Skip to main content
89

Dette jobopslag er udløbet

Iserit A/S Nuummi Illussanik Uuttortaasarnermut Suliniutinut Aqutsisussarsiorpoq imaluunniit Sanaartornermik Siunnersortissarsiorpoq

Iserit A/S Nuummi allaffeqarfitsinnut piaartumik atorfinissinnaasumik misilittagaqarsimasumillu Illussanik Uuttortaasarnermut Suliniutinut Aqutsisussarsiorpoq imaluunniit Sanaartornermik Siunnersortissarsiorpoq.

 

Atorfik nammineersinnaasumut assigiinngitsunik suliassaqarfiuvoq, suliassallu ilaatigut tassaallutik Nuup illoqarfittaani nunaqarfittaanilu inissiaatinut ulluinnarni ingerlatsinermik aserfallatsaaliuinissamullu pilersaarusiornernik akisussaaffeqarneq.

 

Suliassat tungaasigut inuttullu unammilligassat arlaqaqisut assigiiaanngeqisullu Iserit A/S-imit neqeroorutigineqarput. Nuummi, Tasiilami Paamiunilu atorfeqartugut tunniusimasut 32-uvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaa-saqarluassaaq qiimasuussallunilu.

 

Illussanik Uuttortaasarnermut Suliniutinut Aqutsisutut imaluunniit Sanaartornermik Siunnersortitut atorfik:

Kiffartuussisussatut suliffeqarfiugatta sullitavut attartortuuppata imaluunniit suleqatigisarigutsigit soorunami tamaasa qitiutittussaavagut.

 

Ulluinnarni ulapaarfiusuni, assigiiaanngeqisuni pissanganartunilu Uuttortaasarnermut Suliniutinut Aqutsisutut imaluunniit Sanaartornermik Siunnersortitut suleqataassaatit, sulinermilu kiffartuussinermut pingaartitsineq, nammineersinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataassallutik.

 

Sulininni allaffimmi allaffiullu avataani sulisariaqartassaatit, attartortunullu, suleqatigisatsinnut, avataanit sullitatsinnut pisortaqarfinnullu qanimut attaveqartussaassaatit, taamaammallu eqaatsumik sulisinnaaneq kiffartuusserusussuseqartumillu pissuseqarnissaq pingaaruteqarluinnarpoq. Ataatsimiittarnerit suliffiup naliginnasup avataatigut pisoqartanissaa naatsorsuutigineqassaaq.

 

Teknikkeqarnermi ingerlatsisoq sullinneratigut piginnaaneqarluartut suleqatigilissavatit tassaasut Teknikerit, Ingerlatsinermut Aqutsisoq, Nakkutilliisut Ejendomsmesterillu.

 

Suliassatit pingaarnerit makkuussapput:

·       Pilersaarutinut DV-nut PPV-nullu atatillugu neqeroortitsinermut atugassanik suliaqarnerit.

·       Sanaartornermi aqutsinerit; uani suliassanik misissuilluarnissaq, suliatigullu tunniussinerit ingerlallugit, misissuilluarnissarlu ukioq ataaseq, tallimallu nallerneranni.

·       Inissiaatinut DBD-mi (toqqorsivik digitaliusoq) sanaartorneq pillugu paasissutissanik nutarterinerit.

·       Sillimmasiinermi suliassanik isumaginninneq.

·       Isugutak oqullu pillugit sulianik isumaginninneq.

·       Neqeroorutinik aallernerit suliassinneqartartullu isumaqatigiissuteqarfigilioqatigineri.

·       Sanaartornerni iluarsaassinermilu aningaasanik aqutsineq.

·       Teknikikkut ingerlassat tungaasigut missingersuusiornernut missingersuutinillu nakkutilliinermut ilanngussassanik piareer-saanerit.

 

 

Naatsorsuutigaarput:

·       Ilinniagaqartussaassaatit Ingeniøri-tut, Illuliornermi teknikeritut, Illuliornermi konstruktøritut imaluunniit allatigut sanaartornermut attuumassutilimmik tunuliaquteqassaatit, soorlu Sanasutut assigisaanilluunniit.

·       Teknikikkut siammasissumik misilittagaqarluarputit, tamatumunnga ilanngullugu aserfallatsaaliuinissamullu pilersaarusiortarnernik sanaartornermullu sulianik isumaginnittarnernik.

·       Sanaartornermi suliniutinik aqutsineq kiisalu suliassinneqartartunik sanasunillu aqutsineq misilittagaqarfigaatit.

·       Eqeersimaartuuvutit, ilusilersuillaqqissuuvutit aaqqissuussinissamullu piginnaasaqarluarlutit ulapaarfiusuni tamakkiisumik isiginnissinnaallutit.

·       Pitsaassutsinik akisussaaffimmik ilisimannissaatit, aalajangersimasuussaatit nammineerlutillu sulisinnaanermik nuannarisa-qarlutit. Saniatigullu suliassat pilersaarusiornissaannut piviusunngortinnissaannullu piginnaassuseqassallutit.

·       Inussiarnersumik pissuseqarlutillu ammasumik kiinnertuussaatit, inuillu assigiinngitsut akornanni akaareqatigiinneq tunngavi-galugu sulisinnaassaatit.

·       Suleqataalluarlutillu suleqatikkuminartuussaatit – suleqativit akornanni suleqatigisallu avataaneersut akornanni.

·       Naatsorsuutinik missingersuusiorsinnaassaatit aningaasaqarnikkullu aqutsinermik misilittagaqarsimassallutit.

·       Allakkatigut oqaloqatigiinnikkullu oqaasiliullaqqittuussaatit, marlunnillu oqaaseqartuullutit - kalaallisut danskisullu.

 

 

Uagut neqeroorutigisinnaavagut:

·       Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartut, periarfissaqarportaaq suliassaqarfinnit arlalinniit suleqatinik piginnaasaqarluartunik illuatungeqarluni isummersoqatigiittarnissamut.

·       Ineriartornissaq inutttut sulianullu tungaatigut.

·       Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

·       Peqqinnissamut sillimmasiissut.

 

Atorfininnermut atatillugu inissaqartitsisinnaavugut, tassungalu maleruagassat atuuttut naapertorlugit qularnaveeqqussut, inimut akiliutissat il.il. akilerneqartassapput.

 

Atorfinitsitsisoqassaaq 1. april 2021 imaluunniit isumaqatigiissuteqarneq tunngavigalugu.

 

Atorfik pillugu annertunerusumik paasisaqarusukkuit saaffiginnissinnaavutit uunga Teknikkeqarnermi Ingerlatsisumut, Derek K. Pedersenimut oqa.: +299 36 30 02 / mail: der@iserit.gl imaluunniit HR-mi Pisortamut Betina B. Nornildimut, oqarasuaat: + 299 36 30 08 / e-mail: beb@iserit.gl. Atorfinitsitsinissamut saqqummiussaq nittartakkatsinni aamma takuneqarsinnaavoq: www.iserit.gl

 

Qinnuteqaatit ”Byggeteknisk Projektleder / Anlægskonsulent, Nuuk”-mik qulequtserlugu, CV-t ilanngussassallu pisariaqartut ilanngullugit uunga nassiutissavat: 

Iserit A/S
Postboks 1539
3900 Nuuk
Mail: job@iserit.gl

Qinnuteqarfissap killinga: Ataasinngorneq ulloq 22. marts 2021.                                                 

 

www.iserit.gl iserfigalugu Iserit A/S-imut tunngasunik paasisaqarnerusinnaavutit.