Skip to main content
120

Dette jobopslag er udløbet

Iserit A/S Nuummi inspektør-issarsiorpoq

Iserit A/S sullissinermi pitsanngorsaanissamik kissaateqarpoq, taamaammat Nuummi piaartumik atorfinissinnaasumik inspektør-issarsiorpoq. Atorfik nammineersinnaasumut assigiinngitsunik suliassaqarfiuvoq, suliassallu ilaatigut tassaallutik Nuup illoqarfittaani nunaqarfittaanilu inissiaatinut ulluinnarni ingerlatsinermik aserfallatsaaliuinernillu akisussaaneq.

 

Nuummi, Tasiilami Paamiunilu atorfeqartugut tunniusimasut 30-iuvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaasaqarluassaaq qiimasuussallunilu.

 

Nuummi inspektør-itut atorfik:

Kiffartuussisussatut suliffeqarfiugatta sullitavut - attartortuuppata, inissiaateqarfinni siulersuisuuppata imaluunniit inissiaatinik piginnittuuppat soorunami tamaasa qitiutittussaavagut.

 

Ulluinnarni ulapaarfiusuni, assigiiaanngeqisuni pissanganartunilu inspektør-itut suleqataassaatit, sulinermilu kiffartuussinermut pingaartitsineq, nammineersinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataapput.

 

Suliassatit pingaarnerit makkuussapput:

  • Iluarsaassinerit aserfallatsaaliuinerillu pilersaarusiornissaat nakkutiginissaallu.
  • Sullissisut avataaneersut sulinerini malinnaaviginissaat nakkutiginninnissarlu.
  • Attartortitat teknikkikkullu atortorissaarutit nakkutiginissaat.
  • Inissiat qimanneqarnerini iserterfigineqarnerinilu misissuisarnissat.
  • Ingerlatsinermut aserfallatsaaliuinernullu pilersaarusiortarnissat.
  • Attartortunut inissiaateqarfinnilu siulersuisunut attaveqarnissaq.
  • Allakkiornissaq paasissutissanillu aaqqissuussivikkut nalunaarsuinissaq
  • Teknikkikkut ingerlassat tungaasigut missingersuusiornernut missingersuutinillu nakkutilliinermut ilanngussassanik piareersaanerit.
  • Annikitsunik annertuunilluunniit aserfallatsaaliuinissanut suliarinnittussarsiornerit, isumaqatigiissusiornerit, nakkutilliinerit ingerlanneqartullu nalaanni qullersatut inissisimanissaq.

 

Sulininni allaffimmi allaffiullu avataani sulisariaqartassaatit, attartortunullu, inissiaateqarfinni siulersuisunut, avataanit sullitatsinnut pisortaqarfinnullu qanimut attaveqassaatit, taamaammallu eqaatsumik sulisinnaaneq kiffartuusserusullunilu pissuseqarnissaq pingaaruteqarluinnarput.

 

Naatsorsuutigaarput:

  • Ilinniagaqartuussaatit illuliornermi teknikeritut / teknikkikkut assistent-itut, ingeniør-itut, illuliornermi konstruktør-itut, imaluunniit allatigut assarsorlutit sulinermik ilinniagaqarsimanissat allaffissornikkullu misilittagaqarlutit.
  • Microsoft Office-ip naliginnaasumik atornissaanik sungiussisimassasutit, matuma ataani Excel-i.
  • Marluinnik oqaaseqassaatit – oqallorillutit kalaallisut qallunaatullu.
  • Oqaatsit illugiinnut oqaasiliullaqqissuussaatit allakkatigut oqaatsitigullu
  • Pitsaassutsinik akisussaaffimmillu ilisimasaqassaatit, aalajangersimasuussaatit namminersortumillu sulisinnaaneq nuannaralugu. Saniatigullu suliassat pilersaarusiornissaannut piviusunngortinnissaannullu piginnaassuseqarlutit.  
  • Inussiarnersumik pissuseqarlutillu ammasumik kiinnersuussaatit, inuillu assigiinngitsut akornanni akaareqatigiinneq tunngavigalugu sulisinnaallutit.
  • Suleqataalluarlutillu suleqatikkuminartuussaatit – suleqativit akornanni suleqatigisallu avataaneersut akornanni.
  • Naatsorsuutinik missingersuusiorsinnaassaatit aningaasaqarnikkullu aqutsinermik misilittagaqalaarsimassallutit.

 

Uagut neqeroorutigisinnaavagut:

  • Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartussaasut.
  • Suliat tungaasigut inuttullu ineriartornissaq.
  • Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

 

Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqut, inimut akiliutissat il.il. akilerneqartassapput.

 

Atorfinitsitsisoqassaaq 1. marts 2019, imaluunniit isumaqatigiissuteqarneq tunngavigalugu. Suleqatissarpulli eqqortoq utaqqissavarput.

 

Atorfik pillugu annertunerusumik paasisaqarusukkuit saaffigisassat tassaavoq Ingerlatsinermut aqutsisoq Ane-Birgithe Pedersen, oqarasuaat:+ 299 36 30 10 / e-mail: abp@iserit.gl - imaluunniit Ingerlatsinermut siunnersorti Betina B. Nornild, oqarasuaat: + 299 36 30 08 / e-mail: beb@iserit.gl. Atorfinitsitsinissamut saqqummiussaq nittartakkatsinni aamma takuneqarsinnaavoq: www.iserit.gl

 

Qinnuteqaatit ”Inspektør, Nuuk”-mik qulequtserlugu, CV-t ilanngussassallu pisariaqartut ilanngullugit uunga nassiutissavat:                     

Iserit A/S

Postboks 1539

3900 Nuuk

Mail: job@iserit.gl

Qinnuteqaat kingusinnerpaamik sapaammi 10. februar 2019 tigoreersimassavarput.                                                                                          

www.iserit.gl iserfigalugu Iserit A/S-imut tunngasunik paasisaqarnerusinnaavutit.