Skip to main content
96

Dette jobopslag er udløbet

Iserit A/S Nuummi Tekniker-issarsiorpoq

Iserit A/S Nuummi allaffeqarfitsinnut piaartumik atorfinissinnaasumik misilittagaqarsimasumillu Tekniker-issarsiorpoq. Atorfik nammineersinnaasumut assigiinngitsunik suliassaqarfiuvoq, suliassallu ilaatigut tassaallutik Nuup illoqarfittaani nunaqarfittaanilu inissiaatinut ulluinnarni ingerlatsinermik aserfallatsaaliuinernillu akisussaaffeqarneq.

 

Suliassat tungaasigut inuttullu unammilligassat arlaqaqisut assigiiaanngeqisullu Iserit A/S-imit neqeroorutigineqarput. Nuummi, Tasiilami Paamiunilu atorfeqartugut tunniusimasut 32-iuvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaa-saqarluassaaq qiimasuussallunilu.

 

Tekniker-itut atorfik:
Kiffartuussisussatut suliffeqarfiugatta sullitavut - attartortuuppata imaluunniit suleqatigisarigutsigit soorunami tamaasa qitiutittussaavagut.

 

Ulluinnarni ulapaarfiusuni, assigiiaanngeqisuni pissanganartunilu Tekniker-itut suleqataassaatit, sulinermilu kiffartuussinermut pingaartitsineq, nammineersinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataassallutik.

 

Suliassatit pingaarnerit makkuussapput:

·       Nutarterinermut pilersaarutit sanaqqiinerillu suliakkiinissamut tunngaassutilinnut pilersaarusiornerit.

·       Suliassinneqartartunut isumaqatigiissuteqaqatigiinnissat

·       Sanaartornermi aqutsinerit; uani suliassanik misissuilluarnissaq, suliatigullu tunniussinerit ingerlallugit, misissuilluarnissarlu

ukioq ataaseq, tallimallu nallerneranni.

·       Sanaartornerni iluarsaassinermilu aningaasanik aqutsineq

·       Iluarsaassinerit aserfallatsaaliuinerillu pilersaarusiornissaat nakkutiginissaallu

·       Inissiaatinut aserfallatsaaliuinermut pilersaarutit ingerlatsinermullu piareersaanerit.

·       Teknikkikkut ingerlassat tungaasigut missingersuusiornernut missingersuutinillu nakkutilliinermut ilanngussassanik piareer-saanerit.

·       Sillimmasiinermi suliassanut isumaginninneq.

 

Sulininni allaffimmi allaffiullu avataani sulisariaqartassaatit, attartortunullu, suleqatigisatsinnut, avataanit sullitatsinnut pisortaqarfinnullu qanimut attaveqartussaassaatit, taamaammallu eqaatsumik sulisinnaaneq kiffartuusserusullunilu pissuseqarnissaq pingaaruteqarluinnarpoq. Ataatsimiittarnerit suliffiup naliginnasup avataatigut pisoqartanissaa naatsorsuutigineqassaaq.

 

Naatsorsuutigaarput:

·       Ilinniagaqartussaassaatit Ingeniøri-tut, Illuliornermi teknikeritut, Illuliornermi konstruktøritut imaluunniit allatigut attuumassuti-limmik tunuliaquteqassaatit, allaffissornikkullu pikkorissuseqassaatit imaluunniit misilittagaqarsimasoq.

·       Naliginnaasumik Microsoft Office-ip atornissaanik sungiussisimassaatit.

·       Pitsaassutsinik akisussaaffimmik ilisimannissaatit, aalajangersimasuussaatit nammineerlutillu sulisinnaanermik nuannarissa-qarlutit. Saniatigullu suliassat pilersaarusiornissaannut piviusunngortinnissaannullu piginnaassuseqassallutit.   

·       Inussiarnersumik pissuseqarlutillu ammasumik kiinnertuussaatit, inuillu assigiinngitsut akornanni akaareqatigiinneq tunngavi-galugu sulisinnaassaatit.

·       Suleqataalluarlutillu suleqatikkuminartuussaatit – suleqativit akornanni suleqatigisallu avataaneersut akornanni.

·       Naatsorsuutinik missingersuusiorsinnaassaatit aningaasaqarnikkullu aqutsinermik misilittagaqarsimassallutit.

·       Allakkatigut oqaloqatigiinnikkullu oqaasiliullaqqittuussaatit, marlunnillu oqaaseqartuullutit - kalaallisut danskisullu.

 

Uagut neqeroorutigisinnaavagut:

·       Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartut.

·       Ineriartornissaq inutttut sulianullu tungaatigut.

·       Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

 

Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqussut, inimut akiliutissat il.il. akilerneqartassapput.

 

Atorfinitsitsisoqassaaq 1. januar 2021 imaluunniit isumaqatigiissuteqarneq tunngavigalugu.

 

Atorfik pillugu annertunerusumik paasisaqarusukkuit saaffiginnissinnaavutit uunga HR-mi pisortaq Betina B. Nornild, oqarasuaat: + 299 36 30 08 / e-mail: beb@iserit.gl. Atorfinitsitsinissamut saqqummiussaq nittartakkatsinni aamma takuneqarsinnaavoq: www.iserit.gl

 

Qinnuteqaatit ”Tekniker, Nuuk”-mik qulequtserlugu, CV-t ilanngussassallu pisariaqartut ilanngullugit uunga nassiutissavat:          

                                                                                                                                                Iserit A/S
Postboks 1539
3900 Nuuk
Mail: job@iserit.gl

 

 

Qinnuteqarfissap killinga:
Ataasinngorneq ulloq 7. december 2020.                                            

 

www.iserit.gl iserfigalugu Iserit A/S-imut tunngasunik paasisaqarnerusinnaavutit.