaasumik ineriartortinneqarnerani peqataaneq

Qinnuteqartoq piukkunnaatilik

  • Attaveqaqatigiinnermi suliassani annertunerulaartullu sapinngilai
  • Siunnerfigineqartut, soqutiginnittut aamma attaveqaqatigiinnermi aqqutissat eqqumaffigai
  • Internettimi aamma inuit attaveqaqatigiittarfiini sungiussisimalluarpoq
  • Politikkimut aaqqissuussaanermullu paasisimasaqarpoq aammalu aaqqissuussaanermi politikkikkut aqunneqartumi ingerlalluarsinnaavoq
  • Atassuteqallaqqissoq – suleqatinut, tusagassiuutinut, innuttaasunut suleqatigisanullu
  • Naleqquttumik ilinniagartuutut ilinniagaqarsimavoq (ass. tusagassiortoq imaluunniit cand.comm.)
  • Suleqatinut, siulersuisunut suleqatigisanut allanullu soqutigisaqartunut qanimut suleqatiginnillaqqissoq

Neqeroorutigaarput: 
Suliffik pissanganartoq unammillernartorlu annertuumillu akisussaaffeqarfiusoq. Suleqatit pimoorussisut, tamarmillu suliamut tunniusimasut.

Aningaasarsiaqartitsineq atorfimmi piumasaqaatinut naapertuuttumik ataasiakkaanut atugassarititaasut tunngavigalugit pissaaq. Atorfimmut atatillugu inissaqartitsisoqanngilaq.

Paasissutissat annertunerusut Pisortaanermut Steffen Ulrich-Lyngemut piniarneqarsinnaapput, uunga  steffen@kair.gl, oqarasuaat angallattagaq: +299 554433.

Qinnuteqaatit ingerlaavartumik suliarineqassapput, taamaattumik qinnuteqaatit, CV soraarummeersimanermullu uppernarsaatit ilanngullugit uunga mailimut nassiuguk: steffen@kair.gl kingusinnerpaamik 21.01.2019 nalunaaqutaq 12.00.