Skip to main content
130

Dette jobopslag er udløbet

Iserit A/S Nuummi Naatsorsuuseriffitsinnut Naatsorsuutinik suliaqartumik (erninermut atatillugu sulinngiffeqartumut paarlatsimik atorfinitsinneqarnissamut periarfissartalimmut) pissarsiorpoq

Iserit A/S Nuummi Naatsorsuuseriffitsinnut Naatsorsuutinik suliaqartumik misilittagalimmik erninermut atatillugu sulinngiffeqartumut paarlattaasussamik (atorfinitsinneqarnissamut periarfissartalimmut) pissarsiorpoq. Atorfik pineqartoq nammineq ingerlatsiffiusoq assigiinngitsunik suliassaqarfiuvoq, inuttut suliatigullu unammillernartorsiorfiusoq.

 

Nuummi, Tasiilami Paamiunilu agguataarluta sulisut pimoorussisut 35-uvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaasaqarluassaaq qiimasuussallunilu.

 

Naatsorsuutinik suliaqartutut atorfik:

Ulluinnarni ulapaarfiusuni, assigiiaanngeqisuni pissanganartunilu Naatsorsuutinik suliaqartutut suleqataassaatit, sulinermilu kiffartuussinermut pingaartitsineq, nammineersinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataapput. 

 

Suliassatit pingaarnerit makkuussapput:

·       Ullormut naatsorsuutinik ingerlatsineq

·       Akiitsugaqarfitsinnut naatsorsuutinik ingerlatsineq

·       Kontunik naligiissaarinerit misissuinerillu

·       Akiligassanut akiliussinerit

·       Naatsorsuuserivimmi suliassat assigiingitsut

 

Piginnaasatit:

  • Naleqquttumik naatsorsuuserinermi ilinniagaqarsimavutit
  • Naatsorsuutinik ingerlatsinerit, kontunik naligiissaarinerit paasiniaaqqissaarnerillu misilittagaqarfigaatit
  • Pitsaassutsimik akisussaassutsimillu ilisimaarinnipputit, sunniuteqarluarsinnaavutit namminersorlutillu sulinermik nuannarisaqarlutit. Suliassat pilersaarusiornissaannut piviusunngortinnissaannullu piginnaassuseqarfigaatit
  • Oqaluttariarsornikkut allattariarsornikkullu attaveqallaqqissuuvutit
  • Kisitsisilerinermut, aningaasaqarnermut IT-mullu piginnaaneqarluarputit - tassunga ilanngullugu Excelimik atuinissaq ilisimasaqarfigilluarlugu
  • Tamakkiisumik marlunnik oqaaseqarputit (kalaallisut - qallunaatut)

 

Inuttut piginnaasatit:

Nuannaartuuvutit, ilakkuminartuuvutit inunnullu assigiinngitsorpassuarnut attaveqateqarluarsinnaallutit. Sulisussatut pissarsiariniagarput tassaavoq aaqqissuussillaqqissoq, aaqqiissutissanik atorluarsinnaasunik siunnerfilinnillu ilisimasaqarluartoq, sullitatsinnut suleqatitsinnullu pitsaasumik ikiorsiillunilu sullissilluarsinnaasoq.

 

Neqeroorutigaavut:

  • Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartussaasut
  • Piginnaasatit naapertorlugit akissarsiat soraarnerussutisiaqalernissamullu aaqqissuussineq allanut unammillerluarsinnaasut
  • Suliatigut inuttullu ineriartorneq
  • Soraarnerussutisiaqalernissamut aaqqissuussineq peqqinnissamullu sillimmasiineq

 

 

Atorfimmut atatillugu inissaqartitsivugut, tassungalu maleruagassat atuuttut naapertorlugit qularnaveeqqut, ineqarnermut akiliutit il.il. akilerneqartassapput.

 

Ulloq 1. september 2022 atorfinitsitsisoqassaaq isumaqatigiissuteqarnikkulluunniit. Suleqatissarput eqqortoq utaqqisinnaalluarparput. 2023-p aasaanerata tungaanut erninermut atatillugu sulinngiffeqartumut paarlattaasoqassaaq, atorfininnissaq periarfissaassaaq illuatungeriinnit kissaatigineqarpat.

 

Atorfik pillugu sukumiinerusumik paasisaqarusukkuit saaffigisassat tassaavoq Teamleder Hansignaaraq Boassen, oqarasuaat +299 36 30 14 mailikkullu hab@iserit.gl imaluunniit Sulisoqarnermut Pisortaq Betina B. Nornild oqarasuaat + 299 36 30 08 / mail: beb@iserit.gl. Aamma atorfimmut inuttassarsiuussineq nittartakkatsinni takuneqarsinnaavoq: www.iserit.gl

 

Qinnuteqaatit ”Naatsorsuutinik suliaqartoq, Nuuk”-mik qulequtserlugu, CV ilanngussassallu pisariaqartut ilanngullugit uunga nassiutissavatit:    

                                                                                                          Iserit A/S

                                                                                                          Postboks 1539

                                                                                                          3900 Nuuk

Mail: job@iserit.gl

                  

                   Qinnuteqarnissamut killigititaq: Tallimanngorneq ulloq 15. juli 2022               

 

Aamma nittartakkatsinni sulisussarsiorneq takuuk www.iserit.gl, tassani aamma Iserit A/S-imut tunngasunik paasisaqarnerusinnaavutit.