Skip to main content
89

Dette jobopslag er udløbet

Attaveqaqatigiinnermi pisortaq

Kalaallit Airports Holding A/S attaveqaqatigiinnermi pisortatut atorfimmik nutaamik pilersitsivoq, Kalaallit Nunaanni sanaartornermi suliniut annerpaaq pillugu paasissutissiisartussamik, aamma suliffeqarfimmi attaveqaqatigiinnerup ineriartorneranut tuniseqataasussamik, suliffeqarfiup iluani aamma avammut.

Kalaallit Airports Holding A/S-ip siunertaraa Nuummi, Ilulissani, Qaqortumilu nunanut assigiinngitsunut mittarfiit nutaat pilersaarusiornissaat, sanaartortinnissaat aamma ingerlannissaat. Suliat aallartilluareerput taamaammallu attaveqaqatigiinnermi pisortamik pissarsiorpugut, suliffeqarfiup tamatigoortumik attaveqaqatigiinnermut pisariaqartitaanik suliaqartussamik.

 

Nalinginnaasumik suliassap allaaserineqarnera

Kalaallit Airports ingerlatseqatigiiffissuani attaveqaqatigiinnermut pisortatut suleqatigiinnut ilaassaatit, kisianni pisortanut toqqaannartumik atassaatit. Suliassat assigiinngitsorpassuupput, paasissutissiinernit aamma innuttaasunik ataatsimiitsitsinernit, attaveqaqatigiinnermi politikkinik aamma siunissaq ungasinnerusoq eqqarsaatigalugu iliuusissanik ineriartortitsinermut.

 

Kalaallit Airports Holding A/S suliffeqarfiuvoq minnerusoq, Kalaallit Nunaanni sanaartornermi suliniutit annersaanik suliaqartoq. Suliniutit katitigaanerisa kinguneraat, suliassat unammillernartuunerat aamma tamatigoornerat. Ulluinnarni suliaqarfiit arlallit suleqatigiinnerannik sammisassaqartitsivoq, pisortat, soqutigisaqaqatigiit, pisortaqarfiit, innuttaasut il. il. eqqarsaatigalugit.

 

Suliassat/piginnaasat pingaarnerit:

  • attaveqaqatigiinnermut politikkimik, iliuusissanik aamma pilersaarusiornermik suliaqarneq,
  • attaveqaqatigiinnermi suliassanik KAIR-ip soqutigisaanut naleqquttunik pilersaarusiorneq aamma suliaqarneq,
  • attaveqarnermi sakkunik sananeq aamma ineriartortitsineq, soorlu attaveqaqatigiinnermut siaruarterivinnik, paasissutissiinermi videunik, radiukkut aallakaatitanik naatsunik, nittartakkakkut assiliissutinik (webcam) il. il. pilersitsineq,
  • innuttaasunut paasissutissiinernik pilersaarusiorneq aamma ingerlatsineq, kiisalu paasissutissat allat naleqquttut KAIR-ip soqutigisaanut naleqquttut,
  • attaveqaqatigiinnerup pilersaarusiornerata siumut isigisuuneranik aamma suliniutit piffissamut pilersaarutaat naleqqiullugit piffissaq eqqorlugu paasissutissiinermik qulakkeerinninneq.

 

Illit piginnaasutsinnut piumasaqaatit

Suliffeqarfiup aaqqissuunneranik pilersaarusiornerup iluani misilittagaqarnissaq aamma titartaganngorlugu takussutissiinerup/nutaaliorsinnaanerup iluani sulianik naammassisaqarnermut piginnaasaqarnissaq annertuumik pingaartinneqarpoq. Suliniaqatigiiffimmit imaluunniit suliffeqarfimmit iliuusissat naapertorlugit attaveqaqatigiinnerup iluani misilittagaqarputit.

Suliffeqarfiugatta minnerusoq, politikikkut ingerlataqartunit aamma inunnit amerlanernit annertuumik isumalluarfigineqartoq, avatangiisini tamatigoortuni ulluinnarni ulapiffiusuni iluarisimaarnissat aamma iluatsilluarsinnaanissat, pingaaruteqarpoq.

Suliffeqarfimmi sulianik naammassisaqarniarnermi imaluunniit avataanit ukkatarineqarnermi ilaatigut ulapiffiusinnaasumi, tamaat ataatsimut isigisinnaassavat.

Taamaammat naatsorsuutigaarput illit:

  • piviusumik attaveqaqatigiinnermut iliuusissanik suliaqarnermik misilittagaqartutit piviusunngortitsisinnaasutillu
  • inoqatinut attaveqaatit attaveqaqatigiinnermi iliuusissat ilaattut atussallugit sulinermi misilittagaqartutit
  • allattarissanut pikkorissuusutit aamma paasissutissinneqartunut ersarissumik naleqquttumillu oqaaseqarsinnaasutit/nalunaaruteqarsinnaasutit
  • nutaaliortumik eqqarsartartutit aamma isumassarsiat pitsaasut tusarliussatut timitalersinnaagitit.

 

Uagut neqeroorutigaarput: 

Akissarsiat atorfimmi piumasaqaatinut naleqquttut, inunnut ataasiakkaanut atugassarititaasunut naapertuisut. Atorfik sulisunut inissalernagu inuttassarsiuussisoqarpoq.

Sulinngiffeqarneq il. il. katersorneqassapput aamma atorneqassapput Kalaallit Nunaanni sulinngiffeqarnermut inatsit naapertorlugu.

Paasissutissat suli allat, Suliniummut pisortap tullia Aviaaja Karlshøj Knudsen saaffigalugu pissarsiarineqarsinnaapput.

Qinnuteqaatit, CV-t aamma soraarummeernermi pappialat ilanngullugit uunga mailimut: aviaaja@kair.gl kingusinnerpaamik 15. novembari 2019 nassiutikkit.