Kalaallit Arsaattartut Kattuffiat pissanganartumik inissisimavoq, suliassanik pissanganartorpassuarnik ineriartorfiusinnaasunillu tunniussassaqarluni.

Atorfik piumasaqarfiusoq soqutigigukku, aaqqissuussinissamut, suleqatigiinnissamut ineriartortitsinissamullu periarfissiivoq.

Kalaallit Nunaanni pissartanngorniunnernut aammalu nunanut allanut unammisartut angalanerannut atatillugu angalangaatsiartarnissaq naatsorsuutigineqassaaq.

Allaffimmiup akisussaaffii:

●      Meeqqanut inuusuttunullu suliniutissaliornerit

●      Ilinniutinik ataavartitsineq inerisaanerillu

●      Kattuffiup suliassat tulleriiaagaasa suliarineri

●      KAK-p ingerlataasa ataqatigiissaarnissaat.

●      KAK-p siulersuisuinut imaqarniliortuuneq.

●      KAK-mi siunnersortit marluusut suleqatigalugit assigiinngitsunik nalunaarusiornissaq nassuiaasiortarnissarlu.

●      Kalaallit Arsaattartut Kattuffianut atatillugu allaffissornikkut suliassat.

●      Peqatigiiffinnut atatillugu suliassat allat.

●      KAK-p inuit naapittarfiini attaveqaataasa isumagineqarnerat.

●      Suliassat takkussuuttut naammassigasuagassat.

 

Naatsorsuutigaarput:

●      Aaqqissugaasumik suleriaaseqarnissat, immikkuualuttunut eqqummaarinnissat kiffartuussinissamullu pingaartitsisuunissat.

●      Peqatigiiffilerinermik ilisimasaqarnissat

●      Aalajaatsuunissat.

●      Qarasaasialerinermut piginnaasaqarluarnissat

●      Kalaallisut danskisullu kiisalu ilaatigut tuluttut oqaluttuunissat.

●      Nammineersinnaallutit tamatigoortumik sulisarnissat.

●      Suleqatikkuminartuunissat avammullu ammasuunissat.

 

Akissarsiat atorfeqarnermilu atugassarititaasut:
Piginnaasat naapertorlugit akissarsiaqartitsisoqassaaq atorfeqarnermilu atugassaqartitsisoqarluni.

Atorfininnermi qammatini pingasuni misiliutaasumik atorfinitsitsisoqassaaq.

Ineqarneq:
Atorfimmut atatillugu inissamik neqerooruteqartoqarsinnaanngilaq.

Qinnuteqarnissaq:
Qinnuteqaat ”Siunnersortitut qinnuteqarneq” nalunaaqutserneqassaaq ilinniagaqarsimanermut siusinnerusukkullu sulisimanermut paasissussanik ilallugu soraarummeersimanermut uppernarsaatit il.il. allaffeqarmut qinnuteqarfissap naanissaa sioqqullugu nassiunneqassapput.

Imatut qinnuteqassaatit:
Qinnuteqaatit qaraasiatigut mail atorlugu nassiunneqarnissaat kissaatigineqarneruvoq, tassani qinnuteqaatit CV-llu ilanngullugit nassiutissavatit. Qinnuteqaat uunga nassiunneqassaaq ng@kak.gl

Qinnuteqarnissamut killissarititaasoq: 
16. april 2023

Sulilernissaq:
1. juni 2023 imal. isumaqatigiissuteqarnikkut

Piffissaq suliffiusoq:
Piffissaq tamaat atorfiuvoq aamma allaffeqarfimmi aqutsisoq qanimut nalunaarusiorfigisassavaa. Qaangiuttoortarnissaq piffissap ilaani naatsorsuutigineqartariaqarpoq.

Sukumiinerusumik paasissutissat:  
Atorfik pillugu sukumiinerusumik paasissutissanik pissarsiniartoqarsinnaavoq allaffeqarfimmut saaffiginninnikkut +299 348161 aqqutigalugu sianernikkut imaluunniit ng@kak.gl atorlugu mailikkut saaffiginnilluni.

 

Kalaallit Arsaattartut Kattuffiat